RSS Chief Mohan Bhagwat Tirupati Visit; Inaugurates Bharatiya Vigyan Sammelan PHOTOS | ભાગવતે કહ્યું- ભારતને સુપરપાવર જ નહીં, વિશ્વગુરુ પણ બનવું જોઈએ: તિરુપતિમાં બોલ્યા- ધર્મ અને વિજ્ઞાન વચ્ચે કોઈ ટકરાવ નથી, બંનેનું લક્ષ્ય એક છે
- Gujarati News
- National
- RSS Chief Mohan Bhagwat Tirupati Visit; Inaugurates Bharatiya Vigyan Sammelan PHOTOS
2 કલાક પેહલા
- કૉપી લિંક
રાષ્ટ્રીય સ્વયંસેવક સંઘ (RSS) પ્રમુખ મોહન ભાગવત આંધ્રપ્રદેશના તિરુપતિના પ્રવાસે છે. ભારતીય વિજ્ઞાન સંમેલન (BVS) ના ઉદ્ઘાટન કાર્યક્રમમાં શુક્રવારે ભાગવતે કહ્યું- ભારતનું આગળ વધવું નિશ્ચિત છે. પરંતુ આપણે માત્ર સુપરપાવર જ નહીં, પણ વિશ્વગુરુ પણ બનવું જોઈએ.
મોહન ભાગવતે કહ્યું કે ધર્મ અને વિજ્ઞાન વચ્ચે કોઈ ટકરાવ નથી. બસ તેમના રસ્તા અલગ છે, મંઝિલ એક જ છે. આપણા વિકાસની વિચારસરણીનો આધાર ધર્મ છે. ધર્મ માત્ર મઝહબ નથી, પરંતુ તે પ્રકૃતિ અને બ્રહ્માંડના સંચાલનની રીત છે.
આ પહેલા RSS ચીફે ભગવાન વેંકટેશ્વર સ્વામી મંદિરમાં દર્શન કર્યા. તિરુપતિના અધિકારીઓએ તેમનું સ્વાગત કર્યું. પૂજારીઓએ તેમને રેશમી વસ્ત્રો પહેરાવી સન્માનિત કર્યા.
મોહન ભાગવતના તિરુપતિ પ્રવાસની 2 તસવીરો…
RSS પ્રમુખ મોહન ભાગવતે ભગવાન વેંકટેશ્વર સ્વામી મંદિરમાં દર્શન કર્યા.
CM ચંદ્રબાબુ નાયડુ અને મોહન ભાગવતે નેશનલ સંસ્કૃત યુનિવર્સિટીમાં ભારતીય વિજ્ઞાન સંમેલનનું ઉદ્ઘાટન કર્યું.
ભાગવતે કહ્યું- પંજાબથી જયપુર કેન્સર ટ્રેન ચાલી રહી છે
મોહન ભાગવતે કહ્યું કે આપણે લોકોને જૂની અને નવી અંધશ્રદ્ધાઓમાંથી બહાર કાઢવામાં મદદ કરવી જોઈએ. કુદરતી આફતોના સમયે ઘણીવાર મંદિરો તેમની મજબૂત રચનાને કારણે સુરક્ષિત રહે છે.
તેમણે જણાવ્યું કે 10,000 વર્ષ સુધી પરંપરાગત ખેતીથી જમીન સુરક્ષિત રહી, પરંતુ વધુ રાસાયણિક ખાતરના ઉપયોગથી સમસ્યાઓ ઊભી થઈ. પરિસ્થિતિ એવી છે કે પંજાબથી જયપુર સુધી ‘કેન્સર ટ્રેન’ ચાલી રહી છે. ભારતનું આગળ વધવું નિશ્ચિત છે અને તેને માત્ર સુપરપાવર જ નહીં, પરંતુ વિશ્વગુરુ પણ બનવું જોઈએ.
RSS ચીફના તાજેતરના 3 મોટા સંબોધન…
20 ડિસેમ્બર: લિવ-ઇન પર ભાગવત બોલ્યા હતા- તમે જવાબદારી લેવા તૈયાર નથી
મોહન ભાગવતનું કહેવું હતું કે લિવ-ઇન રિલેશનશિપમાં રહેતા લોકો જવાબદારી લેવા તૈયાર નથી. તેમણે કહ્યું કે પરિવાર, લગ્ન, માત્ર શારીરિક સંતોષનું સાધન નથી. તે સમાજનો એક એકમ છે. તેમણે આગળ કહ્યું હતું કે પરિવાર તે જગ્યા છે જ્યાં એક વ્યક્તિ સમાજમાં રહેતા શીખે છે. લોકોના મૂલ્યો ત્યાંથી જ આવે છે. સંપૂર્ણ સમાચાર વાંચો…
21 ડિસેમ્બર: ભાગવતે કહ્યું હતું કે- સંઘને BJPના ચશ્માથી જોવું ખોટું છે
RSS પ્રમુખ મોહન ભાગવતે કોલકાતામાં કહ્યું હતું કે સંઘને BJPના લેન્સથી જોવાનો પ્રયાસ ન કરો. સંઘ માત્ર એક સર્વિસ ઓર્ગેનાઈઝેશન નથી. સંઘને સમજવું હોય તો સંઘને જ જોવું પડે છે. તેમણે આગળ કહ્યું હતું કે ઘણા લોકોની પ્રવૃત્તિ હોય છે કે સંઘને BJPના ચશ્માથી સમજવું. આ બહુ મોટી ભૂલ હશે. સંઘને જોઈને સમજી શકાતું નથી, તેને અનુભવ કરવો પડશે.
13 ડિસેમ્બર: ભાગવતે કહ્યું હતું કે- આપણે જ્યાં રહીએ છીએ તે હિંદુ ઘર જેવું દેખાય
RSS પ્રમુખ મોહન ભાગવતે કહ્યું હતું કે હિંદુઓએ એકજૂટ થઈને દેશને આગળ લઈ જવો પડશે. તેના માટે તેવું જ આચરણ કરવું પડશે. આપણે જ્યાં રહીએ છીએ તે હિંદુ ઘરની જેમ સજાવેલું હોવું જોઈએ. આપણે એ નક્કી કરવું પડશે કે ઘરની દીવાલો પર સ્વામી વિવેકાનંદની તસવીર હોય કે માઈકલ જેક્સનની.
