ગાંધીનગર: અમિત શાહે બાયોટેક્નોલોજી રિસર્ચ સેન્ટર BSL-4નું ખાતમુહૂર્ત કર્યું, 362 કરોડના ખર્ચે આ સેન્ટર નિર્માણ પામશે-Amit Shah inaugurated the foundation stone of Biotechnology Research Center BS-4 in Gandhinagar | ગાંધીનગર

સાથે જ તેમણે કહ્યું કે દેશના વૈજ્ઞાનિકોને ખતરનાક વાયરસનાં સેમ્પલ તપાસવા માટે વિદેશ ઉપર નિર્ભર નહીં રહેવું પડે. આથી સ્વાભાવિક પણે વિદેશ પર નિર્ભર નહીં રહીએ તો, તપાસ ઝડપથી થશે અને દેશ આત્મનિર્ભર પણ બનશે. ગુજરાતમાં ચાંદીપુરા વાયરસ અને લંપી સ્કિન વાયરસને સૌએ જોયો છે. આ બીમારીઓએ ચેતવણી આપી છે કે, BSL-3 થી પણ ઉચ્ચસ્તરીય સુવિધાઓની જરૂર છે. BSL-4 કામચલાઉ સુરક્ષાનું લક્ષ્ય નથી એક પ્રકારે રિસર્ચ બેઝ્ડ આજીવન સુરક્ષા છે. ગત 11 વર્ષમાં બાયોટેકનોલોજી ક્ષેત્રમાં અભૂતપૂર્વ વિકાસ અને સફળતા મળી છે. 2014 માં ભારતની બાયોઇકોનોમી 10 મિલિયન ડોલર હતી જ્યારે 2024 ના ફાઇનાન્સ વર્ષ સમાપ્ત થતાંની સાથે જ 166 બિલિયન ડોલર થઈ છે. તેમજ 2014 માં બાયો સ્ટાર્ટઅપની સંખ્યા 500 થી પણ ઓછી હતી જ્યારે, અત્યારે આ સંખ્યા 10 હજાર પાર કરી ચૂકી છે.

અમિત શાહે જણાવ્યું કે, ભારત દુનિયાનો સૌથી વધારે વેક્સિન નિર્માતા દેશ છે. વિશ્વની 60 ટકા વેક્સિન ભારતમાં બની છે. સર્વાઇકલ કેન્સરની પ્રથમ સ્વદેશી વેક્સિન સર્વાવેક અને વિશ્વની પ્રથમ DNA આધારિત વેક્સિન કોરોના માટે ભારતમાં બની. આજના વિદ્યાર્થીઓ ભવિષ્યમાં સફળ વૈજ્ઞાનિક બની ભારતને વિશ્વમાં સર્વશ્રેષ્ઠ સાબિત કરશે. ગુજરાત આજે દેશના સર્વશ્રેષ્ઠ 5 રાજ્યોમાંનું એક રાજ્ય છે. પરંતુ જ્યારે આ BSL-4 બનશે ત્યારે સૌથી સર્વશ્રેષ્ઠ ગુજરાત સાબિત થશે. જ્યારે કોરોના સમાપ્ત થયો અને કોરોના સામે સૌથી વધારે કોઈએ સ્પર્ધા જીતી હોય તો એ માત્ર ભારત છે. ભારતની 140 કરોડની જનતાને 2 વાર ડોઝ આપવામાં આવ્યા અને તરત જ સર્ટિ આપવામાં આવ્યા. ભારતે એક મિશન સાથે સફળતાથી સુરક્ષિત રીતે કોરોનાને માત આપી. ભારતે સૌથી પહેલા વેક્સિન બનાવી, લગાવી અને વિશ્વના ઘણા દેશોને પણ સુરક્ષિત બહાર લાવવામાં મહત્વપૂર્ણ ભૂમિકા ભજવી.