1 રૂપિયાથી ઓછી કિંમતનો આ શેર સોમવારે બનશે રોકેટ? કંપનીને 100 કરોડથી વધુનો મળ્યો ઓર્ડર – Will this stock worth less than Rs 1 become a rocket on Monday Received a big order worth more than Rs 100 crore | વેપાર
Last Updated:
Penny Stock Harshil Agrotech: સોમવારે શેર માર્કેટમાં એક પેની સ્ટોક પર દરેક રોકાણકારોની નજર રહેશે. આ પેની સ્ટોક સોમવારે ઉડાન ભરી શકે છે. આની પાછળનું કારણ છે કે તેને 100 કરોડ રૂપિયાથી વધુનો મોટો ઓર્ડર મળ્યો છે.
Penny Stock Harshil Agrotech: સોમવારે શેર માર્કેટમાં એક પેની સ્ટોક પર દરેક રોકાણકારોની નજર રહેશે. આ પેની સ્ટોક સોમવારે ઉડાન ભરી શકે છે. આની પાછળનું કારણ છે કે તેને 100 કરોડ રૂપિયાથી વધુનો મોટો ઓર્ડર મળ્યો છે. એક્સચેન્જને આપેલી માહિતીમાં આ શેરે જણાવ્યું કે તેને હીરા મર્ચન્ટ્સ પાસેથી અનાજ અને શાકભાજીના પુરવઠા માટે ₹113 કરોડનો ઓર્ડર મળ્યો છે. આ સ્ટોકનું નામ છે હર્ષિલ એગ્રોટેક. આ શેર પર સોમવારે રોકાણકારોની નજર રહેશે. આ શેરની કિંમત એક રૂપિયાથી પણ ઓછી છે.
કંપનીને મળેલા ઓર્ડર અનુસાર, તેણે ઘઉં (ગ્રેડ-એ), બટાકા, ડુંગળી, ટામેટાં (હાઇબ્રિડ), લીલાં મરચાં (તાજાં), રીંગણા અને શિમલા મરચાનું મિશ્રણ જેવા વિવિધ ઉત્પાદનો પૂરા પાડવાના છે. હર્ષિલ એગ્રોટેકને ઓર્ડરની પુષ્ટિના સાત દિવસની અંદર 30% એડવાન્સ પેમેન્ટ અને ડિલિવરી તથા નિરીક્ષણ બાદ 70% રકમ મળશે. લોજિસ્ટિક્સની વ્યવસ્થા હર્ષિલ એગ્રોટેક દ્વારા કરવામાં આવશે.
પેની સ્ટોક હર્ષિલ એગ્રોટેક (Harshil Agrotech)ના શેર શુક્રવારે 4.44 ટકા ઘટીને 0.86 રૂપિયાના સ્તરે બંધ થયા હતા. જોકે, શુક્રવારે તેના શેર ₹0.94ના ઉચ્ચતમ સ્તર સુધી પહોંચ્યા હતા. હર્ષિલ એગ્રોટેકના શેર એક વર્ષમાં 78% ઘટ્યા છે.
હર્ષિલ એગ્રોટેકના મેનેજમેન્ટે આ ખરીદ ઓર્ડરને પરિચાલનની દૃષ્ટિએ મહત્ત્વપૂર્ણ ગણાવ્યો અને આશા વ્યક્ત કરી કે સરળ અમલીકરણ અને ગુણવત્તાયુક્ત મંજૂરીઓને આધીન, આ ઓર્ડર નજીકના ભવિષ્યમાં આવકમાં નોંધપાત્ર વધારો કરશે.
ગુજરાત સ્થિત હર્ષિલ એગ્રોટેક લિમિટેડ શાકભાજી, અનાજ અને અન્ય કૃષિ ઉત્પાદનોના પ્રોસેસિંગ અને વેપારનો વ્યવસાય કરે છે. આ કંપની BSEમાં લિસ્ટેડ છે.
(Disclaimer: અહીં આપવામાં આવેલી શેરબજારની જાણકારી ફક્ત સામાન્ય માહિતી રજૂ કરે છે. ન્યુઝ 18 ગુજરાતી કે તેનું મેનેજમેન્ટ તેના માટે જવાબદાર નથી. કોઈપણ રોકાણ કરતા પહેલા આપના ફાઈનાન્શિયલ એડવાઈઝરની સલાહ ચોક્કસ લો.)
Mumbai,Maharashtra
September 27, 2025 7:30 PM IST
