7.6 magnitude earthquake hits Japan, tsunami warning issued | જાપાનમાં 7.6ની તીવ્રતાનો ભૂકંપ: સુનામીના નાના મોજાં આવવાના શરૂ; સમુદ્રની 50 કિમી ઊંડાઈએથી જાપાનને હચમચાવ્યું
ટોક્યો5 કલાક પેહલા
- કૉપી લિંક
જાપાનમાં ભૂકંપ પછી એક ઘરમાં ઝુમ્મર હલવા લાગ્યું.
જાપાનમાં ઓમોરી પ્રાંત નજીક 7.6 તીવ્રતાનો ભૂકંપ આવ્યો છે. દેશની હવામાન વિજ્ઞાન એજન્સીએ આઓમોરી, ઇવાતે અને હોકાઇડો પ્રાંતો માટે સુનામીની ચેતવણી જાહેર કરી છે.
આઓમોરીમાં સુનામીના નાના મોજાં આવવાના શરૂ થઈ ગયા છે. હાલમાં તેમની ઊંચાઈ 40 સેમી સુધીની છે. અહીં 3 મીટર સુધી ઊંચા મોજાં ઉછળી શકે છે.
ભૂકંપનું કેન્દ્ર જાપાનના દરિયાકિનારેથી 70 કિમી દૂર સમુદ્રમાં 50 કિમીની ઊંડાઈએ હતું. હાલમાં કોઈ જાનહાનિ કે સંપત્તિના નુકસાનની માહિતી નથી.
ભૂકંપ સાથે જોડાયેલી 3 તસવીર…
એક યુટ્યૂબર છોકરી ભૂકંપના સમયે લાઇવ સ્ટ્રીમિંગ કરી રહી હતી. તેના કેમેરામાં ભૂકંપ પછીનું રિએક્શન કેદ થઈ ગયું.
CCTV ફૂટેજમાં ભૂકંપ પછી એક પાર્કિંગમાં ઊભેલી ગાડીઓ હલતી દેખાઈ.
ભૂકંપના ઝટકાથી એક ઘરમાં લગાવેલો લેમ્પ ઝૂલતો દેખાયો.
જાપાન સૌથી વધુ ભૂકંપવાળા દેશોમાં સામેલ
જાપાન વિશ્વના સૌથી વધુ ભૂકંપ પ્રભાવિત દેશોમાંનો એક છે. તે ચાર મોટી ટેક્ટોનિક પ્લેટો પર આવેલું છે અને પ્રશાંત મહાસાગરના ‘રિંગ ઓફ ફાયર’નો ભાગ છે. દર વર્ષે અહીં લગભગ 1500 ભૂકંપ આવે છે, જેમાંથી મોટાભાગના હળવા હોય છે.
જાપાનમાં 2024માં ભૂકંપથી 600 લોકો માર્યા ગયા
જાપાનના નોટો ટાપુમાં 2024માં આવેલા ભૂકંપમાં લગભગ 600 લોકો માર્યા ગયા હતા. 2011માં 9.0ની તીવ્રતાના ભૂકંપ અને સુનામીએ 18 હજારથી વધુ લોકોનો ભોગ લીધો હતો.
જાપાન સરકારે આગામી 30 વર્ષમાં અહીં 75-82 ટકા સુધી ભૂકંપ તીવ્ર બનવાની ચેતવણી આપી છે. જો આવું થયું તો 2.98 લાખ લોકો માર્યા જઈ શકે છે અને 2 ટ્રિલિયન ડોલર (167 લાખ કરોડ રૂપિયા)નું નુકસાન થઈ શકે છે.
