Modi receives Ethiopia’s highest honor | મોદીને ઇથોપિયાનું સર્વોચ્ચ સન્માન મળ્યું: આ સન્માન મેળવનારા પ્રથમ ગ્લોબલ લીડર બન્યા; PMએ કહ્યું- અહીં ઘર જેવું લાગ્યું
અદીસ અબાબા3 કલાક પેહલા
- કૉપી લિંક
વડાપ્રધાન નરેન્દ્ર મોદીને ઇથોપિયાએ મંગળવારે પોતાનો સર્વોચ્ચ સન્માન આપ્યું. તેઓ ‘ધ ગ્રેટ ઓનર નિશાં ઓફ ઇથોપિયા’ મેળવનાર પ્રથમ ગ્લોબલ લીડર બન્યા છે. આ પ્રસંગે વડાપ્રધાને કહ્યું કે આ સન્માન મારા માટે ગર્વની વાત છે. તેમના ઇથોપિયા પ્રવાસનો આજે બીજો દિવસ છે.
આ પહેલા ગઈકાલે મોદીનું ઇથોપિયાના નેશનલ પેલેસમાં વડાપ્રધાન અબી અહેમદ અલીએ સ્વાગત કર્યું, જ્યાં બંને નેતાઓએ દ્વિપક્ષીય બેઠક કરી.
બેઠક દરમિયાન મોદીએ કહ્યું કે ઇથોપિયા આવીને તેમને ખૂબ જ ખુશી થઈ રહી છે. વડાપ્રધાને કહ્યું કે આ તેમનો પહેલો ઇથોપિયા પ્રવાસ છે, પરંતુ અહીં પહોંચતા જ તેમને પોતાનાપણાનો અહેસાસ થયો.
મોદીના ઇથોપિયા પ્રવાસ સાથે જોડાયેલી 8 તસવીરો…
PM અહેમદ અલીએ એરપોર્ટ પર PM મોદીનું સ્વાગત કર્યું.
બંને નેતાઓએ હાથ મિલાવ્યા. આ દરમિયાન સ્થાનિક કલાકારોએ ડાન્સ પર્ફોર્મન્સ આપ્યું.
ઇથોપિયાના PM અબી અહેમદ અલીએ મોદીનું નેશનલ પેલેસમાં સ્વાગત કર્યું છે.
એરપોર્ટ પર PM અહેમદ અલીએ મોદીને પરંપરાગત કોફી પણ પીવડાવી.
મોદીને વડાપ્રધાન અબી અહેમદ અલીએ સાયન્સ મ્યુઝિયમ બતાવ્યું.
મોદીને ઇથોપિયાએ પોતાના સર્વોચ્ચ સન્માન ‘ધ ગ્રેટ ઓનર નિશાં ઓફ ઇથોપિયા’થી સન્માનિત કર્યા.
મોદી અને વડાપ્રધાન અબી અહેમદ અલીએ દ્વિપક્ષીય ચર્ચા કરી.
બંને દેશોએ AI માં નવા કાર્યક્રમો શરૂ કરવા અને શિષ્યવૃત્તિ બમણી કરવાનો નિર્ણય લીધો છે. હોટલમાં પીએમના સ્વાગત દરમિયાન ભારતીય મૂળની બાળકીએ સાંસ્કૃતિક નૃત્ય કર્યું.
PM અલી પોતે કાર ચલાવીને મોદીને હોટલ લઈ ગયા હતા
ઇથોપિયાના વડાપ્રધાન અહેમદ અલી ગઈકાલે PM મોદીને અદીસ અબાબા એરપોર્ટ પર લેવા પહોંચ્યા હતા. બંને નેતાઓએ એરપોર્ટ પર જ અનૌપચારિક વાતચીત કરી. આ દરમિયાન PM અહેમદ અલીએ મોદીને પરંપરાગત કોફી પણ પીવડાવી.
