DIVYA BHASKAR MORNING BRIEF BIHAR ELECTION INDIA ALLIANCE SEAT SHARING | મોર્નિંગ ન્યૂઝ બ્રીફ: કેરળમાં રાષ્ટ્રપતિનું હેલિકોપ્ટર ખાડામાં ફસાયું; અમેરિકા શટડાઉન, સરકારી કર્મચારીનો પગાર બંધ; અઠવાડિયામાં ચાંદી 25 હજાર સસ્તી – Gujarat News

.

⏰ આજની ઈવેન્ટ્સ, જેના પર રહેશે નજર

1. રાષ્ટ્રપતિ મુર્મુ તિરુવનંતપુરમના રાજભવન ખાતે પૂર્વ રાષ્ટ્રપતિ કે.આર. નારાયણનની પ્રતિમાનું અનાવરણ કરશે.

2. ભારત અને ઓસ્ટ્રેલિયા વચ્ચે બીજી વનડે મેચ સવારે 9 વાગ્યાથી એડિલેડમાં રમાશે. ભારત ગઈ મેચ હારી ગયું હતું.

📰 કાલના મોટા સમાચારો

1. રાષ્ટ્રપતિ મુર્મુનું હેલિકોપ્ટર લેન્ડ થતાં જ ધસી પડ્યું, VIDEO:પોલીસકર્મીઓએ લેન્ડિંગ પેડ પરથી ધક્કો મારીને બહાર કાઢ્યું, મોટી દુર્ઘટના ટળી

રાષ્ટ્રપતિ દ્રૌપદી મુર્મુની સુરક્ષામાં એક મોટી બેદરકારી સામે આવી છે. રાષ્ટ્રપતિને તેમની સબરીમાલા યાત્રા પર લઈ જતું હેલિકોપ્ટર બુધવારે કેરળમાં લેન્ડિંગ પેડ પર ફસાઈ ગયું હતું. કેરળના પ્રમદમના રાજીવ ગાંધી ઇન્ડોર સ્ટેડિયમમાં નવા બનેલા કોંક્રીટ હેલિપેડ પર હેલિકોપ્ટર લેન્ડિંગ કરી રહ્યું હતું ત્યારે એનો એક ભાગ ધસી ગયો હતો. ત્યાર બાદ પોલીસ અધિકારીઓની મદદથી એને બહાર કાઢ્યું.

રાષ્ટ્રપતિ મુર્મુ સબરીમાલાની મુલાકાત લેવા માટે કેરળ પહોંચ્યાં. હેલિકોપ્ટર હેલિપેડ પર લેન્ડ કર્યા પછી તેમનો કાફલો રોડ માર્ગે પમ્બા જવા રવાના થયો. રાષ્ટ્રપતિ ગયા પછી ઘણા પોલીસકર્મીઓ અને ફાયરબ્રિગેડના કર્મચારીઓ હેલિપેડ પરના ખાડાઓમાંથી હેલિકોપ્ટરનાં પૈડાં બહાર કાઢતા જોવા મળ્યા. સંપૂર્ણ સમાચાર વાંચો

2. મહાગઠબંધનમાં બેઠકોની વહેંચણીને લઈને તણાવ વધ્યો:અશોક ગેહલોત તેજસ્વીને મળવા પહોંચ્યા; કાલે જોઈન્ટ પ્રેસ કોન્ફરન્સ યોજાઈ શકે

બિહાર ચૂંટણી પહેલા, મહાગઠબંધનમાં કોંગ્રેસ અને આરજેડી વચ્ચે બેઠક ફાળવણી અને સંયુક્ત મેનિફેસ્ટોને લઈને તણાવ વધી ગયો છે. કોંગ્રેસ હાઇકમાન્ડે આ મામલાને ઉકેલવા માટે અશોક ગેહલોતને પટના મોકલ્યા છે.

