Mamata Banerjee is INDIA Alliance Leader, Says Manishankar Aiyar
કોલકાતા19 મિનિટ પેહલા
- કૉપી લિંક
કોંગ્રેસ નેતા મણિશંકર ઐયર રવિવારે કોલકાતા પહોંચ્યા હતા.
કોંગ્રેસ નેતા મણિશંકર ઐયરે રવિવારે કોલકાતામાં કહ્યું કે મમતા દીદી વિના, INDIA ગઠબંધનનનું ‘I’, ‘N’, ‘D’, ‘I’, ‘A’ ખતમ થઈ જશે. કારણ કે મમતા બેનર્જી આ ગઠબંધનના નેતા છે. તેમની સાથે, બીજા બે-ચાર લોકો છે જે આ સ્થાન મેળવી શકે છે.
મને લાગે છે કે રાહુલ ગાંધીએ ગઠબંધનનું નેતૃત્વ કરવાને બદલે નાની પાર્ટીઓને તક આપવી જોઈએ. પછી ભલે તે સ્ટાલિન હોય, મમતા દીદી હોય, અખિલેશ હોય, તેજસ્વી હોય, કે કોઈ અન્ય, રાહુલ ગાંધીએ આ લોકોને જવાબદારી સોંપવી જોઈએ.
મણિશંકર ઐયરે કહ્યું- મમતા બેનર્જી INDIA ગઠબંધનના નેતા છે. રાહુલ ગાંધીએ ગઠબંધનનું નેતૃત્વ કરવાને બદલે નાની પાર્ટીઓને તક આપવી જોઈએ.
ઐયરે કહ્યું- હું મમતાનો રાઇટ હેન્ડમેન હતો
મણિશંકર ઐયરે પશ્ચિમ બંગાળમાં કોંગ્રેસ કાર્યકર્તાઓના CM મમતા બેનર્જીને સમર્થન આપવા પર કહ્યું, ‘હું પોતે TMCમાં મમતા દીદીનો પહેલો નેશનલ સેક્રેટરી હતો. હું ડિસેમ્બર 1997ના અંતમાં અહીં પાર્ટીમાં જોડાયો હતો. પરંતુ ત્રણ અઠવાડિયાની અંદર જ મને અહેસાસ થયો કે આ પાર્ટી બંગાળીઓની છે અને હું બંગાળી નથી. તો પછી હું ત્યાં શું કરું? એટલે મેં પાર્ટી છોડી દીધી, પરંતુ ત્રણ અઠવાડિયા સુધી હું મમતા દીદીનો રાઇટ-હેન્ડ મેન હતો જ્યારે તેમણે આ પાર્ટી બનાવી.’
ઐયરનું 6 દિવસમાં રાહુલ વિરુદ્ધ બીજું નિવેદન…
16 ફેબ્રુઆરી: ઐયર બોલ્યા- હું ગાંધીવાદી-રાજીવવાદી છું, રાહુલવાદી નથી
કોંગ્રેસ નેતા મણિશંકર ઐયરે બુધવારે કહ્યું કે તેઓ ગાંધીવાદી, નેહરુવાદી અને રાજીવવાદી છે, પરંતુ ‘રાહુલવાદી’ નથી. મણિશંકરે પોતાના જૂના નિવેદન પરના વિવાદને સ્પષ્ટ કરતા કહ્યું- રાહુલ ગાંધી મારાથી લગભગ 30 વર્ષ નાના છે. મને તેમની સાથે કામ કરવાની તક મળી નથી. તેથી હું પોતાને રાહુલવાદી કેવી રીતે કહી શકું?
અય્યરની આ ટિપ્પણીઓ કોંગ્રેસ સાથેના તણાવપૂર્ણ સંબંધો વચ્ચે આવી છે. વિવાદની શરૂઆત 16 ફેબ્રુઆરીએ થઈ જ્યારે તેમણે એક મીડિયા ચેનલ સાથેની વાતચીતમાં કહ્યું કે INDIA બ્લોકને મજબૂત કરવા માટે એમકે સ્ટાલિન સૌથી યોગ્ય નેતા છે, જ્યારે રાહુલ ગાંધી વડાપ્રધાન બની શકે છે.
——————–
આ સમાચાર પણ વાંચો…
મણિશંકરે કહ્યું- રાજીવ 2 વાર નિષ્ફળ રહ્યા હોવા છતાં PM બન્યા
પૂર્વ કેન્દ્રીય મંત્રી અને કોંગ્રેસ નેતા મણિશંકર ઐયરે ફરી એકવાર વિવાદાસ્પદ નિવેદન આપ્યું છે. આ વખતે તેમણે પૂર્વ વડાપ્રધાન રાજીવ ગાંધીના શિક્ષણ પર સવાલ ઉઠાવ્યા છે. તેમણે એક ઇન્ટરવ્યુમાં કહ્યું, ‘આશ્ચર્ય છે કે આટલા નબળા એજ્યુકેશન રેકોર્ડ ધરાવતી વ્યક્તિને વડાપ્રધાન કેવી રીતે બનાવવામાં આવ્યા.’