ત્યારબાદ અહેમદ અલી પોતે કાર ચલાવીને મોદીને હોટેલ લઈ ગયા. તેમણે રસ્તામાં મોદીને સાયન્સ મ્યુઝિયમ અને મૈત્રી પાર્ક પણ બતાવ્યા. આ PMનો પ્રથમ ઇથોપિયા પ્રવાસ છે. તેઓ અહીં 2 દિવસના રાજકીય પ્રવાસે છે.
ઇથોપિયાના PM અહેમદ અલી પોતાની કારથી મોદીને હોટેલ છોડવા ગયા. આ દરમિયાન તેમણે જ કાર ચલાવી.
PM અલીએ મોદીની વિચારસરણીના વખાણ કર્યા
ઇથોપિયન વડાપ્રધાન અહેમદ અલીએ મંગળવારે દ્વિપક્ષીય બેઠક દરમિયાન PM મોદીની વિચારસરણીની પ્રશંસા કરી. તેમણે કહ્યું કે વડાપ્રધાન મોદી હંમેશા કહે છે કે આફ્રિકા સાથેની ભાગીદારી તેની જરૂરિયાતો અનુસાર હોવી જોઈએ.
તેમણે કહ્યું કે આજે ભારત અને ઇથોપિયા વચ્ચે નવી અને મજબૂત ભાગીદારીની જરૂર છે. અહેમદ અલીએ કહ્યું કે દેશમાં વિદેશી રોકાણ પણ ઝડપથી વધી રહ્યું છે અને તેમાં ભારત સૌથી મોટો રોકાણકાર બનીને ઉભર્યું છે. તેમણે જણાવ્યું કે ઇથોપિયામાં 615 થી વધુ ભારતીય કંપનીઓ રોકાણ કરી રહી છે.
બેઠકમાં મોદીએ ઇથોપિયાના વિદ્યાર્થીઓ માટે શિષ્યવૃત્તિ બમણી કરવાની જાહેરાત કરી. આ સાથે પહેલગામ આતંકવાદી હુમલા પર સંવેદના અને આતંકવાદ વિરુદ્ધ ભારતના સમર્થન બદલ આભાર માન્યો.
#WATCH | Addis Ababa, Ethiopia: In his meeting with Ethiopian PM Abiy Ahmed Ali, PM Narendra Modi says, “We express gratitude to you for your sympathies over Pahalgam terrorist attack and for your support in our fight against terrorism. The support of friendly nations in our… pic.twitter.com/TSXoTJte3O— ANI (@ANI) December 16, 2025
ઇથોપિયાનો બીજો સૌથી મોટો વેપાર ભાગીદાર ભારત
ભારત, ઇથોપિયાનો બીજો સૌથી મોટો ટ્રેડ પાર્ટનર છે. બંને દેશો વચ્ચે 2023-24માં 5175 કરોડ રૂપિયાનો વેપાર થયો. આ દરમિયાન ભારતે 4433 કરોડ રૂપિયા અને ઇથોપિયાએ 742 કરોડ રૂપિયાની નિકાસ કરી.
ઇથોપિયા, ભારતમાંથી લોખંડ, સ્ટીલ, દવાઓ અને ફાર્માસ્યુટિકલ્સ, મશીનરી અને ઉપકરણોની આયાત કરે છે. જ્યારે ભારત, ઇથોપિયામાંથી કઠોળ, કિંમતી પથ્થરો, શાકભાજી અને બીજ, ચામડું અને મસાલાની આયાત કરે છે.
ભારત અને ઇથોપિયા વચ્ચેના વ્યાપારી સંબંધોની શરૂઆત 1940ના દાયકામાં થઈ હતી. આઝાદી પહેલા જ બંને વચ્ચે વેપાર શરૂ થઈ ગયો હતો. 1950માં રાજદ્વારી સંબંધો સ્થાપિત થયા પછી બંને દેશોમાં ઔપચારિક વેપાર શરૂ થયો.
