6 મહિનામાં જ 244% રિટર્ન, હવે કંપનીનું આવ્યું મોટું નિવેદન; સોમવારે રહેશે દરેક રોકાણકારોની નજર – multibagger stock cupid limited to be in focus on monday check why | વેપાર
Last Updated:
Multibagger Stock: શેરબજારમાં એવા ઘણા શેર છે, જે રોકાણકારોને માલામાલ બનાવી ચૂક્યા છે. ક્યૂપિડ લિમિટેડ (Cupid Limited) એ પણ એવો જ એક મલ્ટિબેગર સ્ટોક છે, જેણે છેલ્લા કેટલાક મહિનાઓમાં રોકાણકારોને શાનદાર રિટર્ન આપ્યું છે.
Multibagger Stock: શેરબજારમાં એવા ઘણા શેર છે, જે રોકાણકારોને માલામાલ બનાવી ચૂક્યા છે. ક્યૂપિડ લિમિટેડ (Cupid Limited) એ પણ એવો જ એક મલ્ટિબેગર સ્ટોક છે, જેણે છેલ્લા કેટલાક મહિનાઓમાં રોકાણકારોને શાનદાર રિટર્ન આપ્યું છે. હવે કંપનીએ જણાવ્યું છે કે, બીજુ ક્વાર્ટર (Q2 FY26) તેનું અત્યાર સુધીનો સૌથી મજબૂત ક્વાર્ટર સાબિત થઈ શકે છે. આ જ કારણે સોમવારના ટ્રેડિંગ સેશનમાં આ શેર પર બધાની નજર રહેશે.
કંપનીના ચેરમેન અને MD આદિત્ય કુમાર હલવાસિયાએ જણાવ્યું કે, Q2 FY26માં ક્યૂપિડ લિમિટેડ રેકોર્ડ પરફોર્મન્સ આપવા જઈ રહી છે. આનું મુખ્ય કારણ છે નવી-નવી પ્રોડક્ટ્સનું લોન્ચિંગ, FMCG બિઝનેસમાં તેજી અને ઇન્સ્ટિટ્યૂશનલ ઓર્ડર્સની મજબૂત પાઇપલાઇન.
પાછલા નાણાકીય વર્ષમાં ક્યૂપિડે ₹203.18 કરોડની કુલ આવક નોંધાવી હતી. જ્યારે નેટ પ્રોફિટ ₹40.89 કરોડ રહ્યો હતો, એટલે કે 22%થી વધુનું હેલ્ધી માર્જિન. ઘરેલું FMCG સેગમેન્ટે એકલાએ જ ₹50 કરોડથી વધુની કમાણી કરી અને 1.2 લાખથી વધુ રિટેલ આઉટલેટ્સ સુધી પહોંચ બનાવી.
છેલ્લા 6 મહિનામાં ક્યૂપિડે જબરદસ્ત રિટર્ન આપ્યું છે. સ્ટોક 6 મહિનામાં 244%થી વધુ ઉપર ચઢ્યો છે અને 5 વર્ષમાં તેણે 1,869% રિટર્ન આપ્યું છે. માત્ર એક મહિનામાં જ આ શેર આશરે 25% ઉછળ્યો છે.
ક્યૂપિડ હવે માત્ર કોન્ટ્રાસેપ્ટિવ બનાવતી કંપની નથી. તેનું IVD કિટ્સવાળું ડાયગ્નોસ્ટિક સેગમેન્ટ હવે નફામાં છે. 15થી વધુ ટેસ્ટ કિટ્સ અને ગ્લોબલ માર્કેટમાં એક્સપેન્શન તેની આગામી ગ્રોથ સ્ટોરી લખી રહ્યું છે. કંપની હવે પોતાને કન્ઝ્યુમર વેલનેસ અને હેલ્થ-ટેક લીડર તરીકે રજૂ કરી રહી છે. પ્રિવેન્ટિવ હેલ્થકેર અને પર્સનલ કેરમાં નવા પ્રોડક્ટ્સ, તેમજ ઇનોવેશન અને ગ્લોબલ વિસ્તરણ પર ધ્યાન છે. હલવાસિયાનું કહેવું છે કે, આવનારો સમય ક્યૂપિડ માટે નિર્ણાયક તબક્કો હશે અને તેનાથી શેરહોલ્ડર્સને લાંબા ગાળે ફાયદો થશે.
(Disclaimer: અહીં આપવામાં આવેલી શેરબજારની જાણકારી ફક્ત સામાન્ય માહિતી રજૂ કરે છે. ન્યુઝ 18 ગુજરાતી કે તેનું મેનેજમેન્ટ તેના માટે જવાબદાર નથી. કોઈપણ રોકાણ કરતા પહેલા આપના ફાઈનાન્શિયલ એડવાઈઝરની સલાહ ચોક્કસ લો.)
New Delhi,Delhi
September 28, 2025 7:29 PM IST
