Fire breaks out in Bangladesh’s largest slum | બાંગ્લાદેશની સૌથી મોટી ઝૂંપડપટ્ટીમાં આગ: 1500 ઘરો બળી ખાખ; હજારો લોકો બેઘર, ગર્ભવતી મહિલાઓ-બાળકોએ ઠંડીમાં રાત વિતાવી
ઢાકા4 કલાક પેહલા
- કૉપી લિંક
બાંગ્લાદેશની રાજધાની ઢાકાની સૌથી મોટી ઝૂંપડપટ્ટી કોરાઇલમાં મંગળવારે સાંજે એટલી ભયાનક આગ લાગી કે તેને ઓલવવામાં 16 કલાકથી વધુ સમય લાગ્યો. ઢાકા ટ્રિબ્યુન અનુસાર, આ આગ રસોઈ બનાવતી વખતે એક સિલિન્ડર ફાટવાથી લાગી હતી.
બસતી સાંકડી હોવાને કારણે આગ ઝડપથી એકથી બીજા ઘર સુધી ફેલાઈ. પાતળી ગલીઓના કારણે ફાયર બ્રિગેડની ગાડીઓ અંદર સુધી પહોંચી શકી નહીં. જેના કારણે આગ પર કાબૂ મેળવવામાં વિલંબ થયો.
ફાયર બ્રિગેડના અધિકારી રાશેદ બિન ખાલિદે સ્થાનિક મીડિયાને જણાવ્યું કે મંગળવારે સાંજે શરૂ થયેલી આગ પર બુધવારે બપોર પછી કાબૂ મેળવવામાં આવ્યો. આ આગે 1500 ઘરોને બાળીને રાખ કરી દીધા. જેના કારણે હજારો લોકો બેઘર બન્યા છે.
ત્યાં, ગર્ભવતી મહિલાઓ અને બાળકો સહિત ઘણા લોકોએ ઠંડીમાં રાત વિતાવી. કોરાઇલ વસાહત 160 એકરમાં ફેલાયેલી છે. અહીં લગભગ 80 હજાર લોકો રહે છે. ઘાયલો અને મૃતકોની માહિતી હજુ સામે આવી નથી.
દુર્ઘટનાની 10 તસવીરો…
ઢાકાની ઝૂંપડપટ્ટી કોરાઇલમાં મંગળવારે સાંજે ભીષણ આગ લાગી હતી.
આ આગ પર કાબૂ મેળવવામાં 16 કલાકથી વધુ સમય લાગ્યો.
આ આગમાં 1500થી વધુ ઘરો બળીને રાખ થઈ ગયા.
આગ રસોઈ બનાવતી વખતે એક સિલિન્ડર ફાટવાથી લાગી હતી. જે ઝડપથી ફેલાઈ ગઈ.
આગની જાણ થયા બાદ ફાયર બ્રિગેડની ટીમ ઘટનાસ્થળે પહોંચી અને આગ બુઝાવવાનો પ્રયાસ કર્યો.
બચાવ ટીમ ઘાયલોને સારવાર માટે નજીકની હોસ્પિટલ લઈ ગઈ.
આગ પછી હજારો લોકો બહાર ઠંડીમાં રાત વિતાવવા માટે મજબૂર બન્યા.
કોરાઇલ વસાહત 65 હેક્ટર વિસ્તારમાં ફેલાયેલી છે. અહીં લગભગ 80 હજાર લોકો રહે છે.
આગ ઓછી થયા પછી ઘરોમાંથી બચેલો સામાન કાઢતા લોકો.
પીડિતો બોલ્યા- આંખો સામે બધું બળીને રાખ થઈ ગયું
કોરાઇલ ઝૂંપડપટ્ટીમાં આ પહેલા 2017માં પણ ભયંકર આગ લાગી હતી. સ્થાનિક જહાંરા બીબીએ રડતા રડતા કહ્યું, “ફરી બધું ખતમ થઈ ગયું. મારા પતિની નાની ખાણી-પીણીની દુકાન પણ બળી ગઈ.”
અન્ય એક પીડિત અલીમે જણાવ્યું, “મારી આંખો સામે બધું બળીને રાખ થઈ ગયું. હું કંઈ કરી શક્યો નહીં. હવે મગજ પણ કામ નથી કરતું કે આગળ શું કરવું.” અહીં લોકો આખી રાત પોતાની બળી ગયેલી ઝૂંપડી સામે પરિવાર સાથે ખુલ્લા આકાશ નીચે ઠંડીમાં બેસી રહ્યા.
અહીં રાહત કાર્ય શરૂ કરવામાં આવ્યા છે. ઢાકા મહાનગર ઉત્તર સમિતિ ભોજનનું વિતરણ કરી રહી છે. જમાત-એ-ઇસ્લામી અને આલો હેલ્થ ક્લિનિકે દવાઓ અને સારવાર પૂરી પાડી. ઘણી ગર્ભવતી મહિલાઓને હોસ્પિટલ મોકલવામાં આવી. તેમાંથી એકે ગુરુવારે સવારે બાળકને જન્મ આપ્યો છે.
——————————-
આ સમાચાર પણ વાંચો…
હોંગકોંગમાં 77 વર્ષમાં સૌથી ભયાનક આગ: 65 મૃત્યુ, 8 બહુમાળી ઇમારતો બળીને ખાખ, 280 હજુ પણ ગુમ, કોન્ટ્રાક્ટર સહિત 3ની ધરપકડ
હોંગકોંગના તાઈ પો નામના વિસ્તારમાં બુધવારે એક મોટા રહેણાક કોમ્પ્લેક્સમાં લાગેલી ભીષણ આગે આખા શહેરને હચમચાવી દીધું છે. અત્યારસુધીમાં 65 લોકોનાં મોત થયાં છે, જ્યારે 280 હજુ પણ ગુમ છે. કોન્ટ્રાક્ટર સહિત 3 લોકોની ધરપકડ કરવામાં આવી છે. સંપૂર્ણ સમાચાર વાંચો…
