Divya Bhaskar Morning News Brief shankaracharya dispute t20 world cup india pakistan
.
ગઈકાલના મોટા સમાચાર ચાર ધામ સાથે જોડાયેલા હતા. મંદિર સમિતિએ બિન-હિંદુઓને પ્રતિબંધિત કરવાની તૈયારી કરી છે. બીજા સમાચાર અવિમુક્તેશ્વરાનંદના સમર્થનમાં અધિકારીના રાજીનામા સંબંધિત હતા. ⏰ આજની ઈવેન્ટ્સ, જેના પર રહેશે નજર
1. PM મોદી સાંજે 4:30 વાગ્યે દિલ્હીના કરિઅપ્પા પરેડ ગ્રાઉન્ડ ખાતે વાર્ષિક NCC રેલીને સંબોધિત કરશે.
2. 5 વર્કિંગ ડેની માંગણીને લઈ દેશભરમાં બેંકોની હડતાળ રહેશે.
📰 કાલના મોટા સમાચારો
1. શંકરાચાર્યના અપમાનથી નારાજ બરેલી સિટી મેજિસ્ટ્રેટનું રાજીનામું:અધિકારીએ કહ્યું- ડીએમ આવાસમાં 20 મિનિટ બંધક બનાવવામાં આવ્યા, ગાળો આપી
યુપીમાં બરેલીના સિટી મેજિસ્ટ્રેટ અલંકાર અગ્નિહોત્રીએ ગણતંત્ર દિવસ પર પોતાના પદ પરથી રાજીનામું આપી દીધું છે. રાજીનામાનું કારણ UGCનો નવો કાયદો અને શંકરાચાર્ય અવિમુક્તેશ્વરાનંદના શિષ્યોની મારપીટ જણાવ્યું છે. સોમવારે સાંજે લગભગ 7:30 વાગ્યે સિટી મેજિસ્ટ્રેટ ડીએમ અવિનાશ સિંહને મળવા તેમના નિવાસસ્થાને પહોંચ્યા.
બહાર આવતા સિટી મેજિસ્ટ્રેટે કહ્યું- મને ડીએમ નિવાસસ્થાને 20 મિનિટ સુધી બંધક બનાવી રાખવામાં આવ્યો. ગાળો આપતા કહેવામાં આવ્યું કે આ પાગલ થઈ ગયો છે. આને અહીં જ બંધક બનાવી રાખો. મેં કેપ્ટનને પહેલા જ જણાવી દીધું હતું, જ્યારે તેમણે ફોન કર્યો, ત્યારે અમને જવા દેવામાં આવ્યા. વાંચો સંપૂર્ણ સમાચાર
2. બદ્રીનાથ-કેદારનાથમાં બિન-હિંદુઓના પ્રવેશ પર પ્રતિબંધ મૂકવાની તૈયારી:ઉત્તરાખંડના 48 અન્ય મંદિરોમાં પણ જઈ શકશે નહીં; શીખ-બૌદ્ધ-જૈન પર કોઈ પ્રતિબંધ નથી
ઉત્તરાખંડના ચારધામ બદ્રીનાથ, કેદારનાથ, ગંગોત્રી અને યમુનોત્રી સહિત 50 મંદિરોમાં ટૂંક સમયમાં બિન-હિંદુઓના પ્રવેશ પર પ્રતિબંધ લાગી શકે છે. બદ્રીનાથ-કેદારનાથ મંદિર સમિતિ (BKTC), ગંગોત્રી અને યમુનોત્રી ધામ મંદિર સમિતિ દ્વારા આપવામાં આવેલા પ્રસ્તાવ પર સરકારમાં સહમતિ બની ગઈ છે. આ પ્રતિબંધ શીખ, જૈન અને બૌદ્ધ ધર્મના અનુયાયીઓ પર લાગુ પડશે નહીં.
