India vs Australia 4th T20 Match Gold Coast Today; Maxwell Returns | IND vs AUS આજે ચોથી T20I: હેડ અને કુલદીપ યાદવ રમશે નહીં, ગ્લેન મેક્સવેલ કમબેક શકે છે; સિરીઝ 1-1થી બરાબર

ભારત અને ઓસ્ટ્રેલિયા વચ્ચે T-20 સિરીઝની ચોથી મેચ આજે ગોલ્ડ કોસ્ટના કરારા ઓવલ સ્ટેડિયમમાં રમાશે. મુકાબલો બપોરે 1.45 વાગ્યે શરૂ થશે, જેનો ટૉસ બપોરે 1.15 વાગ્યે થશે. ભારતે કુલદીપ યાદવ અને ઓસ્ટ્રેલિયાએ ઓપનર ટ્રેવિસ હેડને સ્ક્વૉડમાંથી મુક્ત કરી દીધા છે.

ઑલરાઉન્ડર ગ્લેન મેક્સવેલ ઇજામાંથી સાજા થયા બાદ આજે મેદાન પર વાપસી કરી શકે છે. વળી મેથ્યુ શૉર્ટને હેડની જગ્યાએ ઓપનિંગની તક મળવાની સંભાવના છે. 5 T-20ની સિરીઝ 1-1થી બરાબર છે.

ઘરમાં ભારતને સિરીઝ નથી હરાવી શક્યું ઓસ્ટ્રેલિયા ઓસ્ટ્રેલિયા અને ભારત વચ્ચે અત્યાર સુધીમાં કુલ 35 T-20 રમાયા છે. 21માં ભારતને અને માત્ર 12માં ઓસ્ટ્રેલિયાને જીત મળી છે. ઓસ્ટ્રેલિયામાં બંનેએ 15 મેચ રમી, 8માં ભારત અને 5માં ઓસ્ટ્રેલિયાને જીત મળી. કાંગારૂ ટીમ પોતાના હોમગ્રાઉન્ડ પર ક્યારેય ભારતને T-20 સિરીઝ નથી હરાવી શકી. બંને વચ્ચે અહીં 2 સિરીઝ ડ્રૉ રહી, વળી 2 સિરીઝ ભારતે જીતી છે.

અભિષેક આપી આપી રહ્યો છે વિસ્ફોટક શરૂઆત T-20 સિરીઝની તમામ મેચમાં ભારતને અભિષેક શર્માએ તોફાની શરૂઆત અપાવી છે. તે 3 મુકાબલામાં 167.16ના સ્ટ્રાઇક રેટથી 112 રન બનાવી ચૂક્યો છે. વરુણ ચક્રવર્તી 4 વિકેટ લઈને ટીમના ટૉપ બોલર બનેલો છે.

કુલદીપ યાદવને ટેસ્ટ સિરીઝની તૈયારી કરવા માટે સ્ક્વૉડમાંથી મુક્ત કરી દેવામાં આવ્યા છે, તેથી તે સિરીઝની બાકી મેચો નહીં રમી શકે. તેની જગ્યાએ વૉશિંગ્ટન સુંદર જ ચોથી અને પાંચમી મેચ રમતો દેખાશે.

100 વિકેટની નજીક બુમરાહ જસપ્રીત બુમરાહ T-20 ઇન્ટરનેશનલમાં 100 વિકેટ પૂરી કરવાથી માત્ર 2 વિકેટ દૂર છે. તેના નામે 78 મુકાબલામાં 98 વિકેટ છે. લેફ્ટ આર્મ પેસર અર્શદીપ સિંહ 104 વિકેટ સાથે ભારતના ટૉપ વિકેટ ટેકર છે. બુમરાહ બીજા નંબર પર છે.

ગ્લેન મેક્સવેલ કરશે કમબેક ઓસ્ટ્રેલિયાની ટીમે પણ એશિઝ સિરીઝની તૈયારીને ધ્યાનમાં રાખીને ઓપનર ટ્રેવિસ હેડને મુક્ત કરી દીધા. તે હવે શેફિલ્ડ શીલ્ડ મેચ રમતો દેખાશે. તેની જગ્યાએ મેથ્યુ શૉર્ટને ઓપનિંગ કરવાની તક મળી શકે છે. ગ્લેન મેક્સવેલ પણ આજના મુકાબલાથી વાપસી કરી શકે છે. ટીમના ટૉપ વિકેટ ટેકર નાથન એલિસ ચોથા મુકાબલામાં પણ ભારતની મુશ્કેલીઓ વધારી શકે છે.

કરારા ઓવલમાં પહેલીવાર રમશે ભારત ગોલ્ડ કોસ્ટના કરારા ઓવલ સ્ટેડિયમમાં અત્યાર સુધીમાં માત્ર 2 જ T-20 મેચ રમાઈ છે. એકમાં પહેલા બેટિંગ અને 1માં પછી બેટિંગ કરનારી ટીમને જીત મળી છે. ઓસ્ટ્રેલિયાએ અહીં 1 મેચ જીતી છે અને 1 જ ગુમાવી છે. ટીમ ઇન્ડિયા અહીં પહેલીવાર કોઈ T-20 મુકાબલો રમશે. અહીંનો હાઇએસ્ટ સ્કોર 146 રન છે, જે ઓસ્ટ્રેલિયાએ 2022માં વેસ્ટ ઇન્ડીઝ વિરુદ્ધ બનાવ્યો હતો.

વરસાદની સંભાવના નહીં ગોલ્ડ કોસ્ટના કરારા ઓવલ સ્ટેડિયમમાં ગુરુવારે મેચ દરમિયાન વરસાદની સંભાવના નથી. બપોરે શહેરના 10% હિસ્સામાં વરસાદ પડી શકે છે, પણ મેચ દરમિયાન હવામાન સંપૂર્ણ રીતે સ્વચ્છ રહેશે.

સંભવિત પ્લેઇંગ-11 ઓસ્ટ્રેલિયા: મિચેલ માર્શ (કેપ્ટન), મેથ્યુ શૉર્ટ, જૉશ ઇંગ્લિસ (વિકેટકીપર), ટિમ ડેવિડ, મિચેલ ઓવેન, માર્કસ સ્ટોયનિસ, ગ્લેન મેક્સવેલ, ઝેવિયર બાર્ટલેટ, બેન ડ્વાર્શસ, નાથન એલિસ અને મેથ્યુ કુહ્નેમન.

ભારત: સૂર્યકુમાર યાદવ (કેપ્ટન), અભિષેક શર્મા, શુભમન ગિલ, તિલક વર્મા, અક્ષર પટેલ, વૉશિંગ્ટન સુંદર, જિતેશ શર્મા (વિકેટકીપર), શિવમ દુબે, અર્શદીપ સિંહ, વરુણ ચક્રવર્તી અને જસપ્રીત બુમરાહ.