ED Attaches Assets Yuvraj Singh Sonu Sood Neha Sharma Robin Uthappa; PMLA Case Details PHOTOS | સટ્ટાબાજી કેસમાં ક્રિકેટર-સેલિબ્રિટીઓની સંપત્તિ એટેચ: યુવરાજસિંહ, સોનુ સૂદ અને ઉર્વશી રૌતેલા સહિત પર EDએ મની લોન્ડરિંગનો કેસ દાખલ કર્યો

એન્ફોર્સમેન્ટ ડિરેક્ટોરેટ (ED)એ શુક્રવારે પૂર્વ ક્રિકેટર યુવરાજ સિંહ, રોબિન ઉથપ્પા, એક્ટર સોનુ સૂદ, એક્ટ્રેસ નેહા શર્મા સહિત અનેક સેલિબ્રિટીની સંપત્તિ એટેચ કરી છે. મીડિયા રિપોર્ટ્સ અનુસાર આ કાર્યવાહી મની લોન્ડરિંગ નિવારણ કાયદા (PMLA) હેઠળ કરવામાં આવી છે.

ED મુજબ સોનુ સૂદની આશરે 1 કરોડ રૂપિયા, યુવરાજ સિંહની 2.5 કરોડ રૂપિયા, નેહા શર્માની 1.26 કરોડ રૂપિયા, રોબિન ઉથપ્પાની 8.26 લાખ રૂપિયાની સંપત્તિઓ એટેચ કરવામાં આવી છે.

આ પહેલા સપ્ટેમ્બર મહિનામાં EDએ 1xBet એપ મામલે ક્રિકેટર યુવરાજ સિંહ, સુરેશ રૈના, રોબિન ઉથપ્પા અને શિખર ધવન, અભિનેતા સોનુ સૂદ, અભિનેત્રી મિમી ચક્રવર્તી (પૂર્વ TMC સાંસદ) અને અંકુશ હાઝરા (બંગાળી એક્ટર)ની પૂછપરછ કરી હતી. કેટલાક ઓનલાઈન ઈન્ફ્લુએન્સર્સની પણ પૂછપરછ કરવામાં આવી હતી.

અગાઉ રૈના-ધવનની ₹11.14 કરોડની સંપત્તિ જપ્ત કરી

એન્ફોર્સમેન્ટ ડિરેક્ટોરેટ (ED)એ ઓનલાઇન સટ્ટાબાજી એપ્લિકેશન 1xBetના પ્રમોશનના સંદર્ભમાં પ્રિવેન્શન ઓફ મની લોન્ડરિંગ એક્ટ (PMLA) હેઠળ પૂર્વ ક્રિકેટરો સુરેશ રૈના અને શિખર ધવનની ₹11.14 કરોડની સંપત્તિ જપ્ત કરી.

EDના એક સત્તાવાર સૂત્રએ સમાચાર એજન્સી પીટીઆઈને જણાવ્યું હતું કે કેટલીક સેલિબ્રિટી 1xBet એપ દ્વારા કમાયેલા જાહેરાતના પૈસાનો ઉપયોગ વિવિધ મિલકતો ખરીદવા માટે કર્યો છે. આને ગુનાની રકમ માનવામાં આવી છે.

સપ્ટેમ્બરમાં EDએ 1xBet એપ કેસના સંદર્ભમાં ક્રિકેટર યુવરાજ સિંહ, સુરેશ રૈના, રોબિન ઉથપ્પા અને શિખર ધવન, અભિનેતા સોનુ સૂદ, અભિનેત્રી મીમી ચક્રવર્તી (પૂર્વ TMC સાંસદ) અને અંકુશ હઝરા (બંગાળી અભિનેતા)ની પૂછપરછ કરી હતી. કેટલાક ઓનલાઈન પ્રભાવકોની પણ પૂછપરછ કરવામાં આવી હતી.

સટ્ટાબાજી કેસમાં EDએ ક્યારે અને કોની પૂછપરછ કરી?

23 સપ્ટેમ્બર: યુવરાજ સિંહ દિલ્હી સ્થિત ED ઓફિસ પહોંચ્યો. ઓનલાઈન સટ્ટાબાજી એપ્લિકેશન (1xBet)ના પ્રમોશનના સંદર્ભમાં અધિકારીઓ દ્વારા તેની સાત કલાક પૂછપરછ કરવામાં આવી.

24 સપ્ટેમ્બર: ED ટીમે અભિનેતા સોનુ સૂદની દિલ્હી ઓફિસમાં લગભગ સાત કલાક પૂછપરછ કરી. તેનું નિવેદન PMLA હેઠળ નોંધવામાં આવ્યું.

4 સપ્ટેમ્બર: પૂર્વ ક્રિકેટર શિખર ધવન ગુરુવારે ઓનલાઇન સટ્ટાબાજી એપ્લિકેશન (1xBet)ના પ્રમોશનના સંદર્ભમાં પૂછપરછ માટે એન્ફોર્સમેન્ટ ડિરેક્ટોરેટ (ED) સમક્ષ હાજર થયો.

બેંક ખાતાં અને ટ્રાન્ઝેક્શનમાંથી માહિતી પ્રકાશમાં આવી

EDએ પ્રિવેન્શન ઓફ મની લોન્ડરિંગ એક્ટ (PMLA)ની કલમ 50 હેઠળ રમતવીરો, કલાકારો અને પ્રભાવકોનાં નિવેદનો નોંધ્યાં. ઘણી સેલિબ્રિટીઓએ તેમનાં બેંક ખાતાં અને વ્યવહારોની વિગતો પણ આપી, જેમાં ઘટસ્ફોટ થયો કે તેમને જાહેરાત ફી કેવી રીતે મળી. અન્ય ઘણા પ્લેયર અને સેલિબ્રિટીની હજુ પણ પૂછપરછ માટે બાકી છે.

યુવરાજ સિંહે 2022માં સોશિયલ મીડિયા પ્લેટફોર્મ X પર આ તસવીર શેર કરી હતી.

પ્રિવેન્શન ઓફ મની લોન્ડરિંગ એક્ટ (PMLA) હેઠળ ગુના સાથે જોડાયેલી સંપત્તિઓ જપ્ત કરવામાં આવે છે, જેથી ગુનેગારો તેમાંથી નફો ન મેળવી શકે. એકવાર આદેશ જારી થયા પછી તેને PMLA હેઠળ સ્થાપિત ન્યાયાધીશ સત્તામંડળને મોકલવામાં આવશે અને કોર્ટની મંજૂરી મળ્યા પછી ચાર્જશીટ દાખલ કરવામાં આવશે.