ઓનલાઈન વીડિયો ગેમમાં 4 લાખ ગુમાવ્યા, પછી સામૂહિક આપઘાત:MPમાં મોબાઇલના વેપારીએ પત્ની અને પુત્રી સાથે ઝેર પીધું, પિતા-પુત્રીનાં મોત; પુત્ર બહાર હતો એટલે બચી ગયો
MPના શહડોલમાં ઓનલાઈન ગેમિંગના ચક્કરમાં દેવાંના બોજ હેઠળ દબાયેલા એક મોબાઈલ ફોનના વેપારીએ તેની પત્ની અને પુત્રીને ઝેર આપી દીધું. પછી તેણે પોતે પણ ઝેર પી લીધું. સારવાર દરમિયાન પહેલા પુત્રી, પછી વેપારીનું મૃત્યુ થયું. તેની પત્ની મેડિકલ કોલેજના ICUમાં જીવનમરણ વચ્ચે ઝઝૂમી રહી છે. આ મામલો શહડોલના કોતવાલી પોલીસ સ્ટેશન વિસ્તારના જૂની વસાહતનો છે. આ વિસ્તારના રહેવાસી શંકર લાલ ગુપ્તા (40)ને ઓનલાઈન ગેમ “BDG” રમવાની લત લાગી ગઈ હતી. આ ગેમ રમીને તેણે લગભગ 4 લાખ રૂપિયા ગુમાવ્યા હતા અને લોકો પાસેથી પૈસા ઉછીના પણ લીધા હતા. શંકર લાલ ઘણા સમયથી વધતા દેવા અને આર્થિક મુશ્કેલીઓને કારણે તણાવમાં રહેતો હતો. એક સમયે મોબાઇલ ફોનની દુકાનના માલિક, શંકરને હવે રસ્તા પર એક નાની દુકાન ખોલીને ગુજરાન ચલાવવાની મજબૂરી આવી પડી હતી. ઘરની બહાર હોવાને કારણે પુત્ર બચી ગયો 24 ફેબ્રુઆરીની રાત્રે શંકર લાલ તેમના 15 વર્ષના પુત્ર અનિકેત સાથે બજારમાં ગયા હતા. તેમના પુત્રને મિત્રની દુકાન પર મૂકીને, શંકરે કહ્યું કે તેમને ચા પીવી છે. ત્યાર બાદ તેમણે એક ઠંડું પીણું ખરીદ્યું અને ઘરે પાછો ફર્યો. તેમણે ઠંડા પીણામાં ઝેર ભેળવ્યું. ત્યાર બાદ એે કોલ્ડ ડ્રિન્ક તેમની પત્ની રાજકુમારી અને પુત્રી સ્વાતિ (16)ને આપ્યું. બાદમાં તેણે પોતે પણ એ પીધું. રાત્રે ચીસો સાંભળીને પાડોશીઓ શંકર લાલના ઘરે દોડી આવ્યા. તેમને ત્રણેય લોકોની તબિયત ખરાબ જોવા મળી. બાદમાં એમ્બ્યુલન્સ બોલાવીને તેમને હોસ્પિટલમાં લઈ ગયા, જ્યાં 25 ફેબ્રુઆરીની સવારે સ્વાતિનું સારવાર દરમિયાન મૃત્યુ થયું. શંકર લાલનું પણ સાંજે 6 વાગ્યાની આસપાસ મૃત્યુ થયું. એક વર્ષથી ઓનલાઈન ગેમ્સ રમતો હતો પોલીસ સ્ટેશનના એસઆઈ ઉપેન્દ્ર ત્રિપાઠીએ જણાવ્યું હતું કે “શંકર એક વર્ષથી ઓનલાઈન ગેમ્સ રમી રહ્યો હતો. તે ટી-20 વર્લ્ડ કપ દરમિયાન સૌથી વધુ એક્ટિવ હતો. શરૂઆતની તપાસમાં એવું જણાય છે કે આર્થિક તંગી આત્મહત્યાનું કારણ હતી.” પોલીસે કેસ નોંધ્યો છે અને પોસ્ટમોર્ટમ અને ફોરેન્સિક રિપોર્ટની રાહ જોઈ રહ્યા છે. આ સમાચાર પણ વાંચો… ઓનલાઈન ગેમ એવિએટરમાં કોન્ટ્રેક્ટરે 30 લાખ રૂપિયા ગુમાવ્યા, આત્મહત્યા કરી ભોપાલમાં એક કોન્ટ્રેક્ટરે ઓનલાઈન ગેમિંગમાં ભારે નુકસાન સહન કર્યા બાદ ગળાફાંસો ખાઈને આત્મહત્યા કરી. તેણે પોતાની સુસાઇડ નોટમાં ઉલ્લેખ કર્યો છે કે તેણે ઓનલાઈન ગેમ એવિએટરમાં આશરે 30 લાખ રૂપિયા ગુમાવ્યા છે. પોલીસના જણાવ્યા અનુસાર, શારદા નગરનો રહેવાસી શિવન ગુપ્તા (32) સિવિલ કોન્ટ્રેક્ટર હતો. તેણે ગુરુવારે રાત્રે ઘરે ગળાફાંસો ખાઈને આત્મહત્યા કરી લીધી. મોબાઇલ ગેમિંગની લતે વિદ્યાર્થીએ આત્મહત્યા કરી ભોપાલમાં 14 વર્ષના એક વિદ્યાર્થીએ મોબાઇલ ગેમિંગની લતને કારણે આત્મહત્યા કરી. પરિવારને શંકા છે કે બાળકે ઓનલાઈન ગેમમાં આપેલા ટાસ્ક પૂર્ણ કરવા માટે આ પગલું ભર્યું હતું. આ ઘટના પીપલાણી પોલીસ સ્ટેશનના અધિકારક્ષેત્ર હેઠળના શ્રીરામ કોલોનીમાં બની હતી. 14 વર્ષના અંશ સાહુએ સોમવારે બપોરે પોતાના ઘરે ફાંસો ખાઈને આત્મહત્યા કરી હતી.
Source link