ગેહલોત બુધવારે સવારે પટના પહોંચ્યા હતા. તેઓ હવે આરજેડીના વડા તેજસ્વી યાદવને મળવા તેમના નિવાસસ્થાને પહોંચ્યા છે. જો આ બેઠકમાં બધું બરાબર રહ્યું તો ગુરુવારે મહાગઠબંધનની સંયુક્ત પત્રકાર પરિષદ યોજાશે. સંપૂર્ણ સમાચાર વાંચો

3. અમેરિકામાં ફૂડ ડિલિવરી કરીને ગુજરાન ચલાવે છે સરકારી કર્મચારીઓ:22 દિવસથી પગાર નથી થયો; ટ્રમ્પનો પ્રસ્તાવ 11મી વખત ફગાવાયો, USમાં બીજું સૌથી લાંબું શટડાઉન

1 ઓક્ટોબરથી શરૂ થયેલા યુએસ સરકારી શટડાઉનનો આજે 22મો દિવસ છે. આ યુએસ ઇતિહાસમાં બીજું સૌથી લાંબું શટડાઉન છે. આ પહેલાં 2018માં 35 દિવસ અને 1995માં 21 દિવસ સુધી શટડાઉન ચાલ્યું હતું.

20 ઓક્ટોબરના રોજ યુએસ સંસદના ઉપલા ગૃહ, સેનેટમાં ભંડોળ બિલ પસાર કરવા માટે 11મી વખત મતદાન થયું, જોકે સરકારે જરૂરી 60 મતમાંથી ફક્ત 55 મત જ મેળવ્યા. સંપૂર્ણ સમાચાર વાંચો

4. 5 દિવસમાં સોનું ₹5,677 ઘટીને ₹1.24 લાખ પહોંચ્યું:ચાંદી પણ તેના રેકોર્ડ ઉચ્ચતમ સ્તરથી ₹25,000 સસ્તી, ₹1.52 લાખ પ્રતિ કિલો થઈ

દિવાળી પછી સોના અને ચાંદીના ભાવમાં ભારે ઘટાડો થયો છે. સોનું તેના સર્વકાલીન ઉચ્ચતમ સ્તરથી 5,677 રૂપિયા સસ્તું થયું છે અને ચાંદી પણ તેના રેકોર્ડ ઉચ્ચતમ સ્તરથી 25,599 રૂપિયા સસ્તી થઈ છે.

ઇન્ડિયા બુલિયન એન્ડ જ્વેલર્સ એસોસિએશન (IBJA) અનુસાર, આજે, એટલે કે, 22 ઓક્ટોબરના રોજ, 24 કેરેટ સોનાના 10 ગ્રામનો ભાવ 3,726 રૂપિયા ઘટીને 1,23,907 રૂપિયા થઈ ગયો છે. સંપૂર્ણ સમાચાર વાંચો

5. ભારત S-400 માટે ₹10 હજાર કરોડની ડીલ કરશે:રશિયાથી વધુ મિસાઇલ ખરીદશે, ઓપરેશન સિંદૂરમાં પાકિસ્તાની ફાઇટર જેટને નષ્ટ કર્યા હતા

ભારત તેની હાલની S-400 વાયુ સંરક્ષણ પ્રણાલીને પૂરક બનાવવા માટે રશિયા પાસેથી ₹10,000 કરોડની મિસાઇલો ખરીદવાની યોજના બનાવી રહ્યું છે. રશિયન અધિકારીઓ સાથે વાટાઘાટો ચાલી રહી છે. મીડિયા અહેવાલો અનુસાર, સંરક્ષણ મંત્રાલય 23 ઓક્ટોબરે યોજાનારી સંરક્ષણ સંપાદન પરિષદની બેઠકમાં આ પ્રસ્તાવને મંજૂરી આપે તેવી અપેક્ષા છે.

ભારતીય વાયુસેનાની S-400 સિસ્ટમે ઓપરેશન સિંદૂર દરમિયાન મુખ્ય ભૂમિકા ભજવી હતી. તેણે 300 કિલોમીટરથી વધુની રેન્જમાં પાંચથી છ પાકિસ્તાની ફાઇટર જેટ અને એક જાસૂસી વિમાનને તોડી પાડ્યા હોવાના અહેવાલ છે. વાયુસેનાએ S-400ને ભારતની વાયુ સંરક્ષણ વ્યૂહરચનામાં ગેમ-ચેન્જર ગણાવ્યું છે. સંપૂર્ણ સમાચાર વાંચો

