મેક્સિકોમાં સેનાએ ડ્રગ તસ્કરને ઠાર માર્યો:સમર્થકો ભડક્યા; એરપોર્ટમાં તોડફોડ કરી, રસ્તા પર સેંકડો ગાડીઓમાં આગ લગાડી

મેક્સિકન સેનાએ રવિવારે એક ઓપરેશન હેઠળ સૌથી મોટા ડ્રગ તસ્કર નેમેસિયો રુબન ઓસેગુએરા સર્વેન્ટેસ ઉર્ફે અલ મેન્ચોને ઠાર માર્યો. અલ મેન્ચો મેક્સિકોના સૌથી મોટા ડ્રગ કાર્ટેલ જલિસ્કો ન્યૂ જનરેશન કાર્ટેલ (CJNG) નો લીડર હતો. અલ મેન્ચોની હત્યા બાદ તેના સમર્થકોએ જલિસ્કો અને અન્ય રાજ્યોમાં કલાકો સુધી રસ્તાઓ જામ કરી દીધા. આસપાસ ઉભેલી સેંકડો ગાડીઓમાં આગ લગાડી દીધી. સોશિયલ મીડિયા પર વાયરલ વીડિયોમાં જલિસ્કોના ટુરિસ્ટ શહેર પ્યુર્ટો વાલાર્ટા ઉપર ધુમાડાના ગોટેગોટા ઉડતા દેખાઈ રહ્યા છે. લોકો ડરના કારણે એરપોર્ટ તરફ ભાગી રહ્યા છે. એર કેનેડાએ જાહેરાત કરી કે તે ચાલી રહેલી સુરક્ષા સ્થિતિને કારણે પ્યુર્ટો વાલાર્ટા માટેની ફ્લાઇટ્સ સ્થગિત કરી રહ્યું છે અને ગ્રાહકોને તેમના એરપોર્ટ પર ન જવાની સલાહ આપી. હિંસા પછીની 4 તસવીરો… ટ્રમ્પે કાર્ટેલને આતંકવાદી સંગઠન જાહેર કર્યું હતું યુએસ સ્ટેટ ડિપાર્ટમેન્ટે અલ મેન્ચોની ધરપકડમાં મદદ કરતી માહિતી આપનારને USD 15 મિલિયન સુધીનું ઇનામ આપવાની ઓફર કરી હતી. જલિસ્કો ન્યૂ જનરેશન કાર્ટેલ, જેને CJNG તરીકે ઓળખવામાં આવે છે, તે મેક્સિકોના સૌથી શક્તિશાળી અને ઝડપથી વિકસતા ગુનાહિત સંગઠનોમાંનું એક છે. આ કાર્ટેલ 2009માં બન્યું હતું.
આ જ વર્ષે ફેબ્રુઆરીમાં ટ્રમ્પ વહીવટીતંત્રે કાર્ટેલને વિદેશી આતંકવાદી સંગઠન જાહેર કર્યું. અમેરિકી બજારમાં કોકેઈનના મુખ્ય સપ્લાયરોમાંનું એક આ કાર્ટેલને સિનાલોઆ કાર્ટેલ જેટલું જ શક્તિશાળી માનવામાં આવે છે, જે મેક્સિકોના સૌથી કુખ્યાત ગુનાહિત જૂથોમાંનું એક છે. તેની હાજરી અમેરિકાના તમામ 50 રાજ્યોમાં છે, જ્યાં તે ટનબંધ ડ્રગ્સનું વિતરણ કરે છે. તે અમેરિકી બજારમાં કોકેઈનના મુખ્ય સપ્લાયરોમાંનું એક છે અને સિનાલોઆ કાર્ટેલની જેમ, ફેન્ટાનિલ અને મેથામ્ફેટામાઇનના ઉત્પાદનથી અબજો કમાય છે.



Source link