Pakistan Deploys Anti-Drone System LoC PoK; 30 Units Stationed Rawalakot Kotli Bhimber | ઓપરેશન સિંદૂરથી હજુ પણ પાકિસ્તાન ફફડેલું: LoC પર એન્ટી-ડ્રોન સિસ્ટમ તૈનાત કર્યા, સ્પાઈડર કાઉન્ટર-સુફ્રા જામિંગ ગનથી સિસ્ટમથી ભારત પર નજર રાખશે
ઇસ્લામાબાદ2 મિનિટ પેહલા
- કૉપી લિંક
પાકિસ્તાને પાક-અધિકૃત કાશ્મીર (PoK)માં લાઇન ઓફ કંટ્રોલ (LoC) નજીક એન્ટી-ડ્રોન સિસ્ટમ તૈનાત કરી છે. રિપોર્ટ્સ અનુસાર, નવી કાઉન્ટર-અનમેન્ડ એરિયલ સિસ્ટમ (C-UAS)ને રાવલકોટ, કોટલી અને ભિમ્બર સેક્ટરમાં સ્થાપિત કરવામાં આવી છે.
પાકિસ્તાની સેનાને આશંકા છે કે ભારત ફરીથી ઓપરેશન સિંદૂર જેવું પગલું ભરી શકે છે. રિપોર્ટ્સ અનુસાર, પાકિસ્તાને LoC પર 30થી વધુ ખાસ એન્ટી-ડ્રોન યુનિટ્સ તૈનાત કરી છે.
આ તૈનાતી મુર્રીની 12મી ઇન્ફન્ટ્રી ડિવિઝન અને 23મી ઇન્ફન્ટ્રી ડિવિઝન દ્વારા કરવામાં આવી છે, જે કોટલી–ભિમ્બર વિસ્તારની બ્રિગેડ્સનું સંચાલન કરે છે. તેનો હેતુ LoC નજીક હવાઈ દેખરેખ અને ઇલેક્ટ્રોનિક વોરફેયર ક્ષમતાને મજબૂત કરવાનો છે.
પાકિસ્તાને ઓપરેશન સિંદૂર બાદ LoC અને બોર્ડર પર દેખરેખ વધારી દીધી છે. (ફાઈલ ફોટો)
કયા-કયા સિસ્ટમ લગાવવામાં આવ્યા?
1. સ્પાઈડર કાઉન્ટર-UAS સિસ્ટમ
સ્પાઈડર એન્ટી-ડ્રોન સિસ્ટમ રેડિયો ફ્રીક્વન્સી દ્વારા ડ્રોનનો પત્તો લગાવે છે અને લગભગ 10 કિલોમીટર સુધી નાના ડ્રોન અને લોઈટરિંગ મ્યુનિશનને ઓળખી શકે છે. તે પોર્ટેબલ અને વાહન-માઉન્ટેડ બંને સ્વરૂપોમાં ઉપલબ્ધ છે.
તે ડ્રોનના કમ્યુનિકેશનને અવરોધીને તેને હવામાં રોકાવા, પાછા ફરવા અથવા લેન્ડ કરવા મજબૂર કરે છે.
સ્પાઇડર કાઉન્ટર-UAS સિસ્ટમને પાકિસ્તાનની ગ્લોબલ ઇન્ડસ્ટ્રિયલ એન્ડ ડિફેન્સ સોલ્યુશન (GIDS) દ્વારા વિકસાવવામાં આવ્યું છે.
2. સુફ્રા જામિંગ ગન આ ખભા પર રાખીને ચલાવવામાં આવતું હથિયાર છે જેની રેન્જ લગભગ 1.5 કિલોમીટર છે. તે ડ્રોનના કંટ્રોલ, વીડિયો અને GPS લિંકને અવરોધે છે. તે એકસાથે ઘણા કામિકાઝે ડ્રોનને નિષ્ક્રિય કરી શકે છે.
સુફ્રા જામિંગ ગન પાકિસ્તાનના નેશનલ ઇલેક્ટ્રોનિક્સ કોમ્પ્લેક્સ (NECOP) દ્વારા વિકસાવવામાં આવી છે.
એર ડિફેન્સ હથિયારો પણ તૈનાત
એન્ટ્રી ડ્રોન સિસ્ટમની સાથે પાકિસ્તાને એર ડિફેન્સ હથિયારો પણ તૈનાત કર્યા છે. આમાં ઓર્લિકોન GDF 35 mm ડબલ બેરલ એન્ટી-એરક્રાફ્ટ ગન, રડાર સપોર્ટ સાથે અને Anza Mk-II અને Mk-III MANPADSનો સમાવેશ થાય છે, જે ઓછી ઊંચાઈએ ઉડતા લક્ષ્યોને નિશાન બનાવી શકે છે.
