Ghana Prophet Predicts World Ending Flood 25 December; Claims Prayer Delayed Doomsday VIDEOS | ઘાનાના યુવકે પોતાને પયગંબર ગણાવ્યો: 25 ડિસેમ્બરથી પ્રલય શરૂ થવાનો દાવો કર્યો હતો, હવે કહ્યું- ભગવાને અમને વધુ સમય આપ્યો
એક્રો4 કલાક પેહલા
- કૉપી લિંક
આફ્રિકી દેશ ઘાનામાં 30 વર્ષનો એક યુવક પોતાને ભગવાન દ્વારા મોકલેલો પયગંબર કહી રહ્યો છે. પહેલા તેણે દાવો કર્યો હતો કે 25 ડિસેમ્બરથી આખી દુનિયામાં એવી ભયાનક પૂર આવશે કે પૃથ્વી પાણીમાં ડૂબી જશે અને ત્રણ વર્ષ સુધી સતત વરસાદ પડશે.
એટલે કે 25 ડિસેમ્બરથી પ્રલયની શરૂઆત થઈ જશે, જોકે હવે તે કહી રહ્યો છે કે તેની પ્રાર્થના પછી ઈશ્વરે લોકોને વધુ સમય આપ્યો છે.
આ યુવકનું નામ એબો નોઆ છે. સોશિયલ મીડિયા પર તે પોતાને ‘એબો જીસસ’ કહે છે. ઇન્સ્ટાગ્રામ પર તેના લગભગ 32 હજાર ફોલોઅર્સ છે.
વાઇરલ વીડિયોમાં એબો નોઆ કહેતો દેખાઈ રહ્યો છે કે તેને ભગવાનનો સંદેશ મળ્યો છે કે ખૂબ જ જલદી સતત વરસાદ શરૂ થશે, જેનાથી આખી પૃથ્વી જળમગ્ન થઈ જશે અને જેમ આજે દુનિયા ચાલી રહી છે, તેનો અંત આવી જશે.
એબો નોઆનો દાવો- તેને 8 હોડી બનાવવાનો આદેશ મળ્યો
એબો નોઆનું કહેવું છે કે ભગવાને તેને અગાઉથી તૈયારી કરવા કહ્યું છે. આ જ કારણોસર તે મોટી-મોટી લાકડાની હોડીઓ, એટલે કે આર્ક બનાવી રહ્યો છે. તેનો દાવો છે કે આ હોડીઓ જ વિનાશના સમયે લોકોને બચાવી શકશે.
તે કહે છે કે તેને કુલ આઠ હોડીઓ બનાવવાનો આદેશ મળ્યો છે. વીડિયોમાં તે પોતે એક મોટી લાકડાની હોડી પાસે ઊભો રહીને તેના નિર્માણની દેખરેખ રાખતો જોવા મળે છે.
આ વીડિયો વાઇરલ થતાં જ સોશિયલ મીડિયા પર ચર્ચા શરૂ થઈ ગઈ. ઘણા લોકો તેના દાવા પર સવાલ ઉઠાવી રહ્યા છે. કેટલાક યુઝર્સ બાઇબલના પુસ્તક જેનેસિસનો હવાલો આપી રહ્યા છે, જેમાં લખ્યું છે કે ભગવાને મેઘધનુષ્ય દ્વારા વચન આપ્યું હતું કે તે પૃથ્વીને ફરી ક્યારેય સંપૂર્ણ પૂરથી નષ્ટ નહીં કરે. આ જ કારણોસર લોકો એબો નોઆની વાતોને સાચી માનવા તૈયાર નથી.
ઓગસ્ટમાં પણ પૃથ્વી ડૂબી જવાનો દાવો કર્યો હતો
એબો નોઆ આ પહેલા પણ આવા દાવા કરી ચૂક્યો છે. ઓગસ્ટમાં પણ તેણે આવો જ દાવો કર્યો હતો. હવે એબો નોઆ કહી રહ્યો છે કે ભગવાને અમારી પ્રાર્થના સાંભળી લીધી છે. તેમણે અમને વધુ સમય આપ્યો છે, જેથી અમે વધુ હોડીઓ બનાવી શકીએ. આ ક્રિસમસનો આનંદ માણો.
આ સમગ્ર મામલા સાથે જોડાયેલી એક વધુ વિચિત્ર ઘટના પણ સામે આવી છે. સમાચાર છે કે એક વ્યક્તિએ ગુસ્સામાં આવીને એક હોડીને સળગાવી દીધી. તેને લાગ્યું કે આ જ એબો નોઆની હોડી છે.
જણાવવામાં આવી રહ્યું છે કે તેની પત્ની અને પરિવારજનો પૂરની અફવા સાંભળીને તે હોડી પાસે રહેવા ચાલ્યા ગયા હતા. પાછળથી ખબર પડી કે તે હોડી એબો નોઆ સાથે જોડાયેલી જ નહોતી. આ પછી આ મામલો વધુ ચર્ચામાં આવી ગયો.
એક માણસે ગુસ્સામાં એક હોડીને સળગાવી દીધી હતી, તેને લાગ્યું હતું કે આ હોડી એબો નોઆએ બનાવી છે.
