AI Summit Shirtless protest Controversy; 277 Dignitaries Condemn IYC
- Gujarati News
- National
- AI Summit Shirtless Protest Controversy; 277 Dignitaries Condemn IYC | Ex Judges, Officers
નવી દિલ્હી31 મિનિટ પેહલા
- કૉપી લિંક
દેશની 277 હસ્તીઓએ AI ઇમ્પેક્ટ સમિટમાં ઇન્ડિયન યુથ કોંગ્રેસ (IYC) કાર્યકર્તાઓના “શર્ટલેસ” (શર્ટ ઉતારીને) વિરોધ પ્રદર્શનની નિંદા કરી છે. તેમાં પૂર્વ હાઈકોર્ટ જજ, નિવૃત્ત અધિકારીઓ, પૂર્વ રાજદૂત, સેના અને પોલીસના નિવૃત્ત વરિષ્ઠ અધિકારીઓ સામેલ છે.
આ હસ્તીઓએ મંગળવારે એક સંયુક્ત નિવેદન જાહેર કરીને કહ્યું કે આ પ્રદર્શન રાષ્ટ્રીય ગરિમા વિરુદ્ધ, સુનિયોજિત કૃત્ય અને વિચારહીન રાજનીતિનું ઉદાહરણ છે. નિવેદન પર હાઈકોર્ટના પૂર્વ ચીફ જસ્ટિસ બી સી પટેલ સહિત 26 પૂર્વ જજ, 102 નિવૃત્ત અધિકારીઓ જેમાં 11 પૂર્વ રાજદૂત, 149 પૂર્વ સૈન્ય અને પોલીસ અધિકારીઓએ હસ્તાક્ષર કર્યા છે.
20 ફેબ્રુઆરીના રોજ ઇન્ડિયન યુથ કોંગ્રેસના 11 સભ્યોએ ભારત મંડપમમાં ઘૂસીને AI સમિટ દરમિયાન શર્ટલેસ થઈને PM મોદીની ફોટોવાળી ટી-શર્ટ લહેરાવી હતી. આ દરમિયાન ‘PM મોદી ઇઝ કોમ્પ્રોમાઇઝ્ડ’ના નારા લગાવ્યા હતા.
AI સમિટમાં પ્રદર્શનની 2 તસવીરો…
યુથ કોંગ્રેસના કાર્યકરો હાથમાં ટી-શર્ટ લઈને સ્ટેજ પર ચઢી ગયા હતા.
આ દરમિયાન કેટલાક લોકો પ્રદર્શનકારીઓના હાથમાંથી ટી-શર્ટ લઈને ફેંકતા જોવા મળ્યા.
નિવેદનમાં કહ્યું- પ્રદર્શન દેશની છબી ખરાબ કરનારું
- વિશ્વના મોટા ટેકનોલોજી નેતાઓ, ઉદ્યોગપતિઓ અને વિદેશી પ્રતિનિધિઓ ભારતના ભવિષ્યની ભૂમિકા જોવા માટે એકઠા થયા હતા, ત્યારે આ પ્રકારનું પ્રદર્શન દેશની છબી ખરાબ કરનારું હતું.
- પ્રદર્શનનો હેતુ વિશ્વના રોકાણકારો અને ભાગીદાર દેશોને એ બતાવવાનો હતો કે ભારતમાં અસ્થિરતા છે. તેમણે એવી રાજકીય સંસ્કૃતિને મળીને નકારવાની અપીલ કરી, જે દેશને બદનામ કરવામાં ગર્વ અનુભવે છે.
- આંતરરાષ્ટ્રીય અને ઉચ્ચ સ્તરીય કાર્યક્રમમાં આ પ્રકારનો વિરોધ કરવો દર્શાવે છે કે કેટલાક લોકો દેશની પ્રતિષ્ઠા કરતાં પોતાની રાજનીતિને વધુ મહત્વ આપે છે. આ કોઈ અચાનક થયેલો વિરોધ ન હતો, પરંતુ પહેલેથી વિચારેલી કાવતરું હતું. આ પ્રકારનું પ્રદર્શન દેશના વૈજ્ઞાનિકોની મહેનત, ઇજનેરોની અપેક્ષાઓ અને 140 કરોડ ભારતીયોનું અપમાન છે.
