SA T20: JSK wins with bonus points | SA T20: JSKની બોનસ પોઈન્ટ સાથે જીત: જોબર્ગ સુપર કિંગ્સે ડરબન સુપર જાયન્ટ્સને 6 વિકેટે હરાવ્યું
1 કલાક પેહલા
- કૉપી લિંક
SA20 લીગના કિંગ્સમીડ સ્ટેડિયમમાં રમાયેલી મેચમાં જોબર્ગ સુપર કિંગ્સ (JSK)એ ડરબન સુપર જાયન્ટ્સ (DSG)ને 6 વિકેટે હરાવીને ટુર્નામેન્ટમાં પોતાની બીજી જીત નોંધાવી. પ્રથમ બેટિંગ કરતા DSGની આખી ટીમ 86 રન પર ઓલઆઉટ થઈ ગઈ, જેને JSKએ 12.2 ઓવરમાં 4 વિકેટ ગુમાવીને ચેઝ કરી લીધો.
આ બોનસ પોઈન્ટ જીત સાથે JSK પોઈન્ટ ટેબલમાં સનરાઈઝર્સ ઈસ્ટર્ન કેપ પછી બીજા સ્થાને પહોંચી ગઈ. કેપ્ટન ફાફ ડુ પ્લેસિસનો ઇનિંગ્સની શરૂઆતમાં ઓફ સ્પિનર પ્રેનેલન સબ્રાયન પાસેથી બોલિંગ કરાવવાનો નિર્ણય કારગર સાબિત થયો. સબ્રાયને 3 ઓવરમાં 16 રન આપીને 3 વિકેટ ઝડપી.
સબ્રાયને પોતાની પ્રથમ ઓવરમાં ડેવોન કોનવેને આઉટ કર્યો. પાવરપ્લે દરમિયાન કેન વિલિયમસન અને જોસ બટલર પણ પેવેલિયન પરત ફર્યા, જેનાથી DSGનો સ્કોર 21/3 થઈ ગયો. આ પછી પાર્ટ-ટાઈમ ઓફ સ્પિનર ડોનોવન ફરેરાએ હેનરિક ક્લાસેનને શોર્ટ મિડવિકેટ પર કેચ કરાવીને આઉટ કર્યો.
કેપ્ટન એડન માર્કરમે 27 બોલમાં 22 રન બનાવીને સંઘર્ષ કર્યો, પરંતુ ટીમને સંભાળી શક્યો નહીં. અંતમાં ફાસ્ટ બોલર રિચાર્ડ ગ્લીસને નીચલા ક્રમને સમેટી લેતા 2 રન આપીને 3 વિકેટ લીધી.
87 રનના ટાર્ગેટને ચેઝમાં ખરાબ શરૂઆત JSKની શરૂઆત પણ લથડી. ફાફ ડુ પ્લેસિસ અને એબી ડિવિલિયર્સ 19 રનના સ્કોર સુધી આઉટ થઈ ગયા. આ પછી વિયાન મુલ્ડરના આઉટ થવાથી સ્કોર 24/3 થઈ ગયો.
DSGને મળેલી બે તકો ભારે પડી રાઇલી રૂસોને 8 અને 16 રન પર બે જીવનદાન મળ્યા, જેનો તેણે પૂરો ફાયદો ઉઠાવ્યો. રૂસોએ 5 ચોગ્ગા અને એક છગ્ગો ફટકારતા 43 રનની નિર્ણાયક ઇનિંગ રમી. અંતમાં ડોનોવન ફરેરાએ 4 બોલમાં અણનમ 12 રન બનાવી ટીમને જીત અપાવી.
જોબર્ગ સુપર કિંગ્સ (JSK)ના રાઈલી રુસો અને શુભમ રંજાણે ડરબન સુપર જાયન્ટ્સ (DSG) સામે SA20 સીઝન-4ની છઠ્ઠી મેચમાં જીત બાદ ઉજવણી કરતા જોવા મળ્યા.
પ્રેનેલન સબ્રાયનને પ્લેયર ઓફ ધ મેચ તરીકે પસંદ કર્યો મેચ માટે પ્લેયર ઓફ ધ મેચના ચાર દાવેદારો- ફાફ ડુ પ્લેસિસ, રિચાર્ડ ગ્લીસન, રાઈલી રુસો અને પ્રેનેલન સબ્રાયન હતા. પ્રેનેલન સબ્રાયનને 55.2 ટકા ફેન વોટ સાથે પ્લેયર ઓફ ધ મેચ તરીકે પસંદ કર્યો હતો.
