નમાઝ V/s હનુમાન ચાલીસા:લખનઉ યુનિવર્સિટીના બિલ્ડીંગમાં ત્રણ દિવસથી બબાલ; મુસ્લિમોએ નમાઝ કરી તો કોઈ પગલાં નહીં, હનુમાન ચાલીસા કરનારાની અટકાયત
લખનઉ યુનિવર્સિટીમાં આજે સતત ત્રીજા દિવસે પણ હોબાળો ચાલુ છે. કેમ્પસમાં મુસ્લિમ વિદ્યાર્થીઓના નમાઝ પઢવાના વિરોધમાં આજે બીજા ગ્રુપના વિદ્યાર્થીઓ હનુમાન ચાલીસા કરવા પહોંચ્યા હતા. તેઓ ભેગા થતાં જ પોલીસ પણ પહોંચી ગઈ. વિદ્યાર્થીઓને પકડી-પકડીને ગાડીમાં ધકેલી દીધા હતા. ચાલીસા પાઠ કરવા ગયેલા વિદ્યાર્થીઓનું કહેવું છે કે જ્યારે અહીં નમાઝ પઢવામાં આવી, ઇફ્તાર પાર્ટી કરવામાં આવી ત્યારે કોઈ કાર્યવાહી કરવામાં આવી નહીં. આજે હનુમાન ચાલીસા પર કાર્યવાહી શા માટે કરવામાં આવી રહી છે? જેમણે યુનિવર્સિટીની બિલ્ડિંગ પર કુહાડી ચલાવી, તેમના પર દેશદ્રોહનો કેસ થવો જોઈએ. અમે જેમ તેમના, તે જ રીતે અમારા ધર્મનું પણ સન્માન કરીએ છીએ. ઘણા વિદ્યાર્થીઓને કસ્ટડીમાં લીધા પછી કેટલાક વધુ વિદ્યાર્થીઓ લાલ બારાદરી બિલ્ડિંગ પહોંચ્યા. ત્યાં બિલ્ડિંગ પર ગંગાજળ છાંટ્યું. પછીથી બિલ્ડિંગ સામે રાષ્ટ્રીય શિક્ષાર્થી દળના વિદ્યાર્થીઓએ હનુમાન ચાલીસાનો પાઠ કર્યો. 3 તસવીરો જુઓ… વિવાદ-બબાલનું સંપૂર્ણ મૂળ જાણો યુનિવર્સિટી કેમ્પસની અંદર લાલ બારાદરી બિલ્ડિંગ છે, જેના અંદર મસ્જિદ હોવાનો દાવો કરવામાં આવી રહ્યો છે. જોકે, ઘણા વિદ્યાર્થીઓનું એ પણ કહેવું છે કે તેના અંદર એક નાનું મંદિર પણ છે. બિલ્ડિંગ ઘણી જર્જરિત થઈ ગઈ છે, તેથી યુનિવર્સિટી પ્રશાસન તેનું નવિનીકરણ કરાવી રહ્યું છે. રવિવારે જેવી ખોદકામ શરૂ થયું, મોટી સંખ્યામાં NSUIના વિદ્યાર્થીઓ સ્થળ પર પહોંચી ગયા. વિદ્યાર્થીઓએ નિર્માણ કાર્યનો વિરોધ કરતા હોબાળો શરૂ કરી દીધો. કહ્યું- લાલ બારાદરી ASI દ્વારા સંરક્ષિત સ્થળ છે, તેથી તેની પરવાનગી વિના કોઈ બાંધકામ કરી શકાતું નથી. રવિવારે જે જગ્યાએ મુસ્લિમ વિદ્યાર્થીઓએ નમાઝ પઢી અને ઇફ્તાર કરી, સોમવારે તે જ જગ્યાએ હિંદુ વિદ્યાર્થીઓએ જય ભવાની, જય શ્રીરામના નારા લગાવ્યા. નમાઝ પઢનારા વિદ્યાર્થીઓ તે સ્થળે નિર્માણ કાર્ય રોકાવવા પહોંચ્યા હતા તો બીજા જૂથે પહોંચીને નારાબાજી કરતા તેમને તેમ કરતા રોક્યા. કેમ્પસના પળેપળના અપડેટ માટે નીચે લાઇવ બ્લોગ વાંચો…
Source link
