પર્થના ઓપ્ટસ સ્ટેડિયમમાં આગ લાગી:અહીં બિગ બેશ લીગની મેચ ચાલી રહી હતી; કોઈને નુકસાન થયું નથી
ઓસ્ટ્રેલિયાની બિગ બેશ લીગની એક મેચ દરમિયાન મંગળવારે પર્થના ઓપ્ટસ સ્ટેડિયમમાં આગ લાગી ગઈ. આ મેચ યજમાન પર્થ સ્કોર્ચર્સ અને સિડની સિક્સર્સ વચ્ચે રમાઈ રહી હતી. આ મેચ પર્થે 48 રનથી જીતી. પ્રાથમિક માહિતી અનુસાર મેચ દર્શકોથી ભરેલી હતી. ત્યારે આકાશમાં ધુમાડો ઉઠતો જોવા મળ્યો. બાદમાં જાણવા મળ્યું કે સ્ટેડિયમના બહારના ભાગમાં કોઈ રૂમમાં આગ લાગી હતી. ઘટના બાદ બચાવકર્મીઓ તેને ઓલવવામાં લાગી ગયા. જોકે, આ મામલે કોઈ જાનહાનિના સમાચાર નથી. BBLએ X પર આગનો વીડિયો પોસ્ટ કર્યો… મેચ ચાલુ રહી, કોઈ જાનહાનિ નહીં
આ મેચનો ટૉસ સિડની સિક્સર્સે જીત્યો અને બોલિંગ પસંદ કરી. પર્થ સ્કોર્ચર્સની ઇનિંગ્સની 16મી ઓવર ફેંકવામાં આવી રહી હતી, ત્યારે આકાશમાં ધુમાડો ઉડતો જોવા મળ્યો. આગની ઘટનાની મેચ પર કોઈ અસર થઈ નહીં અને મેચ ચાલુ રહી. પહેલા બેટિંગ કરતા 20 ઓવરમાં 9 વિકેટે 147 રન બનાવ્યા. ફિન એલને 49 રનની ઇનિંગ્સ રમી. મિચેલ સ્ટાર્ક, બેન ડ્વાર્શિસ અને જેક એડવર્ડ્સે 2-2 વિકેટ ઝડપી. બાબર આઝમ ઝીરોમાં આઉટ
148 રનના ટાર્ગેટને ચેઝ કરી રહેલી સિડનીની ટીમે પહેલી ઓવરમાં વિકેટ ગુમાવી. અહીં બાબર આઝમ ઝીરોમાં આઉટ થઈ ગયા. તેને કૂપર કોનોલીના બોલ પર જોશ ઇંગ્લિસે સ્ટમ્પ કર્યો. બાબરની ટીમ 15 ઓવરમાં 99 રન પર ઓલઆઉટ થઈ ગઈ. સ્ટીવ સ્મિથે સૌથી વધુ 37 રન બનાવ્યા.
Source link
