India T20 World Cup 2026 Squad Players List; Harshit Rana | Shubman Gill Sanju Samson| Surya Kumar Yadav | T20 વર્લ્ડ કપ 2026 માટે ટીમ ઈન્ડિયા જાહેર: કેપ્ટન તરીકે સૂર્યા યથાવત, ખરાબ ફોર્મના કારણે ગિલનું પત્તું કપાયું; અક્ષર પટેલને વાઇસ કેપ્ટન બનાવ્યો

સૂર્યકુમાર યાદવ (કેપ્ટન), અક્ષર પટેલ (વાઈસ-કેપ્ટન), અભિષેક શર્મા, તિલક વર્મા, સંજુ સેમસન (વિકેટકીપર), હાર્દિક પંડ્યા, રિંકુ સિંહ, શિવમ દુબે, કુલદીપ યાદવ, વોશિંગ્ટન સુંદર, હર્ષિત રાણા, વરુણ ચક્રવર્તી, જસપ્રીત બુમરાહ અને અર્શદીપ સિંહ અને ઈશાન કિશન (વિકેટકીપર).

7 ફેબ્રુઆરીએ USA સામે પોતાના અભિયાનની શરૂઆત કરશે ઈન્ડિયન ટીમ

ભારત 7 ફેબ્રુઆરીએ મુંબઈમાં USA સામે તેના વર્લ્ડ કપ અભિયાનની શરૂઆત કરશે. ત્યારબાદ 12 ફેબ્રુઆરીએ દિલ્હીમાં નામિબિયા, 15 ફેબ્રુઆરીએ કોલંબોમાં પાકિસ્તાન અને 18 ફેબ્રુઆરીએ અમદાવાદમાં નેધરલેન્ડ્સ સામે મેચ રમશે.

ભારત પાકિસ્તાન સહિત ચાર ટીમનો સામનો કરશે ભારતને T20 વર્લ્ડ કપમાં પ્રમાણમાં સરળ ગ્રુપ સોંપવામાં આવ્યું છે. ટીમને પાકિસ્તાન, USA, નામિબિયા અને નેધરલેન્ડ્સ સાથે ગ્રુપ Aમાં મૂકવામાં આવી છે. ટીમ ઈન્ડિયાનો પાકિસ્તાન સામેનો તાજેતરનો રેકોર્ડ પણ મજબૂત છે. ભારતે એશિયા કપમાં પાકિસ્તાનને ત્રણ વખત હરાવ્યું છે અને ODI માં ચેમ્પિયન્સ ટ્રોફીમાં પણ તેમને હરાવ્યા છે.

2024માં T20 વર્લ્ડ કપ ચેમ્પિયન બન્યું હતું ભારત

ભારતીય ટીમ ટી-20 વર્લ્ડ કપની ડિફેન્ડિંગ ચેમ્પિયન છે. ટીમ ઇન્ડિયાએ ફાઇનલમાં સાઉથ આફ્રિકાને હરાવીને ખિતાબ પોતાના નામે કર્યો હતો.