રિપોર્ટ્સ અનુસાર, આ તૈનાતીઓ પશ્ચિમી સરહદ પર ભારતની વધતી સૈન્ય સક્રિયતાને લઈને પાકિસ્તાનની બેચેની દર્શાવે છે. આ દરમિયાન, પાકિસ્તાન તુર્કી અને ચીન પાસેથી નવા ડ્રોન અને એર ડિફેન્સ સિસ્ટમ ખરીદવા અંગે પણ વાતચીત કરી રહ્યું છે.
ઓપરેશન સિંદૂરમાં ભારતે પાકિસ્તાની ડ્રોન તબાહ કર્યા
ઓપરેશન સિંદૂરમાં ભારતીય વાયુસેનાના રડાર અને એર ડિફેન્સ સિસ્ટમ્સે પાકિસ્તાનના ડ્રોન અને ફાઇટર જેટ્સને હવામાં જ નિશાન બનાવ્યા.
સુદર્શન મિસાઈલ સિસ્ટમ દ્વારા લગભગ 300 કિલોમીટર દૂર ઉડી રહેલા એક હાઈ-વેલ્યુ એરક્રાફ્ટને પણ તોડી પાડવામાં આવ્યું. આ એરક્રાફ્ટ કાં તો ઇલેક્ટ્રોનિક વોરફેર સિસ્ટમથી સજ્જ હતું અથવા એરબોર્ન અર્લી વોર્નિંગ કંટ્રોલ સિસ્ટમથી.
આ ઉપરાંત, રાફેલ અને સુખોઈ-30 એ પાકિસ્તાની સેફ સેન્ટર (હેંગર)ને નિશાન બનાવ્યું, જેમાં મેડ ઇન ચાઇના વિંગ લૂંગ ડ્રોન તબાહ થયા.
પાકિસ્તાને ઓપરેશન સિંદૂર દરમિયાન ભારત પર ડ્રોન હુમલા કર્યા હતા, જેને ભારતે હવામાં જ નષ્ટ કરી દીધા હતા.
ભારતમાં બની રહ્યો છે પ્રથમ ડ્યુઅલ સ્ટેલ્થ ડ્રોન
ઓપરેશન સિંદૂરમાં ભારતે પોતાના હવાઈ સંરક્ષણ કવચનો પ્રભાવ પૂરી દુનિયામાં પાડ્યો. હવે જલ્દી દુનિયા આપણી એક વધુ હવાઈ તાકાત જોશે. ભારત દુનિયાનો પ્રથમ ડ્યુઅલ સ્ટેલ્થ ડ્રોન બનાવી રહ્યું છે.
આ દુશ્મનના હાઈ-રેઝ રડાર અને ઇન્ફ્રારેડ સિગ્નલોથી બચવાની સાથે જ સેકન્ડ્સથી પણ ઓછા સમયમાં હુમલો કરી શકશે.
‘રામા’ ખાસ સ્વદેશી કોટિંગ મટિરિયલ છે, જે રડાર અને ઇન્ફ્રારેડની ઓળખને 97% સુધી ઘટાડી દે છે. હાલમાં ફક્ત અમેરિકા, ચીન અને રશિયા પાસે જ રડારથી છુપાઈ શકતા સ્ટેલ્થ ડ્રોન છે.
ડ્રોનને હૈદરાબાદની સ્ટાર્ટઅપ કંપની વીરા ડાયનેમિક્સ અને બિનફોર્ડ રિસર્ચ લેબ રક્ષા મંત્રાલયની મદદથી તૈયાર કરી રહી છે.
આ સ્ટીલ્થ ડ્રોનના મોડેલની તસવીર છે. તે દુશ્મન પર સેકન્ડ્સથી પણ ઓછા સમયમાં હુમલો કરી શકશે.
——————————
પાકિસ્તાન સંબંધિત આ સમાચાર પણ વાંચો…
પાકિસ્તાનના પરમાણુ હથિયારો દુનિયા માટે જોખમ: દસ્તાવેજોથી ખુલાસો- પુતિને 24 વર્ષ પહેલા જ્યોર્જ બુશને સતર્ક કર્યા હતા
રશિયાના રાષ્ટ્રપતિ વ્લાદિમીર પુતિને વર્ષ 2001માં અમેરિકાના તત્કાલીન રાષ્ટ્રપતિ જ્યોર્જ ડબલ્યુ બુશ સાથે તેમની પ્રથમ મુલાકાત દરમિયાન પાકિસ્તાનને લઈને ચિંતા વ્યક્ત કરી હતી. પુતિને કહ્યું હતું કે પાકિસ્તાન ખરેખર એક સૈન્ય શાસન એટલે કે જુન્ટા છે, જેની પાસે પરમાણુ હથિયારો છે. આ કોઈ લોકતાંત્રિક દેશ નથી. સંપૂર્ણ સમાચાર અહીં વાંચો…
