Gold Silver Price Today 26 November 2025; Gold Rises Rs 885, Silver Jumps Rs 1,536 | સોનું 885 રૂપિયા મોંઘું થઈને ₹1.26 લાખ પર પહોંચ્યું: ચાંદીમાં ₹1,536નો ઉછાળો; આ વર્ષે સોનાના ₹50 હજાર તો ચાંદીમાં ₹72 હજારનો ઉછાળો જોવા મળ્યો
નવી દિલ્હી14 મિનિટ પેહલા
- કૉપી લિંક
સોના-ચાંદીના ભાવમાં આજે એટલે કે બુધવાર, 26 નવેમ્બરના રોજ તેજી જોવા મળી રહી છે. ઇન્ડિયા બુલિયન એન્ડ જ્વેલર્સ એસોસિએશન (IBJA) અનુસાર 10 ગ્રામ સોનું 885 રૂપિયા મોંઘું થઈને 1,26,004 રૂપિયા પર પહોંચી ગયું છે. ગઈકાલે 10 ગ્રામ સોનું 1,25,119 રૂપિયાનું હતું.
જ્યારે, ચાંદી 1,536 રૂપિયા મોંઘી થઈને 1,57,856 રૂપિયા પર પહોંચી ગઈ છે. આ પહેલા ચાંદીની કિંમત 1,56,320 રૂપિયા પ્રતિ 10 ગ્રામ હતી. 17 ઓક્ટોબરે સોનાએ 1,30,874 રૂપિયા અને 14 ઓક્ટોબરે ચાંદીએ 1,78,100 રૂપિયાનો ઓલ ટાઈમ હાઈ બનાવ્યો હતો.
જુદા જુદા શહેરોમાં ભાવ અલગ કેમ હોય છે?
IBJA ના સોનાના ભાવમાં 3% GST, મેકિંગ ચાર્જ અને જ્વેલર્સ માર્જિન શામેલ હોતા નથી, તેથી અલગ-અલગ શહેરોના રેટ્સ અલગ-અલગ હોય છે. પંજાબ નેશનલ બેંક સહિત ઘણી બેંકો ગોલ્ડ લોન રેટ નક્કી કરવા માટે આ કિંમતોનો ઉપયોગ કરે છે.
આ વર્ષે સોનું ₹49,842 અને ચાંદી ₹71,839 મોંઘી થઈ
- આ વર્ષે અત્યાર સુધીમાં સોનાની કિંમત 49,842 રૂપિયા વધી છે. 31 ડિસેમ્બર 2024 ના રોજ 10 ગ્રામ 24 કેરેટ સોનું 76,162 રૂપિયાનું હતું, જે હવે 1,26,004 રૂપિયા થઈ ગયું છે.
- ચાંદીનો ભાવ પણ આ સમયગાળા દરમિયાન 71,839 રૂપિયા વધ્યો છે. 31 ડિસેમ્બર 2024ના રોજ એક કિલો ચાંદીની કિંમત 86,017 રૂપિયા હતી, જે હવે 1,57,856 રૂપિયા પ્રતિ કિલો થઈ ગઈ છે.
સોનું ખરીદતી વખતે આ 2 બાબતોનું ધ્યાન રાખો
સર્ટિફાઇડ ગોલ્ડ જ ખરીદો: હંમેશા બ્યુરો ઓફ ઇન્ડિયન સ્ટાન્ડર્ડ (BIS) નો હોલમાર્ક ધરાવતું સર્ટિફાઇડ ગોલ્ડ જ ખરીદો. આ નંબર આલ્ફાન્યુમેરિક એટલે કે આ રીતે હોઈ શકે છે- AZ4524. હોલમાર્કિંગથી ખબર પડે છે કે સોનું કેટલા કેરેટનું છે.
કિંમત ક્રોસ ચેક કરો: સોનાનું સાચું વજન અને ખરીદીના દિવસે તેની કિંમત ઘણા સ્રોતો (જેમ કે ઇન્ડિયા બુલિયન એન્ડ જ્વેલર્સ એસોસિએશનની વેબસાઇટ) પરથી ક્રોસ ચેક કરો. સોનાનો ભાવ 24 કેરેટ, 22 કેરેટ અને 18 કેરેટ મુજબ અલગ-અલગ હોય છે.
