England captain Brook apologises over nightclub row | નાઇટ ક્લબ વિવાદ પર ઇંગ્લિશ કેપ્ટન બ્રુકે માફી માગી: વેલિંગ્ટન વન-ડે પહેલા દારૂ પીધો, બાઉન્સર સાથે ઝઘડો પણ થયો; 30 હજાર પાઉન્ડનો દંડ
સ્પોર્ટ્સ ડેસ્ક45 મિનિટ પેહલા
- કૉપી લિંક
ઇંગ્લેન્ડના કેપ્ટન હેરી બ્રુકે ન્યૂઝીલેન્ડ પ્રવાસ દરમિયાન એક નાઇટ ક્લબમાં થયેલા વિવાદ બદલ માફી માગી છે. આ ઘટના ન્યૂઝીલેન્ડ સામેની ત્રીજી વન-ડે પહેલાની રાત્રે 31 ઓક્ટોબર 2025ના રોજ બની હતી. આ મામલો ગુરુવારે સામે આવ્યો છે, જ્યારે ઘટનાવાળી રાતનો એક વીડિયો લીક થયો. જેમાં બ્રુક અને જેકબ બેથેલ બંને દારૂ પીતા જોવા મળ્યા.
ટેલિગ્રાફના રિપોર્ટ અનુસાર, વેલિંગ્ટન વન-ડેના એક રાત પહેલા હેરી બ્રુકને એક ક્લબમાં એન્ટ્રી આપવામાં આવી ન હતી. ત્યારબાદ બાઉન્સરે તેમને માર માર્યો. આ મામલો એવા સમયે સામે આવ્યો છે, જ્યારે ઇંગ્લેન્ડની ટીમ ઓસ્ટ્રેલિયામાં 4-1થી એશિઝ શ્રેણી હારી ચૂકી છે અને ટીમના કલ્ચર પર સવાલો ઉઠી રહ્યા છે.
ઓસ્ટ્રેલિયાએ ઇંગ્લેન્ડને પાંચમી ટેસ્ટમાં 5 વિકેટે હરાવ્યું.
બ્રુક હાલમાં ઇંગ્લેન્ડની વ્હાઇટ-બોલ ટીમનો કેપ્ટન છે અને ટેસ્ટ ટીમનો વાઇસ-કેપ્ટન પણ છે. જોકે, કેપ્ટનશીપ જાળવી રાખવા છતાં તેના પર લગભગ 30 હજાર પાઉન્ડનો દંડ ફટકારવામાં આવ્યો છે અને છેલ્લી ચેતવણી આપવામાં આવી છે. તે T20 વર્લ્ડ કપ 2026 અને 2 અઠવાડિયા પછી શરૂ થનારી શ્રીલંકા સામેની લિમિટેડ ઓવર્સની સિરીઝ સુધી ઇંગ્લેન્ડની કેપ્ટનશીપ કરતો રહેશે.
બ્રુકે નિવેદનમાં કહ્યું-
હું તે વર્તન માટે માફી માગુ છું. મારું વર્તન ખોટું હતું. મને અને ઇંગ્લેન્ડ ટીમને શરમજનક સ્થિતિમાં મુકાવું પડ્યું. ઇંગ્લેન્ડનું પ્રતિનિધિત્વ કરવું એ સૌથી મોટું સન્માન છે.
બ્રુકે કહ્યું-
હું મારા સાથી ખેલાડીઓ, કોચ અને ચાહકોને નિરાશ કરવા બદલ ખૂબ જ શરમ અનુભવું છું. હું મારી ભૂલમાંથી શીખીને મેદાનની અંદર અને બહાર મારા વર્તનથી ફરીથી વિશ્વાસ જીતવા માટે પ્રતિબદ્ધ છું.
ક્રિકેટ ડિરેક્ટરે કહ્યું- બંનેને સમજાવવા જરૂરી હતા ઇંગ્લેન્ડ એન્ડ વેલ્સ ક્રિકેટ બોર્ડ (ECB) એ જણાવ્યું- ‘આ ઘટનાને ઔપચારિક અને ગુપ્ત શિસ્તભંગની પ્રક્રિયા હેઠળ પતાવી દેવામાં આવી છે અને ખેલાડીએ સ્વીકાર્યું છે કે તેનું વર્તન ધોરણો મુજબનું નહોતું.’ ECB ના ક્રિકેટ ડિરેક્ટર રોબ કી એ જણાવ્યું કે તેમણે ન્યૂઝીલેન્ડમાં બ્રુક અને બેથેલના વર્તનને લઈને તેમની સાથે વાત કરી હતી. તેમણે કહ્યું કે આ ઔપચારિક ચેતવણી આપવા જેવું નહોતું, પરંતુ અનૌપચારિક રીતે સમજાવવું જરૂરી હતું.
ઇંગ્લિશ ખેલાડીઓએ એશિઝ સિરીઝ દરમિયાન પણ દારૂ પીધો હતો ECBના મુખ્ય કાર્યકારી રિચાર્ડ ગોલ્ડે કહ્યું કે એશિઝ સિરીઝમાં ટીમના ‘વર્તન’ની પણ તપાસ થશે. BBC અનુસાર, ઇંગ્લિશ ખેલાડીઓએ બીજી અને ત્રીજી ટેસ્ટ વચ્ચે મળેલા બ્રેકમાં વધુ પડતો દારૂ પીધો હતો. જણાવવામાં આવ્યું કે ખેલાડીઓએ કથિત રીતે 6 દિવસ (2 દિવસ બ્રિસ્બેનમાં અને ત્યારબાદ 4 દિવસ ક્વીન્સલેન્ડના શહેર નૂસામાં) દારૂ પીવામાં વિતાવ્યા. આ પછી ECBના મેનેજિંગ ડિરેક્ટર રોબ કીએ તપાસ કરાવવાની વાત કહી હતી.
બ્રુક એશિઝમાં કોઈ સદી ફટકારી શક્યો નહીં એશિઝ સિરીઝમાં બ્રુકે 10 ઇનિંગ્સમાં 358 રન બનાવ્યા, પરંતુ એક પણ સદી લગાવી શક્યા નહીં.
