ટ્રમ્પના ટેરિફથી પણ ન તૂટ્યો આ શેર, 2 મહિનામાં આપ્યું 375% રિટર્ન; આજે તો માર્કેટમાં બૂમ પડાવી – cian agro industries and infra shares hit upper circuit stock surge 375 percent in two months | વેપાર

આજે અમે એવા જ એક પેની સ્ટોક વિશે જણાવવા જઈ રહ્યા છીએ, જે ટ્રમ્પ ટેરિફ, ગ્લોબલ અનિશ્ચિતતા હોવા છતાં 2 મહિનામાં જ તેના રોકાણકારોને 350 ટકાથી વધારે રિટર્ન આપી ચૂક્યો છે. આ કંપનીનું માર્કેટ કેપ 5.66 હજાર કરોડ રૂપિયા છે. તો તેનો પ્રોફિટ-ટૂ-અર્નિંગ રેશ્યો (P/E) 60 છે, જે વધારે છે.

ખરેખર, અમે મલ્ટિબેગર સ્ટોક સિયાન એગ્રો ઇન્ડસ્ટ્રીઝ એન્ડ ઇન્ફ્રાસ્ટ્રક્ચરની વાત કરી રહ્યા છીએ. આજે આ સ્ટોકમાં 5%નું અપર સર્કિટ લાગ્યું છે. સોમવારે BSE પર સિયાન એગ્રો ઇન્ડસ્ટ્રીઝ એન્ડ ઇન્ફ્રાસ્ટ્રક્ચરનો શેર 2,023.20 રૂપિયાના સ્તરે ખુલ્યો, જે શુક્રવારના ક્લોઝિંગ ભાવ 1,926.90 રૂપિયા કરતાં 5% વધારે છે.

આ સ્ટોકે છેલ્લા બે મહિનામાં 375%નો વધારો નોંધાવ્યો છે, જ્યારે 6 મહિનાના સમયગાળામાં 466%નું ભારે મલ્ટિબેગર રિટર્ન આપ્યું છે. કંપનીએ 26 સપ્ટેમ્બરે એક એક્સચેન્જ ફાઇલિંગ દ્વારા જણાવ્યું હતું કે, નાણાકીય વર્ષ 2026ના બીજા ત્રિમાસિક પરિણામો રજૂ કરવા માટે 1 ઓક્ટોબરથી 48 કલાક માટે ટ્રેડિંગ વિન્ડો બંધ રહેશે.

નોંધનીય છે કે, નાણાકીય વર્ષ 2025-26ના પ્રથમ ત્રિમાસિક ગાળા દરમિયાન કંપનીએ ઓપરેશનમાંથી આવકમાં 2820%નો શાનદાર વધારો હાંસલ કર્યો હતો, જે 511 કરોડ રૂપિયા નોંધાયો હતો. ગત વર્ષના સમાન સમયગાળામાં આ 17.5% હતો. ત્રિમાસિક ધોરણે, ચાલુ નાણાકીય વર્ષના પ્રથમ ત્રિમાસિકમાં 4%નો વધારો નોંધાયો હતો, જે નાણાકીય વર્ષ 2024-25ના છેલ્લા ત્રિમાસિકમાં 490 કરોડ રૂપિયા હતો.