ચારધામ ઉપરાંત મંદિર સમિતિઓના તાબા હેઠળ આવતા અન્ય 46 મંદિરો માટે પણ આવા જ પ્રસ્તાવો તૈયાર કરવામાં આવ્યા છે. આ સાથે, સીએમ પુષ્કર સિંહ ધામીએ આ મામલે તીર્થ પુરોહિતોની આસ્થાને ધ્યાનમાં રાખીને નિર્ણય લેવાની વાત કહી છે. વાંચો સંપૂર્ણ સમાચાર
3. શું T-20 વર્લ્ડકપમાં ભારત-પાકિસ્તાન મેચ નહીં થાય?:દાવો- બાંગ્લાદેશના સમર્થનમાં ભારતની મેચનો બહિષ્કાર કરી શકે છે PCB
પાકિસ્તાન ટી-20 વર્લ્ડ કપમાં ભારત સામેની મેચનો બહિષ્કાર કરી શકે છે. પાકિસ્તાનના ન્યૂઝ ચેનલ જિયો ન્યૂઝના રિપોર્ટ અનુસાર, પાકિસ્તાન ક્રિકેટ બોર્ડ (PCB) બાંગ્લાદેશના સમર્થનમાં 15 ફેબ્રુઆરીએ કોલંબોમાં નહીં રમવાનો નિર્ણય લેવા જઈ રહ્યું છે.
PCBના ચીફ મોહસિન નકવીએ સોમવારે વડાપ્રધાન શાહબાઝ શરીફ સાથે મુલાકાત કરી. આ બેઠકમાં પાકિસ્તાનના વર્લ્ડ કપમાં ભાગીદારી અને ભારત સામેની મેચ અંગે ચર્ચા થઈ. નકવીએ કહ્યું કે આગામી શુક્રવાર કે સોમવાર સુધીમાં અંતિમ નિર્ણય લેવામાં આવશે. વાંચો સંપૂર્ણ સમાચાર
4. ચીનના જનરલ પર અમેરિકાને ન્યુક્લિયર સિક્રેટ વેચવાનો આરોપ:US અખબારનો દાવો; જિનપિંગ પછી સૌથી શક્તિશાળી અધિકારી હતા, પદ પરથી હટાવાયા
ચીનમાં સેન્ટ્રલ મિલિટરી કમિશન (CMC) ના વાઇસ ચેરમેન ઝાંગ યુક્સિયા વિરુદ્ધ તપાસ શરૂ થઈ ગઈ છે. અમેરિકન સમાચાર પત્ર વોલ સ્ટ્રીટ જર્નલના એક રિપોર્ટ મુજબ, તેમના પર ચીનના પરમાણુ હથિયાર સંબંધિત ગુપ્ત માહિતી અમેરિકાને લીક કરવાનો આરોપ છે.
ઝાંગને 24 જાન્યુઆરીએ પદ પરથી હટાવવામાં આવ્યા હતા. ચીની સંરક્ષણ મંત્રાલયે તેમના પર શિસ્ત અને કાયદાના ગંભીર ઉલ્લંઘનનો આરોપ લગાવ્યો છે. ઝાંગ પર CMCની અંદર પોતાની અલગ જૂથબંધી કરવા અને પાર્ટીમાં ભાગલા પાડવાનો પણ આરોપ છે. વાંચો સંપૂર્ણ સમાચાર
5. વંદેમાતરમ ગીત દરમિયાન ઊભા રહેવું અનિવાર્ય હોઈ શકે છે:સરકાર પ્રોટોકોલ લાગુ કરવા પર વિચાર કરી રહી છે, નિર્ણય બાકી
રાષ્ટ્રીય ગીત ‘વંદે માતરમ’ માટે પણ તે જ રીતે ઊભા રહેવું ફરજિયાત બની શકે છે, જેમ કે હાલમાં રાષ્ટ્રીય ગાન ‘જન ગણ મન’ સમયે હોય છે. સરકારે વંદે માતરમની રચનાના 150 વર્ષ પૂરા થવાના અવસરે રાષ્ટ્રીય ગીત માટે પણ પ્રોટોકોલ લાગુ કરવા પર વિચાર કરી રહી છે. વંદે માતરમને 1950માં રાષ્ટ્રીય ગીત તરીકે અપનાવવામાં આવ્યું હતું.
