WPL: Mumbai Indians Beat Gujarat; Harmanpreet Kaur Fifty | DY Patil | મુંબઈએ ગુજરાતને સતત 8મી WPL મેચ હરાવી: 193નો ટાર્ગેટ 3 વિકેટ ગુમાવીને ચેઝ કર્યો; કેપ્ટન હરમનપ્રીત કૌરની ફિફ્ટી
નવી મુંબઈ2 કલાક પેહલા
- કૉપી લિંક
મુંબઈ ઈન્ડિયન્સે ગુજરાત ટાઈટન્સને વુમન્સ પ્રીમિયર લીગ (WPL)માં સતત 8મી મેચ હરાવી દીધી. ચોથી સિઝનમાં ગુજરાતને પહેલી જ હાર મળી. મંગળવારે DY પાટીલ સ્ટેડિયમમાં મુંબઈએ બોલિંગ પસંદ કરી. ગુજરાતે 5 વિકેટ ગુમાવીને 192 રન બનાવ્યા. MIએ 19.2 ઓવરમાં 3 વિકેટના નુકસાન પર ટાર્ગેટ હાંસલ કરી લીધો.
કેપ્ટન હરમનપ્રીત કૌરે ફિફ્ટી ફટકારી. તેની સાથે અમનજોત કૌરે 40, નિકોલા કેરીએ 38 અને હેલી મેથ્યુઝે 22 રન બનાવીને ટીમને જીત અપાવવામાં મહત્વની ભૂમિકા ભજવી. ટીમમાંથી 4 બોલરોએ 1-1 વિકેટ લીધી.
ગુજરાત તરફથી જ્યોર્જિયા વેરહેમે 43, ભારતી ફુલમાલીએ 36, કનિકા આહુજાએ 35 અને બેથ મૂનીએ 33 રન બનાવીને ટીમને મોટા સ્કોર સુધી પહોંચાડી. આયુષી સોની 14 બોલમાં 11 રન બનાવીને રિટાયર્ડ હર્ટ થઈ, તે WPLમાં રિટાયર્ડ હર્ટ થનારી પહેલી જ પ્લેયર બની. બોલિંગમાં રેણુકા ઠાકુર, કાશવી ગૌતમ અને સોફી ડિવાઈને 1-1 વિકેટ લીધી.
ગુજરાતની પ્રથમ હાર ચોથી સિઝનમાં ગુજરાત જાયન્ટ્સને સતત 2 જીત બાદ પ્રથમ હાર મળી. ટીમે દિલ્હી કેપિટલ્સ અને યુપી વોરિયર્સને શરૂઆતી 2 મુકાબલામાં હરાવ્યા હતા. જ્યારે મુંબઈને 3 મેચમાં બીજી જીત મળી. ટીમને બેંગલુરુએ હરાવી, પરંતુ દિલ્હી અને ગુજરાત સામે જીત મેળવી લીધી. ટુર્નામેન્ટના ઇતિહાસમાં ગુજરાતની ટીમ આજ સુધી મુંબઈને હરાવી શકી નથી.
આ સમાચાર પણ વાંચો…
RCB રાયપુરમાં IPLની 2 મેચ રમશે:ઇન્દોર પણ સ્થળ હોઈ શકે; બેંગલુરુમાં વિક્ટ્રી પરેડમાં 11 લોકોના મોત થયા હતા
રોયલ ચેલેન્જર્સ બેંગલુરુ (RCB)ની ટીમ રાયપુરમાં IPL 2026ની 2 મેચ રમશે. ભાસ્કરના સૂત્રોએ જણાવ્યું છે કે રાયપુરના શહીદ વીર નારાયણ સિંહ સ્ટેડિયમને 2 મેચની યજમાની આપવામાં આવી છે.
આ ઉપરાંત, બેંગલુરુ, મુંબઈ અને ઇન્દોર પણ યજમાનીની રેસમાં સામેલ છે. બેંગલુરુમાં પણ બાકીની 5 મેચ કરાવવાના પ્રયાસો કરવામાં આવી રહ્યા છે. જો એમ. ચિન્નાસ્વામી સ્ટેડિયમને NOC મળી જાય છે તો મેચ રમાશે.
જો આવું નહીં થાય તો રાયપુરને વધુ 3 મેચ આપવામાં આવશે. બાકીની બે મેચ ઇન્દોરમાં કરાવી શકાય છે. IPLની સીઝનમાં એક ટીમના 14 લીગ મેચ હોય છે. ટીમ તેમાંથી 7 મેચ હોમ ગ્રાઉન્ડમાં રમે છે. સંપૂર્ણ સમાચાર વાંચો…
