America attacks ISIS hideouts in Nigeria | અમેરિકાની નાઈજીરિયામાં ISISના ઠેકાણા પર એરસ્ટ્રાઈક: ટ્રમ્પ બોલ્યા- આ ખ્રિસ્તીઓની હત્યા કરી રહ્યું છે, અમે ઈસ્લામી આતંકવાદને ઉછરવા નહીં દઈએ
વોશિંગ્ટન ડીસી17 મિનિટ પેહલા
- કૉપી લિંક
ટ્રમ્પે ભારતીય સમય અનુસાર શુક્રવારે સવારે પોતાના સોશિયલ મીડિયા પ્લેટફોર્મ ‘ટ્રુથ સોશિયલ’ પર કાર્યવાહીની જાણકારી આપી છે.
અમેરિકાએ ગુરુવાર રાત્રે નાઇજીરિયામાં આતંકી સંગઠન ISIS ના ઠેકાણાઓ પર એરસ્ટ્રાઇક કરી. રાષ્ટ્રપતિ ટ્રમ્પે સોશિયલ મીડિયા પોસ્ટ દ્વારા આ જાણકારી આપી. ટ્રમ્પનો આરોપ છે કે અહીં ISIS ખ્રિસ્તીઓને નિશાન બનાવીને નિર્દયતાથી તેમની હત્યા કરી રહ્યું છે.
તેમણે ISIS ના આતંકીઓને ‘આતંકી કચરો’ ગણાવતા લખ્યું કે આ સંગઠન લાંબા સમયથી નિર્દોષ ખ્રિસ્તીઓની હત્યા કરી રહ્યું છે. ટ્રમ્પના જણાવ્યા અનુસાર, આ ઓપરેશનમાં અમેરિકી સેનાએ ઘણી સચોટ (પરફેક્ટ) સ્ટ્રાઇક કરી છે.
અમેરિકી રાષ્ટ્રપતિએ સ્પષ્ટ કર્યું કે અમેરિકા ‘કટ્ટર ઇસ્લામી આતંકવાદને પાંગરવા નહીં દે.’ પોસ્ટના અંતમાં ટ્રમ્પે સેનાને ક્રિસમસની શુભેચ્છાઓ આપી અને કહ્યું કે જો ખ્રિસ્તીઓની હત્યાઓ ચાલુ રહેશે, તો આગળ વધુ આતંકીઓ માર્યા જશે.
ટ્રમ્પ બોલ્યા- અમેરિકા કટ્ટર ઇસ્લામી આતંકવાદને ફેલાવા દેશે નહીં
અમેરિકી રાષ્ટ્રપતિએ સ્પષ્ટ કર્યું કે તેમના નેતૃત્વમાં અમેરિકા “કટ્ટર ઇસ્લામી આતંકવાદને ફેલાવા દેશે નહીં.” પોસ્ટના અંતમાં ટ્રમ્પે સેનાને આશીર્વાદ આપતા ક્રિસમસની શુભેચ્છાઓ પાઠવી અને કહ્યું કે જો ખ્રિસ્તીઓની હત્યાઓ ચાલુ રહેશે, તો આગળ વધુ આતંકવાદીઓ માર્યા જશે.
ઇન્ટરનેશનલ સોસાયટી ફોર સિવિલ લિબર્ટીઝ એન્ડ ધ રૂલ ઓફ લોના એક રિપોર્ટ અનુસાર, નાઇજીરીયામાં જાન્યુઆરીથી 10 ઓગસ્ટ સુધી ધાર્મિક હિંસા વધવાને કારણે 7,000થી વધુ ખ્રિસ્તીઓની હત્યા કરી દેવામાં આવી છે. આ હત્યાઓ પાછળ બોકો હરમ અને ચર ચરમપંથી ફુલાની જેવા આતંકવાદી સંગઠનો જવાબદાર છે.
ટ્રમ્પે 2 નવેમ્બરે હુમલાની ધમકી આપી હતી
ટ્રમ્પે 2 નવેમ્બરે નાઇજીરીયાને કડક ચેતવણી આપી હતી. તેમણે કહ્યું હતું કે જો નાઇજીરીયામાં ખ્રિસ્તીઓની હત્યા અને હુમલા બંધ નહીં થાય, તો અમેરિકા તરત જ નાઇજીરીયન સરકારને આપવામાં આવતી તમામ આર્થિક અને સૈન્ય સહાય રોકી દેશે.
ટ્રમ્પે ટ્રુથ સોશિયલ પર લખ્યું હતું કે જો જરૂર પડી, તો અમેરિકા ‘બંદૂક સાથે’ નાઇજીરીયામાં કાર્યવાહી કરશે અને તે આતંકવાદીઓને ખતમ કરશે જે ખ્રિસ્તીઓ પર હુમલો કરી રહ્યા છે. ટ્રમ્પે કહ્યું કે તેમણે પોતાના ડિપાર્ટમેન્ટ ઓફ વોરને સંભવિત સૈન્ય કાર્યવાહીની તૈયારીના આદેશ આપી દીધા છે.
નાઇજીરીયામાં ખ્રિસ્તીઓ પર હુમલા શા માટે થઈ રહ્યા છે
નાઇજીરીયાની 22 કરોડની વસ્તી લગભગ સમાન રીતે મુસ્લિમ અને ખ્રિસ્તી સમુદાયમાં વહેંચાયેલી છે. દેશમાં બોકો હરામ જેવા કટ્ટરપંથી ઇસ્લામિક સંગઠનો લાંબા સમયથી હિંસા કરી રહ્યા છે.
ખાસ કરીને દેશના ઉત્તરીય ભાગોમાં થતી હિંસાનો ભોગ ખ્રિસ્તીઓની સાથે-સાથે મુસ્લિમ સમુદાય પણ બનતો રહ્યો છે. ઘણી જગ્યાએ આ હુમલા ધાર્મિક કારણોસર, તો ઘણી જગ્યાએ જમીન, વંશીય સંઘર્ષ અથવા આતંકવાદી નેટવર્કના કારણે થાય છે.
અમેરિકાએ 2020માં પહેલીવાર નાઇજીરીયાને ધાર્મિક સ્વતંત્રતાનું ઉલ્લંઘન કરનારા દેશોની યાદીમાં મૂક્યું હતું. 2023માં આ ટેગ હટાવી દેવામાં આવ્યો, જેને બંને દેશોના સંબંધો સુધારવાના પ્રયાસ તરીકે જોવામાં આવ્યું હતું.
