અમદાવાદ: એરપોર્ટ ફ્યુઅલ બ્રાઉઝર બહાર નીકળ્યું અને સિક્યુરિટીને ખબર જ ન હતી, ડીઝલ ચોરીનો આ ઘટના જાણી ચોંકી જશો-Shocking incident of diesel theft by taking out fuel browser from Ahmedabad airport | અમદાવાદ

અમદાવાદના ઇન્ટરનેશનલ અને ડોમેસ્ટિક એરપોર્ટ પર પ્લેન સિવાયના અન્ય વાહનોમાં ભરવામાં આવતા ડીઝલ માટેની ખાસ વ્યવસ્થા ગોઠવવામાં આવેલી છે. એરપોર્ટ ઓથોરિટી વિભાગ દ્વારા ફ્યુઅલ બ્રાઉઝર થકી જ ડીઝલ પૂરવાનો નિયમ રહેલો છે. આ ઉપરાંત આ ફ્યુઅલ બ્રાઉઝરને એરપોર્ટની હદમાંથી બહાર લઈ જવા માટે પણ ચોક્કસ નિયમો અને તેની જોગવાઈ છે જેમાં સિક્યોરિટી ઓફિસર સાથે રહેતો હોય છે.

અત્રે નોંધનીય છે કે ઝોન-4 એલસીબી સ્કવોડના પીએસઆઈ સંદીપ પટેલ અને તેમની ટીમને બાતમી મળી હતી કે એરપોર્ટના ગ્રાઉન્ડ સ્ટાફની કામગીરી માટે વપરાતા સાધનોમાં જે ફ્યુઅલ બ્રાઉઝર મારફતે જે ડીઝલ ભરવામાં આવે છે તે ફ્યુઅલ બ્રાઉઝર હાલ હાંસોલ નજીક રણમુક્તેશ્વર  ચાર રસ્તા પાસે ઊભું છે અને હાલમાં પણ તેમાંથી ડીઝલની ચોરી થઈ રહી છે. આથી પીએસઆઈ અને તેમની ટીમ તાત્કાલિક સ્થળ પર પહોંચી ગયા અને ફ્યુઅલ બ્રાઉઝરમાંથી ડીઝલની ચોરી કરી રહેલા ભરતભાઈ પટણી અને કલ્પેશ પટણીની ધરપકડ કરી છે.

પોલીસની પ્રાથમિક પૂછપરછમાં સામે આવ્યું કે, આરોપી ભરત પટણી ફ્યુઅલ બ્રાઉઝરને એરપોર્ટની બહાર લઈને આવ્યો હતો. ત્યારે હાલ બંને આરોપીની ધરપકડ કરીને સમગ્ર મામલે એરપોર્ટ પોલીસે ગુનો નોંધીને આગળની વધુ તપાસ શરૂ કરી છે. મહત્વનું છે કે થોડા દિવસો પહેલા પણ આ રીતે ચોરી કરતા ગેંગની ઝોન 4 lcb એ ધરપકડ કરી હતી.