આજનું એક્સપ્લેનર:પાકિસ્તાની 'માયાજાળ', બોલ ફેંકતા પહેલા થંભી જાય ને પછી મચાવે છે તબાહી; ભારત કોયડો ઉકેલી શકશે?, ધોનીની ફિલ્મે બદલ્યું નસીબ

T-20 વર્લ્ડ કપમાં ભારત-પાક મહામુકાબલા પહેલા એક નામ ખૂબ જ ચર્ચામાં છે. પોઝ લઈને બોલ ફેંકનાર પાકિસ્તાનનો મિસ્ટ્રી સ્પિનર- ઉસ્માન તારિક. 4 ઇન્ટરનેશનલ T-20 મેચમાં 11 વિકેટ… દર 8મા બોલે શિકાર. PSL અને ડોમેસ્ટિક મિલાવી દઈએ, તો પાછલી 23 મેચોથી તે વિકેટલેસ રહ્યો નથી. પરંતુ ચર્ચા માત્ર વિકેટ લેવાની ઝડપની જ નથી, પરંતુ તેના વિચિત્ર બોલિંગ એક્શન અને તેના ક્રિકેટર બનવાની અનોખી કહાનીની પણ છે. કોણ છે ઉસ્માન તારિક, તેના બોલિંગ એક્શન પર કેમ સવાલો ઉઠી રહ્યા છે અને પાકિસ્તાનના આ મિસ્ટ્રી સ્પિનરથી ટીમ ઇન્ડિયા કેવી રીતે નિપટશે; જાણીશું આજના એક્સપ્લેનરમાં… સવાલ-1: ઉસ્માન તારિકની આટલી ચર્ચા કેમ થઈ રહી છે?
જવાબ: પાકિસ્તાનના મિસ્ટ્રી સ્પિનર ઉસ્માન તારિકે તેના અનઓર્થોડોક્સ બોલિંગ એક્શનના કારણે ચર્ચામાં આવી ગયો છે. ડિલિવરી પહેલા તેનો હળવો રોકાવ બેટર્સને કન્ફ્યુઝ કરે છે. તેણે માત્ર ચાર T-20 ઇન્ટરનેશનલમાં 88 બોલ નાખીને 11 વિકેટ ઝડપી છે… 2008 અંડર-19 વર્લ્ડ કપ ટીમના સભ્ય શ્રીવત્સ ગોસ્વામીએ તેના રન-અપની તુલના ફૂટબોલ પેનલ્ટી સાથે કરતા કહ્યું કે ફૂટબોલમાં પણ રન-અપ દરમિયાન રોકાવવાની પરવાનગી નથી, તો પછી ક્રિકેટમાં આવું કેવી રીતે યોગ્ય હોઈ શકે. આના પર પૂર્વ ભારતીય ક્રિકેટર રવિચંદ્રન અશ્વિને કહ્યું કે જ્યારે બેટ્સમેન કહ્યા વગર સ્વિચ-હિટ કે રિવર્સ શોટ રમી શકે છે, તો પાબંધીઓ માત્ર બોલર પર જ કેમ હોય? બોલર તો જણાવ્યા વગર હાથ પણ બદલી શકતો નથી, પહેલા આ નિયમો બદલાવા જોઈએ. પૂર્વ ભારતીય ક્રિકેટર અને કોમેન્ટેટર આકાશ ચોપરાએ સવાલ ઉઠાવ્યો કે શું હાથ વાળ્યા વગર ઊભા-ઊભા બોલની સ્પીડ 20 કિમી/કલાક સુધી વધારી શકાય છે? સવાલ-2: તો શું તેનું બોલિંગ એક્શન અને પોઝ લેવો લીગલ નથી? જવાબ: ICCના નિયમો મુજબ ઉસ્માન તારિકનું એક્શન અને પોઝ બંને લીગલ છે. પહેલા વાત તેના બોલિંગ એક્શનની… હવે વાત બોલ ફેંકતા પહેલા પોઝની… સવાલ-3: ઉસ્માન તારિક સાથે પાકિસ્તાનની સ્પિન ચોકડી કેટલી મોટી પડકાર?
