Bangladesh T20 World Cup Venue Change Demand | ICC Player Safety | બાંગ્લાદેશે હઠ પકડી, T20 WCમાં સ્થળ બદલવાની ફરી માગ કરી: કહ્યું- ખેલાડીઓની સુરક્ષા સર્વોચ્ચ પ્રાથમિકતા; ICCનો હુકમ- ભારતમાં જ રમવું પડશે
ઢાકા2 કલાક પેહલા
- કૉપી લિંક
બાંગ્લાદેશ ક્રિકેટ બોર્ડ (BCB) T20 વર્લ્ડ કપમાં પોતાની મેચના સ્થળ ભારતની બદલે શ્રીલંકા કરવાની માગ પર અડગ છે.
BCBએ પ્રેસ રિલીઝ જાહેર કરીને જણાવ્યું છે કે- તેણે મંગળવારે ICC સાથે વીડિયો કોન્ફરન્સથી ફરી એકવાર પોતાની માગણી કરી છે. ICCએ બાંગ્લાદેશી બોર્ડને આ માગ પર ફરીથી વિચાર કરવા માટે જણાવ્યું છે.
ANIના રિપોર્ટ મુજબ, સોમવારે ICCએ BCBની વેન્યુ બદલવાની માગને ફગાવી દીધી હતી.
બાંગ્લાદેશમાં હિંદુઓની હત્યાને કારણે BCCIએ મુસ્તફિઝુરને IPL રમવાની પરવાનગી આપી નહોતી અને 3 જાન્યુઆરીએ KKRએ તેને ટીમમાંથી બહાર કરી દીધો હતો.
આનાથી ઉશ્કેરાયેલા બાંગ્લાદેશે પોતાના દેશમાં IPL મેચના પ્રસારણ પર પ્રતિબંધ મૂકી દીધો છે. એટલું જ નહીં, જોખમનો હવાલો આપીને 7 ફેબ્રુઆરીથી શરૂ થનારા T20 વર્લ્ડ કપમાં વેન્યુ બદલવાની માગ કરવા લાગ્યું છે.
BCBએ કહ્યું- અમે અમારો નિર્ણય નહીં બદલીએ BCBએ મીડિયા રિલીઝમાં જણાવ્યું કે તેણે આજે ICCના અધિકારીઓ સાથે વીડિયો કોન્ફરન્સ પર વાત કરી. બોર્ડે કહ્યું- ‘અમે સુરક્ષાના કારણોસર ભારત ન જવાના અમારા નિર્ણય પર કાયમ છીએ. અમે ICC ને અમારી મેચ ભારતની બહાર કરાવવાની અમારી માંગને પણ પુનરાવર્તિત કરી છે. જ્યારે, ICCએ અમને જણાવ્યું છે કે શેડ્યૂલ જાહેર થઈ ચૂક્યું છે. તેણે અમને અમારા નિર્ણય પર ફરીથી વિચાર કરવા વિનંતી કરી. જોકે, અમે અમારો નિર્ણય બદલ્યો નથી.’ BCBએ રિલીઝમાં કહ્યું- ખેલાડીઓ, અધિકારીઓ અને સપોર્ટ સ્ટાફની સુરક્ષા અમારી સૌથી મોટી પ્રાથમિકતા છે. અમે આ મુદ્દાનો ઉકેલ લાવવા માટે ICC સાથે વાતચીત ચાલુ રાખીશું.
ICCએ કહ્યું હતું કે- શેડ્યૂલ નક્કી છે, કોઈ ફેરફાર થશે નહીં એક દિવસ પહેલા ICC એ બાંગ્લાદેશના બોર્ડને કહ્યું કે T20 વર્લ્ડ કપ 2026નું મેચ શેડ્યૂલ પહેલેથી જ જાહેર કરવામાં આવ્યું છે અને ભાગ લેનારી તમામ ટીમ પાસેથી નિયમો હેઠળ પોતાની જવાબદારીઓ નિભાવવાની અપેક્ષા છે. ICCએ એ પણ પુનરાવર્તન કર્યું કે તેની સ્થિતિમાં કોઈ ફેરફાર થયો નથી.
બાંગ્લાદેશે IPL પ્રસારણ પર પ્રતિબંધ મૂક્યો KKR દ્વારા મુસ્તફિઝુરને મુક્ત કર્યા પછી બાંગ્લાદેશ ક્રિકેટ બોર્ડ અને ત્યાંની સરકારે IPLના પ્રસારણ પર પ્રતિબંધ મૂક્યો હતો. સાથે જ ભારતમાં વર્લ્ડ કપ મેચ રમવાનો પણ ઇનકાર કર્યો હતો.
આખો વિવાદ શું છે? 16 ડિસેમ્બરે IPL મિની ઓક્શનમાં કોલકાતા નાઈટ રાઈડર્સ (KKR)એ બાંગ્લાદેશી બોલર મુસ્તફિઝુર રહેમાનને 9.20 કરોડ રૂપિયામાં ખરીદ્યો હતો. આ પછી બાંગ્લાદેશમાં હિંદુઓની હત્યાના કારણે ભારતમાં મુસ્તફિઝુરનો વિરોધ થવા લાગ્યો. અત્યાર સુધીમાં ત્યાં 6 હિંદુઓની હત્યા કરવામાં આવી છે. બાદમાં BCCI એ મુસ્તફિઝુરને IPL રમવાની મંજૂરી આપી ન હતી અને 3 જાન્યુઆરીએ KKRએ તેને રિલીઝ કરી દીધો.
કોલકાતા નાઈટ રાઈડર્સે સોશિયલ મીડિયા પર મુસ્તફિઝુર રહેમાનને હટાવવાની જાણકારી આપી.
7 ફેબ્રુઆરીએ બાંગ્લાદેશની પ્રથમ મેચ T20 વર્લ્ડ કપમાં બાંગ્લાદેશને ગ્રુપ-Cમાં રાખવામાં આવ્યું છે. ટીમ 7 ફેબ્રુઆરીએ વેસ્ટ ઈન્ડિઝ, 9 ફેબ્રુઆરીએ ઈટાલી અને 14 ફેબ્રુઆરીએ ઈંગ્લેન્ડ સામે ટકરાશે. ત્રણેય મેચ કોલકાતાના ઈડન ગાર્ડન્સ સ્ટેડિયમમાં રમાવાની છે. જ્યારે ટીમની છેલ્લી ગ્રુપ સ્ટેજ મેચ 17 ફેબ્રુઆરીએ મુંબઈમાં નેપાળ સામે થશે.