6. ડિવાઇડર સાથે અથડાયા બાદ XUV કાર ઝાડ પર ઊંધી લટકી: વડોદરામાં મુંબઈના ડોક્ટર પરિવારનો ગમખ્વાર અકસ્માત, એકનું મોત; ચાર ઈજાગ્રસ્ત

વડોદરાના જરોદ પાસે ગઈકાલે સાંજે ગમખ્વાર અકસ્માતની ઘટના સામે આવી છે. મુંબઇથી ઉત્તરપ્રદેશ લગ્નમાં જતા પરિવારને અકસ્માત નડ્યો હતો. XUV કાર ડિવાઇડર સાથે ધડાકાભેર અથડાયા બાદ ઝાડ પર ઊંધી લટકી ગઈ હતી. આ ઘટનામાં એક વ્યક્તિનું મોત નીપજ્યું છે, જ્યારે અન્ય ચાર લોકોને ઈજા પહોંચી છે. આ બનાવને લઈ જરોદ પોલીસે વધુ કાર્યવાહી હાથ ધરી છે. સંપૂર્ણ સમાચાર વાંચો

7. નશામાં ધુત નબીરાએ 4 વર્ષના બાળક પર કાર ચડાવી દીધી:અકસ્માત સર્જી ફરાર થતાં કારચાલકને લોકોએ મેથીપાક ચખાડ્યો, કારમાંથી દારૂની બોટલ મળી

વડોદરામાં દિવાળીમાં નશામાં ધુત કારચાલકે અકસ્માત સર્જી એક માસૂમ બાળકનો જીવ ગુમાવ્યો હોવાની ઘટના બની છે. અવધૂત ફાટક પાસે મોડીરાત્રે એક નબીરાએ બેફામ રીતે કાર હંકારી ફૂટપાથ પર સૂતેલા શ્રમજીવી પરિવાર ઉપર ચડાવી દીધી હતી. આ અકસ્માતમાં 4 વર્ષના એક માસૂમ બાળક પર કારનાં પૈડાં ફરી વળતાં તેનું ઘટનાસ્થળે જ કરુણ મોત નીપજ્યું હતું, જ્યારે અન્ય 4 શ્રમજીવીને ઈજા પહોંચી હતી. સંપૂર્ણ સમાચાર વાંચો

🎭 આજનું કાર્ટૂન

⚡ કેટલાક મહત્વના સમાચારો હેડલાઈનમાં

1. નેશનલઃ ઇન્ડિગોની ફ્લાઇટનું હવામાં ફ્યુઅલ લીક:વારાણસીમાં ઇમરજન્સી લેન્ડિંગ, પાઇલટે ‘મે ડે’ કોલ આપ્યો; કોલકાતાથી શ્રીનગર જતી હતી ફ્લાઇટ (સંપૂર્ણ સમાચાર વાંચો)

2. વિદેશઃ કાબુલમાં ભારતીય દૂતાવાસ ફરી ખુલ્યું:શું ભારત તાલિબાનને માન્યતા આપશે? અફઘાનિસ્તાને કહ્યું- પાકિસ્તાન સાથેના વિવાદમાં ભારતની કોઈ ભૂમિકા નથી (સંપૂર્ણ સમાચાર વાંચો)

3. નેશનલઃ બે સેલ, પ્રાઇવેટ ટોઈલેટ, ટીવી-પંખા…:ભાગેડુ મેહુલ ચોકસીને મુંબઈમાં હાઇ સિક્યોરિટી આર્થર રોડ જેલમાં રખાશે, અજમલ કસાબ રહ્યો તે જ બેરેકમાં રહેશે (સંપૂર્ણ સમાચાર વાંચો)

4. વિદેશઃ ટ્રમ્પે વ્હાઇટ હાઉસમાં દિવાળી ઊજવી:ભારતીય-અમેરિકનોને શુભકામના પાઠવી; PM મોદીને મહાન વ્યક્તિ ગણાવ્યા, ફોન પર વાત કરી હોવાનો દાવો કર્યો (સંપૂર્ણ સમાચાર વાંચો)