જવાબ: 2024 વર્લ્ડ કપ પછી કેટલાક ભારતીય બેટર્સ સ્પિનર્સ સામે ઘણીવાર પરેશાન જોવા મળ્યા છે… ભારત-પાકિસ્તાન વચ્ચે 15 ફેબ્રુઆરીએ યોજાનારી મેચ કોલંબોના પ્રેમદાસા સ્ટેડિયમમાં છે. એક્સપર્ટ્સનું માનવું છે કે અહીં સ્પિનર્સને 3થી 4 ડિગ્રી સુધીનો ટર્ન મળી રહ્યો છે. અહીં 60% વિકેટ સ્પિનર્સને મળે છે. ભારત માટે સૌથી મોટો પડકાર મિસ્ટ્રી સ્પિનર ઉસ્માન તારિક છે. કોલંબોની પિચ પર બોલ માટી પર પડ્યા પછી રોકાય છે, જે ઉસ્માન જેવા સ્લો-પોઝ બોલર માટે સચોટ છે. જો ઉસ્માનના T-20 ઇન્ટરનેશનલ મેચ, ડોમેસ્ટિક T-20 મેચ અને PSLના આંકડા જોઈએ તો, પાછલી 23 મેચમાં તેણે દરેક મેચમાં ઓછામાં ઓછી એક વિકેટ તો લીધી જ છે. આ દરમિયાન તેની ઇકોનોમી 6.5ની રહી છે અને ડોટ બોલ પણ આશરે 42% છે. વેસ્ટ ઇન્ડીઝના પૂર્વ દિગ્ગજ ક્રિકેટર અને કોમેન્ટેટર ઇયાન બિશપે ઉસ્માન તારિક પર કહ્યું છે કે-
ઉસ્માન પોતાની બોલિંગમાં અલગ-અલગ એન્ગલનો ઉપયોગ કરે છે. તે રોંગ આર્મ, ઓવર ધ ટોપ, ક્વિકર બોલ, ઓફ સ્પિન અને હળવી લેગ સ્પિનથી બેટરને છેતરી શકે છે. જેના કારણે બેટરને મોટા શોટ મારવામાં મુશ્કેલી પડે છે. અબરાર અહેમદઃ ઉસ્માન સિવાય અબરાર અહેમદને પણ પાકિસ્તાન મિસ્ટ્રી વેપન તરીકે ઉપયોગ કરી શકે છે. તેની કેરમ બોલ કોલંબોની માટી પર ગ્રીપ કરી રહી છે. પાવરપ્લેમાં પણ તેની ઇકોનોમી માત્ર 7.5ની રહી છે. આ વર્લ્ડ કપમાં રમેલી 2 મેચમાં તેણે 3 વિકેટ ઝડપી છે. T-20 વર્લ્ડ કપથી ઠીક પહેલા ઓસ્ટ્રેલિયા સામે થયેલી 3 મેચોની T-20 સિરીઝમાં અબરારે 6 વિકેટ લીધી હતી. મોહમ્મદ નવાઝઃ ત્રીજો સ્પિનર મોહમ્મદ નવાઝ અવારનવાર પાવરપ્લે પછી તરત બોલિંગ કરે છે અને રનની ગતિને રોકે છે. અત્યાર સુધી 2 મેચમાં નવાઝે 3 વિકેટ ઝડપી છે. ઓસ્ટ્રેલિયા સામેની સિરીઝમાં તેણે કરિયરનું સર્વશ્રેષ્ઠ પ્રદર્શન કરતા 18 રન આપીને 5 વિકેટ લીધી. નવાઝે 3 મેચમાં કુલ 7 વિકેટ લીધી હતી. શાદાબ ખાનઃ ચોથો સ્પિનર શાદાબ ખાન પણ વર્લ્ડ કપ શરૂ થતા પહેલા જ ફોર્મમાં પાછો આવી ગયો છે. તેની ગુગલી પહેલા કરતા ક્યાંય વધુ ઝડપથી આવે છે. કોલંબોમાં લાંબી બાઉન્ડ્રી હોવાના કારણે તે બેટર્સને મોટા શોટ રમવા માટે મજબૂર કરે છે, જેનાથી વિકેટ જવાનો ડર રહે છે. અત્યાર સુધી 2 મેચમાં શાદાબે પણ 2 વિકેટ લીધી છે. ઓસ્ટ્રેલિયા સામેની સિરીઝમાં પણ શાદાબે 4 વિકેટ લીધી હતી. આ સિવાય પાકિસ્તાનના બેટિંગ ઓલરાઉન્ડર સૈમ અયુબ પણ ભારતીય બેટર્સ માટે મુસીબત બની શકે છે. પાકિસ્તાન તેનો ઉપયોગ અવારનવાર પાવરપ્લે દરમિયાન કરે છે. નેધરલેન્ડ સામેની મેચમાં તેણે 1 ઓવરમાં 7 રન આપીને 2 વિકેટ ઝડપી હતી. સવાલ-4: ટીમ ઇન્ડિયા ઉસ્માન તારિક અને પાકિસ્તાની સ્પિનની પડકારથી કેવી રીતે નિપટશે?