ઇન્ડિયન એક્સપ્રેસ અનુસાર, ગૃહ મંત્રાલય આ વાત પર ચર્ચા કરી રહ્યું છે કે શું ‘વંદે માતરમ’ પર પણ તે જ નિયમો અને કાયદાઓ લાગુ કરવામાં આવે, જે રાષ્ટ્રીય ગાન પર લાગુ પડે છે. જોકે, આ સંબંધમાં હજુ કોઈ અંતિમ નિર્ણય લેવામાં આવ્યો નથી. વાંચો સંપૂર્ણ સમાચાર
6. માયા આહિરના પુત્ર જયરાજને જેલમાં ઘરની પથારી-ખાવાનું યાદ આવ્યું:SITએ રિમાન્ડ ન માગતા કંઈક રંધાયાની ચર્ચા, જેલમાં વીતાવેલી પહેલી રાત કેવી રહી?
ભાવનગરના બગદાણાના પૂર્વ સરપંચ અને કોળી યુવાન નવનીત બાલધિયાને માર મારવાના ચકચારી કેસમાં SITની તપાસમાં ડાયરા કલાકાર માયા આહિરના પુત્ર જયરાજ આહીરની સંડોવણી સામે આવતા તેની 24 જાન્યુઆરીએ ધરપકડ કરવામાં આવી હતી. ત્યાર બાદ તેને 25મીએ મહુવા કોર્ટમાં રજૂ કરવામાં આવ્યો હતો. જ્યાં તેની જામીન અરજી ફગાવી દેવામાં આવી હતી અને તેને ભાવનગર જિલ્લા જેલમાં ધકેલવા આદેશ કરવામાં આવ્યો હતો.
જો કે આશ્ચર્યની વાત તો એ છે કે, હત્યાના પ્રયાસ જેવા ગંભીર ગુનામાં સીટ દ્વારા આરોપી જયરાજ આહિરના રિમાન્ડની માંગ કરવામાં આવી ન હતી. તેમજ જયરાજ આહિર દ્વારા જામીન અરજી મુકવામાં આવી હતી. પરંતુ કોર્ટે જામીન અરજી નકારી દીધી હતી. ત્યાર બાદ તેને ચૂસ્ત બંદોબસ્ત સાથે જેલ ભેગો કરવામાં આવ્યો હતો. વાંચો સંપૂર્ણ સમાચાર
7. પ્રદેશ ભાજપ બાદ શહેર-જિલ્લાના સંગઠનની જાહેરાત:આણંદ, દાહોદ જિલ્લા અને જૂનાગઢ શહેર ભાજપ સંગઠનની જાહેરાત
ગુજરાત પ્રદેશ ભાજપ સંગઠનની જાહેરાત કરાયા બાદ હવે શહેર અને જિલ્લા ભાજપ સંગઠનના હોદેદારોની જાહેરાત કરવામાં આવી છે. ભાજપ દ્વારા આજે સાંજથી અલગ અલગ જિલ્લા-શહેર ભાજપ સંગઠનની જાહેરાત કરવાની શરૂઆત કરી છે. દાહોદ, આણંદ જિલ્લા અને જૂનાગઢ શહેર ભાજપ સંગઠનની જાહેરાત કરી દેવામાં આવી છે. અન્ય શહેર જિલ્લા સંગઠનની જાહેરાત પણ રાત્રિ સુધીમાં થાય તેવી શક્યતા છે.
