રણજી ટ્રોફી ફાઈનલમાં ડોગરાએ અનીશને માથું માર્યું:જમ્મુ-કાશ્મીરનો સ્કોર બીજા દિવસે 527/6, કેપ્ટન પારસ, વધવાન અને સાહિલની ફિફ્ટી
રણજી ટ્રોફી 2025-26ની ફાઇનલ કર્ણાટક અને જમ્મુ-કાશ્મીર વચ્ચે હુબલી ક્રિકેટ ગ્રાઉન્ડ પર રમાઈ રહી છે. જમ્મુ-કાશ્મીરે ટોસ જીતીને પ્રથમ બેટિંગ કરી રહી છે. બીજા દિવસની રમત સમાપ્ત થઈ ત્યાં સુધીમાં જમ્મુ-કાશ્મીરે 6 વિકેટ ગુમાવીને 527 રન બનાવી લીધા છે. સાહિલ લોત્રા 57 રન અને આબિદ મુશ્તાક 20 રન બનાવીને રમી રહ્યા છે. કર્ણાટક તરફથી પ્રસિદ્ધ ક્રિષ્નાએ સૌથી વધુ 3 વિકેટ લીધી છે. પ્રથમ સેશનમાં બે વિકેટ ઝડપથી ગુમાવી પ્રથમ દિવસના 2 વિકેટે 284 રનના સ્કોરથી આગળ રમતા જમ્મુ-કાશ્મીરે બે વિકેટ ઝડપથી ગુમાવી દીધી. પ્રથમ દિવસના સદીવીર શુભમ પુનદીરને વિદ્યાધર પાટીલે પેવેલિયનનો રસ્તો બતાવ્યો. શુભમ 121 રનના સ્કોર પર કે.વી. અનીશને મિડ-વિકેટ પર કેચ આપી બેઠા. તેના પછીની ઓવરમાં જ અબ્દુલ સમદ પણ પ્રસિદ્ધ ક્રિષ્નાના બોલ પર આઉટ થઈ ગયો. વિકેટકીપર કૃતિક ક્રિષ્નાએ કેચ પકડ્યો. સમદ 61 રન બનાવીને આઉટ થયો અને ટીમનો સ્કોર 303/2 થી 307/4 થઈ ગયો. કેપ્ટન પારસ અને વધાવાન વચ્ચે સેન્ચુરીની ભાગીદારી કેપ્ટન પારસ ડોગરા અને વધવાને ઇનિંગ્સ સંભાળી. બંનેએ પાંચમી વિકેટ માટે સદીની ભાગીદારી કરતા 110 રન જોડ્યા. આ દરમિયાન કનૈયા વધવાને પોતાની ફિફ્ટી પૂરી કરી. આખરે 417 રનના ટીમ સ્કોર પર શિખર શેટ્ટીએ વધવાનને રાહુલના હાથે કેચ આઉટ કરાવ્યો. વધવાને 70 રનની ઇનિંગ્સમાં 9 ચોગ્ગા ફટકાર્યા. પારસ ડોગરા અને અનીશ સામસામે ભીડાયા જમ્મુ-કાશ્મીરની ઇનિંગ્સની 101મી ઓવરમાં બેટિંગ કરી રહેલા ડોગરા અને શોર્ટ લેગ પર ઉભેલા કેવી અનીશ એકબીજા સાથે ભીડાઈ ગયા. હકીકતમાં, અનીશ બેટર પર દબાણ બનાવવા માટે સતત કેટલીક કમેન્ટ્સ કરી રહ્યો હતો. આ દરમિયાન ડોગરાએ અનીશના માથા પર પોતાનું માથું માર્યું. બંનેએ હેલ્મેટ પહેરી હતી. આ પછી અમ્પાયરે દરમિયાનગીરી કરીને બંનેને અલગ કર્યા. જોકે, આગલી ઓવરમાં ડોગરાએ અનીશ પાસે માફી માગવાનો પ્રયાસ પણ કર્યો, પરંતુ અનીશે માફી લેવાનો ઇનકાર કરી દીધો. કેપ્ટન ડોગરા અને સાહિલ લોત્રાની ફિફ્ટી કેપ્ટન ડોગરા અને સાહિલ લોત્રા વચ્ચે છઠ્ઠી વિકેટ માટે 54 રનની ભાગીદારી થઈ. આ દરમિયાન કેપ્ટન ડોગરાએ ફિફ્ટી ફટકારી. તે 70 રન બનાવીને શ્રેયસ ગોપાલની બોલિંગમાં ક્લીન બોલ્ડ થયો. સાહિલ-મુશ્તાકે ટીમને 500 રન પાર પહોંચાડી સાહિલ અને આબિદ મુશ્તાકે સાતમી વિકેટ માટે 56 રન ઉમેરીને ટીમનો સ્કોર 500 રન પાર પહોંચાડ્યો. દિવસની રમત પૂરી થતાં સુધીમાં બંને અણનમ પાછા ફર્યા. કર્ણાટક માટે પ્રસિદ્ધે 3 વિકેટ લીધી છે, જ્યારે શ્રેયસ ગોપાલ, વિદ્યાધર પાટીલ અને શિખર શેટ્ટીને 1-1 વિકેટ મળી છે. પહેલા દિવસે શુભમ પુનદીરે સદી ફટકારી હતી પહેલા દિવસે જમ્મુ-કાશ્મીર માટે શુભમ પુનદીરે સદી ફટકારી હતી. તેમણે 121 રનની ઇનિંગ રમી હતી. તેના સિવાય ઓપનર યાવર હસને 88 રન બનાવ્યા હતા. પહેલા દિવસે ટીમે 2 વિકેટના નુકસાન પર 284 રન બનાવ્યા હતા. બંને વિકેટ પ્રસિદ્ધે ઝડપી હતી.
Source link
