Dhirendra Shastri: Uneducated in Gurukul are BritishMughal Descendants

કથાવાચક આચાર્ય ધીરેન્દ્ર શાસ્ત્રીએ કહ્યું- આપણે ગાયની સેવા કરવી છે. આપણે ગાય, ગંગા, ગુરુ, ગાયત્રી અને ગીતાની રક્ષા કરવી છે. આ પાંચની રક્ષા કરી લીધી તો પોતાના સનાતનની રક્ષા કરી લેશો. એમની રક્ષા કરી લીધી તો સમાજ બચશે.

તેમણે કહ્યું- હું તો એક બીજી વાત જોડું છું કે આ પાંચની સાથે ગૌરીને પણ બચાવો. દીકરીઓને પણ બચાવો. તેમને લવ જિહાદથી બચાવો. દીકરીઓને કહી દો કે દુર્ગા બન, કાલી બન, પણ બુરખાવાળી ન બનતી. આ પાંચને તો બચાવવા જ છે. એનો પ્રણ લઈ લો. એમને બચાવવાથી સનાતન ધર્મને ન કોઈ મિટાવશે ન કોઈ મિટાવી શકશે. ધીરેન્દ્ર શાસ્ત્રીએ કોટાના રામગંજમંડીમાં ત્રીજા દિવસે રવિવારે શ્રીરામકથા દરમિયાન આ વાતો કહી.

યોગ ગુરુ બાબા રામદેવ પણ ધીરેન્દ્ર શાસ્ત્રીની કથામાં પહોંચ્યા. અહીં મંચ પરથી બાબા રામદેવે કહ્યું- જે ગો-માતાની સેવા નથી કરતા, ફક્ત રક્ષાની વાત કરે છે, તેઓ સનાતનના નામ પર કલંક છે. હવે આ વાત ક્યાંય પણ લાગે, લાગવા દો. જે લોકો કહે છે કે ગો-માતા રાષ્ટ્ર માતા બને, પણ કરી શું રહ્યા છો, એ તો કહી દો. જે કંઈ નથી કરી રહ્યા, તે લોકો સનાતનના નામ પર કલંક છે.

તેમણે કહ્યું- બીજી વાત એ કે જે બાળકોને ગુરુકુળમાં ભણાવતા નથી, તેઓ અંગ્રેજો અને મુઘલોના સંતાન છે. એનો શું અર્થ થયો, આ જે મેકોલે પાપ કરીને ગયો. ઇન્ડિયન એજ્યુકેશન સિસ્ટમ બનાવીને ગયો. હવે તેને સાફ કરવું એ શિક્ષણ મંત્રીનું કામ છે.

હવે જુઓ, રામકથા સંબંધિત PHOTOS…

કોટાના રામગંજમંડીમાં શ્રીરામકથા દરમિયાન આચાર્ય ધીરેન્દ્ર શાસ્ત્રી.

શ્રીરામકથા દરમિયાન મંચ પરથી યોગ ગુરુ બાબા રામદેવે પણ સંબોધન કર્યું.

કોટાના રામગંજમંડીમાં રામકથા સાંભળવા ઉમટેલી લોકોની ભીડ.

શિક્ષણ મંત્રી મદન દિલાવરે યોગ ગુરુ બાબા રામદેવનું સ્વાગત કર્યું.

યોગ ગુરુ બાબા રામદેવ અને શનિધામના દાતી મહારાજ પણ શ્રીરામકથામાં સામેલ થયા.