જૂનાગઢ શહેર ભાજપ સંગઠનના 3 મહામંત્રી, 8 ઉપપ્રમુખ, અને 8 મંત્રી સહિત વિવિધ મોર્ચાઓના પ્રમુખ-ઉપપ્રમુખના નામની જાહેરાત કરવામાં આવી છે. દાહોદ જિલ્લા ભાજપ સંગઠનમાં 8 ઉપપ્રમુખ, 3 મહામંત્રી અને મંત્રી તરીકે 8 લોકોની નિમણૂક કરવામાં આવી છે. આ ઉપરાંત અલગ અલગ મોર્ચાઓના પ્રમુખ-ઉપપ્રમુખ સહિતના હોદેદારોની પણ જાહેરાત કરવામાં આવી છે. વાંચો સંપૂર્ણ સમાચાર
🎭 આજનું કાર્ટૂન
⚡ કેટલાક મહત્વના સમાચારો હેડલાઈનમાં
1.નેશનલ : દિલ્હીની પરેડમાં બાજ, ઊંટનું આકર્ષણ:ગુજરાતના ટેબ્લોએ રંગ રાખ્યો; યુરોપીયન કાઉન્સિલના અધ્યક્ષ પરેડ જોઈને દંગ રહી ગયા, જુઓ PHOTOS વાંચો સંપૂર્ણ સમાચાર
2.ઈન્ટરનેશનલ : અમેરિકામાં બરફના વાવાઝોડાથી 10 લાખ ઘરોમાં વીજળી ગુલ:13 લોકોના મોત, 18 હજારથી વધુ ફ્લાઇટ્સ રદ, 20 રાજ્યોમાં ઇમરજન્સી જાહેર વાંચો સંપૂર્ણ સમાચાર
3.નેશનલ : તાજમહેલ પર હિંદુવાદીઓએ તિરંગો ફરકાવ્યો:મુખ્ય ગુંબજ પર ભારત માતાના જયકારા લગાવી રાષ્ટ્રગાન ગવાયું, VIDEO સામે આવ્યો વાંચો સંપૂર્ણ સમાચાર
4.ઈન્ટરનેશનલ : વેન્સના કારણે થઈ શકી નહીં ભારત-અમેરિકા ટ્રેડ ડીલ:US સાંસદનો ઓડિયો રેકોર્ડિંગ લીક, ટ્રમ્પને પણ જવાબદાર ઠેરવ્યા વાંચો સંપૂર્ણ સમાચાર
5.બિઝનેસ : શેરબજારમાં આ સપ્તાહે તેજીની આશા:1 ફેબ્રુઆરીએ બજેટ, ફેડ મીટિંગ અને ઓટો સેલ્સના આંકડા આવશે, આ પરિબળો નક્કી કરશે બજારની ચાલ વાંચો સંપૂર્ણ સમાચાર
6.સ્પોર્ટ્સ : તિલક વર્માની ટીમ ઈન્ડિયામાં વાપસી ટળી:ટી-20 વર્લ્ડ કપની વોર્મ-અપ મેચોમાં રમવું શક્ય, શ્રેયસ કિવીઓ સામેની બાકીની 2 મેચ રમશે વાંચો સંપૂર્ણ સમાચાર
7.ધર્મ તહેવાર જ્યોતિષ : ક્યારે છે ભીષ્મ એકાદશી?:મહા માસની અગિયારસ પર ભગવાન વિષ્ણુ સાથે તુલસી અને શ્રીકૃષ્ણની પૂજાનું વિધાન વાંચો સંપૂર્ણ સમાચાર
🗣️ ચર્ચિત નિવેદન
😲 અજબ ગજબ
મહિલાએ ઊંઘમાં જ કરી લાખોની શોપિંગ
એક બ્રિટિશ મહિલાએ ઊંઘમાં જ લાખો રૂપિયાની ઓનલાઈન શોપિંગ કરી નાખી. નિકોલા એડવર્ડ્સ લાંબા સમયથી ‘સ્લીપ શોપિંગ’ ડિસઓર્ડરથી પરેશાન છે. તેમણે ઊંઘમાં જ ફોનનો ઉપયોગ કરવાનું શરૂ કર્યું અને એક સરળ પાસવર્ડને કારણે પેમેન્ટ પણ કર્યું. બાદમાં જ્યારે ઓર્ડર ઘરે આવ્યો ત્યારે આ વાતનો ખુલાસો થયો.
📸 ફોટો, જે પોતે સમાચાર છે
🌟 ભાસ્કરની એક્સક્લૂસિવ સ્ટોરીઝ, જે સૌથી વધારે વંચાઈ
🌍 કરંટ અફેર્સ
⏳ આજના દિવસનો ઈતિહાસ
🌦️ મોસમનો મિજાજ
મંગળવારનું રાશિફળ: વૃષભ-મિથુન રાશિના જાતકો માટે ધનલાભના યોગ, કર્ક રાશિના લોકોને કરિયરમાં મળશે મોટી સફળતા વાંચો સંપૂર્ણ રાશિફળ
