RCB Bowler Yash Dayal Rape Case Update; POCSO Court Rejects Bail Photos | RCB બોલર યશ દયાલની POCSO કેસ ધરપકડ થશે?: આગોતરા જામીન નામંજૂર; કોર્ટે કહ્યું- અત્યાર સુધીની તપાસમાં આરોપીની ગુનામાં સંડોવણી હોવાનું સ્પષ્ટ છે
જયપુર31 મિનિટ પેહલા
- કૉપી લિંક
IPL ચેમ્પિયન રોયલ ચેલેન્જર્સ બેંગલુરુ (RCB)ના ફાસ્ટ બોલર યશ દયાલને સગીરા પર બળાત્કારના કેસમાં જયપુરની પોક્સો કોર્ટમાંથી ઝટકો લાગ્યો છે. જયપુર મહાનગર પ્રથમની પોક્સો કોર્ટ-3 એ યશની આગોતરા જામીન અરજી ફગાવી દીધી છે. હવે યશ દયાલની ગમે ત્યારે ધરપકડ થઈ શકે છે.
જજ અલકા બંસલે આદેશમાં કહ્યું કે- પ્રથમ દ્રષ્ટિએ એવું લાગતું નથી કે આરોપીને ખોટા આરોપોમાં ફસાવવામાં આવ્યો છે. અત્યાર સુધીની તપાસમાં આરોપીનો ગુનામાં સામેલ હોવાનું પ્રગટ થાય છે. આરોપીની પૂછપરછ થવી બાકી છે. આવા સંજોગોમાં આ સ્તરે આરોપીને આગોતરા જામીનનો લાભ આપી શકાય નહીં.
23 જુલાઈ 2025ના રોજ જયપુરના સાંગાનેર સદર પોલીસ સ્ટેશનમાં યશ વિરુદ્ધ ક્રિકેટમાં કારકિર્દી બનાવવાનું બહાનું આપીને અને ઇમોશનલ બ્લેકમેલ કરીને સગીરા સાથે અઢી વર્ષ સુધી બળાત્કાર કરવાનો કેસ નોંધવામાં આવ્યો હતો.
પીડિતાના મોબાઈલમાં ચેટ, ફોટો અને વીડિયો મળ્યા પીડિતાના વકીલ દિવ્યેશ શર્માએ જણાવ્યું કે, કેસ નોંધાયા બાદ પોલીસે પીડિતા અને આરોપીના મોબાઈલની CDR જપ્ત કરી હતી. જેમાં બંને વચ્ચે વાતચીત થયાની પુષ્ટિ થાય છે. આ સાથે પીડિતા દ્વારા જણાવવામાં આવેલી હોટલોમાં બંનેના રોકાણનો રેકોર્ડ પણ છે.
પીડિતાના મોબાઈલમાંથી મળેલી ચેટ, ફોટો અને વીડિયોના એનાલિસિસથી આરોપી વિરુદ્ધ પોક્સો હેઠળ કેસ બને છે. તેમણે કોર્ટને જણાવ્યું કે આરોપીએ 3-4 મે 2023ના રોજ જયપુરમાં IPL મેચ રમતી વખતે પીડિતાને રેલવે સ્ટેશન પાસેની હોટલમાં મળવા બોલાવી હતી અને સેક્સ માટે કહ્યું હતું.
જો પીડિતા સાથે કાનપુરમાં બળાત્કાર થયો હોય, તો તે અરજદાર સાથે તે પછી પણ અલગ-અલગ શહેરોમાં શા માટે ગઈ? આ અંગે પીડિતાએ કંઈ સ્પષ્ટ કર્યું નથી.
બ્લેકમેલ કરવાના ઇરાદે કેસ દાખલ કર્યો વકીલ કુણાલ જૈમને જણાવ્યું કે, પીડિતાએ તેને પરેશાન કરવા, અપમાનિત કરવા અને બ્લેકમેલ કરીને પૈસા પડાવવાના ઇરાદે કેસ દાખલ કર્યો છે. તે એક સન્માનિત ક્રિકેટર છે, જેને મહિલાઓના એક જૂથ દ્વારા ખોટા આરોપો લગાવીને ફસાવવામાં આવી રહ્યો છે.
પીડિતાએ પોતાને તેની સમક્ષ પુખ્ત વયની તરીકે રજૂ કરી. પુખ્ત વયની હોવાને કારણે, તેણે કોઈ દબાણ કે બળજબરી વિના અરજદારને મળીને પોતાની આર્થિક સ્થિતિ નબળી હોવાનું જણાવ્યું, જેના કારણે તેણે ક્રિકેટ કીટ ખરીદવા માટે પૈસા ટ્રાન્સફર કર્યા. તે પછી પણ પીડિતા કોઈને કોઈ બહાને તેની પાસેથી પૈસા પડાવતી રહી.
ગાઝિયાબાદ (યુપી)માં તેની વિરુદ્ધ દાખલ થયેલા કેસમાં પણ પીડિતાની સંડોવણી છે.
ગાઝિયાબાદમાં પણ FIR થઈ હતી યશ દયાલ વિરુદ્ધ 6 જુલાઈએ ગાઝિયાબાદના ઈન્દિરાપુરમ પોલીસ સ્ટેશનમાં BNSની કલમ 69 (છેતરપિંડીથી જાતીય સંબંધ બાંધવા) હેઠળ FIR નોંધવામાં આવી હતી. ક્રિકેટર પર એક યુવતીએ લગ્નની લાલચ આપીને જાતીય શોષણનો આરોપ લગાવ્યો હતો. ફરિયાદીના જણાવ્યા અનુસાર, બંનેની મુલાકાત લગભગ પાંચ વર્ષ પહેલા થઈ હતી.