જવાબ: ટીમ ઇન્ડિયા ઉસ્માન તારિક અને પાક સ્પિન સામે બોલ જોઈને નેચરલ એટેકિંગ ગેમ, સ્માર્ટ મુવમેન્ટ અને ટેકનિકના દમ પર જવાબ આપી શકે છે. 2024 T-20 વર્લ્ડ કપ પછી ભારતીય બેટર્સ સીમર્સ સામે 157 અને સ્પિનર્સ સામે માત્ર 73 આઉટ થયા છે. એટલે કે અડધાથી પણ ઓછા. નામીબિયા સામે જીત્યા પછી ઇશાન કિશને કહ્યું હતું કે કોઈ બોલર પર ખાસ તૈયારીની જરૂર નથી. તેણે કહ્યું, ‘અમે તૈયારી પહેલા જ કરી ચૂક્યા છીએ. હવે માત્ર બોલને જોવાનો છે અને પોતાની નેચરલ ગેમ રમવાની છે.’ વીતેલા વર્ષોમાં અનેક ટીમોએ રાશિદ ખાન જેવા મિસ્ટ્રી સ્પિનર્સને રમવા માટે એક નવી અપ્રોચ અપનાવી છે. ટીમો T-20માં રાશિદની 4 ઓવરોમાં વિકેટ બચાવીને રમવાની કોશિશ કરે છે. બાકીના બોલરો પર વધુ રન બનાવવાની કોશિશ કરવામાં આવે છે. પરંતુ કોલંબોની પિચ પર તમામ સ્પિનર્સને મદદ મળશે એવામાં એક વધુ અપ્રોચ હોઈ શકે છે. જોકે પૂર્વ ભારતીય ક્રિકેટર રવિ અશ્વિન ઉસ્માન તારિક સામે એક અલગ અપ્રોચનું સૂચન આપે છે. તેમણે કહ્યું કે જો તારિક ડિલિવરી પહેલા રોકાય છે કે મોડું કરે છે, તો બેટ્સમેનને ક્રીઝ છોડવાનો અધિકાર છે, કારણ કે તેને રિલીઝનો સાચો સમય સમજાયો નથી. બેટ્સમેન અમ્પાયરને કહી શકે છે કે તેને ખબર ન પડી કે બોલ ક્યારે ફેંકવામાં આવશે. જો ભારતીય બેટ્સમેન આવું કરે છે તો અમ્પાયર પર દબાણ વધશે અને તે બોલરને ચેતવણી આપી શકે છે. આનાથી પાકિસ્તાનના આ મહત્વના બોલરની લય બગડી શકે છે અને તેની અસર ઓછી થઈ શકે છે. સવાલ-5: ઉસ્માન તારિકની પાકિસ્તાની ટીમમાં રમવાની કહાની શું છે?
