Republic Day Reception Invitation Honors Ashtalakshmi States | Rashtrapati Bhavan | વોકલ ફોર લોકલનો અનોખો અંદાજ: ગણતંત્ર દિવસ પર રાષ્ટ્રપતિ ભવનના ‘At Home’ રિસેપ્શન માટે તૈયાર કરાયું આમંત્રણ કાર્ડ, અષ્ટલક્ષ્મી રાજ્યોને ખાસ સન્માન

પ્રજાસત્તાક દિવસ 2026ના અવસરે રાષ્ટ્રપતિ ભવનમાં યોજાનાર પરંપરાગત ‘At Home’ રિસેપ્શન માટે આ વખતે એક ખાસ પહેલ કરવામાં આવી છે. મહેમાનોને મોકલવામાં આવેલા આમંત્રણ પત્રમાં ભારતની સાંસ્કૃતિક વિવિધતા અને પરંપરાગત શિલ્પકલાને અનોખી રીતે રજૂ કરવામાં આવી છે. રાષ્ટ્રપતિ ભવને આ આમંત્રણ ખાસ તૈયાર કરાવ્યું છે જેથી ‘અષ્ટલક્ષ્મી’ રાજ્યોના કુશળ કારીગરો અને શિલ્પકારોને સન્માનિત કરી શકાય. આ રાજ્યોમાં આસામ, અરુણાચલ પ્રદેશ, મણિપુર, મેઘાલય, મિઝોરમ, નાગાલેન્ડ, ત્રિપુરા અને સિક્કિમનો સમાવેશ થાય છે. આ પ્રદેશોના કલાકારોએ સદીઓ જૂની પરંપરાઓ અને જ્ઞાનનું સંરક્ષણ કર્યું છે, જે આજે પણ તેમની કલામાં પ્રતિબિંબિત થાય છે.

આમંત્રણ પત્રમાં પૂર્વોત્તર ભારતના વિવિધ સાંસ્કૃતિક પરંપરાઓ અને હસ્તકલાની ઝલક જોવા મળે છે. તેમાં એવી કળાઓ પ્રદર્શિત કરવામાં આવી છે જે પેઢી દર પેઢી હસ્તાંતરિત થતી રહી છે અને આજે પણ જીવંત છે. આ પહેલનો ઉદ્દેશ્ય ફક્ત ભારતની કલા-સંસ્કૃતિને ગ્લોબલ મંચ પર ઓળખ અપાવવાનો નથી, પરંતુ તે કારીગરોને પણ પ્રોત્સાહિત કરવાનો છે જેઓ પોતાની મહેનતથી આ વારસાને જીવંત રાખે છે.

રાષ્ટ્રપતિ ભવનની આ પહેલ એવા સમયે આવી છે જ્યારે દેશમાં ‘વોકલ ફોર લોકલ’ અને ‘મેક ઇન ઇન્ડિયા’ જેવા અભિયાનોને પ્રોત્સાહન આપવામાં આવી રહ્યું છે. આવા પ્રયાસો કારીગરોને આર્થિક મજબૂતી જ નથી આપતા, પરંતુ ભારતની સાંસ્કૃતિક ઓળખને પણ સશક્ત કરે છે. ગણતંત્ર દિવસનું આ ‘At Home’ રિસેપ્શન હંમેશા પ્રતિષ્ઠિત રહ્યું છે, પરંતુ આ વખતે આમંત્રણ પત્રિકાએ તેને વધુ ખાસ બનાવી દીધું છે. આ સંદેશ આપે છે કે ભારતની તાકાત તેની વિવિધતા અને પરંપરાઓમાં રહેલી છે.

નીચે જુઓ ફોટોઝ…