રબારી સમાજે લગ્ન ખર્ચ ઘટાડવા નિર્ણય – Rabari community decides to reduce wedding expenses |

મામેરાની રકમને પણ નિયંત્રિત કરવામાં આવી છે. હવે મામેરું રૂપિયા 51,000 થી 2,51,000 સુધી જ કરી શકાશે, તેથી વધુ નહીં. મામા તરફથી રોકડ રૂપિયા 25,000 થી 51,000 જ આપવાની મર્યાદા નક્કી કરાઈ છે. સામે ઓઢામણી લેવી કે આપવી નહીં, તેમજ કાપડની ઓઢામણીની પ્રથા બંધ કરવામાં આવી છે. સગપણ પ્રસંગે ફક્ત રૂપિયા 1 અને શ્રીફળ આપવાનો નિયમ બનાવાયો છે, દાગીના લઈ જવાની મનાઈ છે. સમાજે વસ્ત્ર પરંપરામાં પણ સુધારો લાવ્યો છે. ચૂડો ગળી વગરનો પહેરવાનો રહેશે અને પ્રસંગોમાં ચૂડો પહેરીને જ આવવાનું ફરજિયાત રાખવામાં આવ્યું છે. તોરણ પુખવામાં ઊંટની છૂટ આપવામાં આવી છે, પરંતુ તોરણ ઉપર કાપડ લટકાવવું નહીં. સમાજ સિવાય અન્ય વ્યક્તિઓને જાનમાં લઈ જવાની મનાઈ કરવામાં આવી છે.