જવાબ: ઉસ્માન તારિકનો જન્મ 1 જાન્યુઆરી 1998ના રોજ પાકિસ્તાનના પેશાવરના નાના ગામ ચારસદ્દામાં થયો. ઉસ્માનને બાળપણથી જ ક્રિકેટનો શોખ હતો, પરંતુ 2007માં પિતાના અવસાન પછી તેને ક્રિકેટ છોડવું પડ્યું. આર્થિક તંગીના કારણે ઉસ્માન કમાવવા માટે દુબઈ ગયો. ત્યાં એક હોટલમાં કલાકો સુધી ઊભા રહીને ડુંગળી કાપવાનું કામ મળ્યું. પીઠમાં સતત દુખાવા પછી તેણે નોકરી છોડી પાકિસ્તાન પરત ફર્યો. જોકે 2016માં તેને ફરીથી કામની શોધમાં દુબઈ જવું પડ્યું. દુબઈમાં ઉસ્માનનો મોટો ભાઈ પણ રહેતો હતો. બંને એક લેબર કેમ્પમાં રહેતા હતા. આ દરમિયાન ઉસ્માનની જિંદગીમાં ક્રિકેટ ફરીથી પાછું આવ્યું. તે દુબઈમાં સ્ટ્રીટ ક્રિકેટ રમવા લાગ્યો. આ દરમિયાન તેણે ફાસ્ટ બોલિંગ છોડીને સ્પિન અપનાવી. 6 ફૂટ 3 ઇંચનો ઉસ્માન પોતાના ઊંચા કદ અને અલગ એક્શનના કારણે બેટર્સને ખાસ્સા પરેશાન કરતો હતો. 2017માં પાકિસ્તાન સુપર લીગની ટીમ પેશાવર ઝાલ્મીએ દુબઈમાં ટેલેન્ટ હન્ટ રાખ્યું. સેંકડો ખેલાડીઓ વચ્ચે ઉસ્માનને પણ 6 બોલ નાખવાની તક મળી. ત્યારબાદ તે આગામી રાઉન્ડ માટે પસંદ થઈ ગયો, પરંતુ નોકરી છોડવી તેના માટે શક્ય નહોતું. મજબૂરીમાં ઉસ્માન ટ્રાયલ છોડી દીધી. MS ધોનીની ફિલ્મથી મળી ઇન્સ્પિરેશન
ભારતીય ક્રિકેટર મહેન્દ્ર સિંહ ધોનીની જિંદગી પર બનેલી ફિલ્મ ‘ધોની- ધ અનટોલ્ડ સ્ટોરી’ જોયા પછી તેની વિચારસરણી બદલાઈ ગઈ. ફિલ્મમાં એક સીન આવે છે. ધોની રેલવે પ્લેટફોર્મ પર બેઠો હોય છે અને મનમાં નોકરી અને ક્રિકેટમાંથી કોઈ એકને પસંદ કરવાનો દ્વંદ્વ ચાલતો હતો. ત્યારે જ વરસાદ શરૂ થઈ જાય છે અને અચાનક ધોની બેન્ચ પરથી ઊભા થઈને ટ્રેન પકડી લે છે અને ઘરે પરત ફરે છે. આ બધું દુબઈના લેબર કેમ્પમાં બેઠો ઉસ્માન જોઈ રહ્યો હતો. તેણે પોતાના ભાઈને કહ્યું- મારો સીન પણ તો આ જ છે. ત્યારબાદ તેણે નોકરી છોડી દીધી અને પેશાવર પરત આવી ગયો. તેણે પૂરી રીતે ક્રિકેટ પર ફોકસ કર્યું. 2024માં ઉસ્માન પાકિસ્તાન સુપર લીગમાં ડેબ્યૂ કર્યું, પરંતુ કોઈ ખાસ અસર છોડી શક્યો નહીં. 2025માં તેણે પોતાની ટીમ ક્વેટા ગ્લેડીએટર્સને PSLના ફાઈનલમાં પહોંચાડી. આ ટૂર્નામેન્ટમાં તેણે પાંચ મેચમાં 10 વિકેટ ઝડપી. ત્યારબાદ તે પાકિસ્તાન નેશનલ ટીમ માટે પણ પસંદ કરવામાં આવ્યો. ઓક્ટોબર 2025માં ઉસ્માન સાઉથ આફ્રિકા સામે પોતાનું ડેબ્યૂ કર્યું.



Source link