5. બિઝનેસઃ શું ચાંદીમાં 1980 જેવો ક્રેશ આવી શકે છે:ત્યારે હન્ટ બ્રધર્સના કારણે ભાવ ગગડ્યા હતા; આ વર્ષે ત્રણ કારણોસર ભાવ ડબલ થયા (સંપૂર્ણ સમાચાર વાંચો)

6. સ્પોર્ટ્સઃ ઓલિમ્પિક ગોલ્ડ મેડલ વિજેતા નીરજ ચોપરા લેફ્ટનન્ટ કર્નલ બન્યા:સંરક્ષણ મંત્રી રાજનાથ સિંહે આ પદવી એનાયત કરી, સેના પ્રમુખ પણ હાજર રહ્યા (સંપૂર્ણ સમાચાર વાંચો)

🗣️ ચર્ચિત નિવેદન

😲 ખબર હટકે

પંજાબનું પહેલું ગામ જ્યાં મફત ઇન્ટરનેટ, દિવાલો પર પાસવર્ડ

ભારત-પાકિસ્તાન સરહદની નજીક આવેલા પંજાબના રામકલવાન ગામમાં મફત ઇન્ટરનેટ સેવા ઉપલબ્ધ છે. આ પંજાબનું પહેલું ગામ છે જે સંપૂર્ણપણે મફત વાઇ-ફાઇથી જોડાયેલું છે. ગામમાં આશરે 150 ઘરો છે, અને રહેવાસીઓ દિવાલો પર લખેલા પાસવર્ડનો ઉપયોગ કરીને વાઇ-ફાઇથી કનેક્ટ થાય છે. આ વાઇ-ફાઇ BSNL દ્વારા પૂરું પાડવામાં આવે છે.

📸 ફોટો, જે પોતે સમાચાર છે

🌟 ભાસ્કરની એક્સક્લૂસિવ સ્ટોરીઝ, જે સૌથી વધારે વંચાઈ

1. Editor’s View: ભારતમાં ગુગલની ગુગલી:અદાણી સાથે મળીને સૌથી મોટું AI હબ બનાવશે, ટ્રમ્પને તમાચો, જાણો ગામ નહીં ગાડું ફેરવવાનું ગણિત

2. વાર્ષિક રાશિફળ:વિક્રમ સંવત 2082નું વર્ષ બારેય રાશિના જાતકો માટે કેવું રહેશે? વીડિયો દ્વારા જાણો આવનારા વર્ષનું ભવિષ્યફળ

3. 4 મોબાઇલ સાથે સ્વિચ ઓફ અને ઓન થતાં કેસ ઉકેલાયો:પોલીસનો દાવો ખેતરમાં ખાડો પૂરવા આવેલા યુવાનોએ હત્યા કરી, આરોપીઓ નિર્દોષ કેમ છૂટ્યા?

4. ગુજરાતથી આસામ સુધી ફેલાયેલું વીમા ફ્રોડ નેટવર્ક:100 કરોડથી વધુનું કૌભાંડ; મૃતકોને કાગળ પર જીવતા કરે, તમારી પોલિસી કેટલી સુરક્ષિત

5. ભાસ્કર એક્સપ્લેનર:દિલ્હીમાં હવા ઝેરી થઈ, AQI 500ને પાર; દિવાળીનો કેટલો રોલ, શિયાળામાં જ કેમ વધે છે વાયુ-પ્રદૂષણ?

6. આજનું એક્સપ્લેનર:મ્યુઝિયમમાંથી 900 કરોડની ચોરી; 2 ચોરોએ 7 મિનિટમાં ઉઠાવ્યાં ફ્રાન્સની રાણીઓનાં 8 અમૂલ્ય ઘરેણાં, જાણો પૂરી કહાની

🌍 કરંટ અફેર્સ

⏳ આજના દિવસનો ઈતિહાસ

🌦️ મોસમનો મિજાજ

ગુરુવારનું રાશિફળ: મિથુન રાશિના લોકોને પરિસ્થિતિઓમાં સકારાત્મક પરિવર્તન આવશે; કર્ક રાશિના લોકોને અટકેલા પૈસા પાછા મળશે (વાંચો સંપૂર્ણ રાશિફળ)