- QR કોડ દ્વારા કાર્યક્રમ સ્થળે પ્રવેશ કરીને કપડાં ઉતારીને સૂત્રોચ્ચાર કરવો એ સુરક્ષા અને શિષ્ટાચાર બંનેનું ઉલ્લંઘન છે. તેને રાષ્ટ્રવિરોધી ગણાવવામાં આવ્યું, જેનાથી દુનિયા સમક્ષ ખોટો સંદેશ ગયો.
- લોકતાંત્રિક વિરોધ કરવો એ અધિકાર છે, પરંતુ દેશને બદનામ કરવો યોગ્ય નથી. સાચો રાજકીય વિરોધ સંસદ અને તર્ક દ્વારા થવો જોઈએ, વિદેશી મહેમાનો સામે આવા પ્રદર્શનથી નહીં. આ ઘટનાથી ભારતના વિરોધીઓને દેશની છબી ખરાબ કરવાની તક મળી છે.
PM એ 16 ફેબ્રુઆરીએ AI સમિટનું ઉદ્ઘાટન કર્યું હતું
2026 ઇન્ડિયા AI ઇમ્પેક્ટ સમિટ નવી દિલ્હીના ભારત મંડપમમાં 16 ફેબ્રુઆરી 2026 થી શરૂ થઈ હતી. આ 20 ફેબ્રુઆરી સુધી ચાલવાની હતી પરંતુ ભીડ અને કાર્યક્રમોને કારણે તેને 21 ફેબ્રુઆરી 2026 સુધી લંબાવવામાં આવી.
PM નરેન્દ્ર મોદીએ 16 ફેબ્રુઆરીએ સમિટનું ઉદ્ઘાટન કર્યું હતું. અહીં દુનિયાભરની કંપનીઓએ પોતાના લેટેસ્ટ AI સોલ્યુશન્સને દુનિયા સમક્ષ રજૂ કર્યા.
સમિટમાં 100થી વધુ દેશોના પ્રતિનિધિઓ સામેલ
આ સમિટની થીમ રાષ્ટ્રીય વિઝન ‘સર્વજન હિતાય, સર્વજન સુખાય’, એટલે કે સૌનું કલ્યાણ, સૌનું સુખ પર આધારિત હતી. સમિટમાં 100થી વધુ દેશોના પ્રતિનિધિઓ સામેલ થયા.
લગભગ 20થી વધુ રાષ્ટ્રાધ્યક્ષો, 60થી વધુ મંત્રીઓ અને 45થી ઉપર ટેકનિકલ કંપનીઓના પ્રમુખો પણ સામેલ થયા. આ ઉપરાંત 300+ પ્રદર્શકો અને 30+ દેશોના થીમ પેવેલિયન્સ પણ સમિટનો ભાગ રહ્યા, જે વૈશ્વિક ભાગીદારી અને AIના ઉપયોગને પ્રોત્સાહન આપી રહ્યા છે.
———————
આ સમાચાર પણ વાંચો:
AI સમિટ હોબાળોઃ યૂથ કોંગ્રેસ-અધ્યક્ષ ઉદય ભાનુની ધરપકડ:20 કલાક પૂછપરછ થઈ, કોંગ્રેસનેતાએ કહ્યું, આ અંગ્રેજો જેવું શાસન; અત્યારસુધીમાં 8ની ધરપકડ
દિલ્હીમાં AI ઇમ્પેક્ટ સમિટના હોબાળાના કેસમાં ઇન્ડિયન યૂથ કોંગ્રેસ (IYC)ના રાષ્ટ્રીય અધ્યક્ષ ઉદય ભાનુની ધરપકડ કરવામાં આવી છે. 23 ફેબ્રુઆરીના રોજ દિલ્હી પોલીસે તેમને પૂછપરછ માટે બોલાવ્યા હતા, જે 20 કલાક ચાલી હતી. મધ્યપ્રદેશના ગ્વાલિયરથી પણ કોંગ્રેસના 3 નેતાની ધરપકડ કરવામાં આવી છે. ઘટનાના દિવસે જ 4 આરોપીની ધરપકડ કરવામાં આવી હતી. આ કેસમાં અત્યારસુધીમાં 8 ધરપકડ થઈ ચૂકી છે. સંપૂર્ણ સમાચાર વાંચો…
