Sanjay Manjrekar Calls Indian Batters NRI; Criticizes Poor Domestic Preparation | માંજરેકર બોલ્યા- ભારતીય બેટર્સ NRI બની રહ્યા છે: ઘરેલું પિચ પર રમવાનો અનુભવ ઓછો; આફ્રિકા સામે 2 બેટર ફિફ્ટી લગાવી શક્યા
6 દિવસ પેહલા
- કૉપી લિંક
પૂર્વ ભારતીય ક્રિકેટર સંજય માંજરેકરે ભારતીય બેટર્સની ઘરેલું પિચ પર નબળી તૈયારી અને વિદેશી પ્રવાસોમાં વધુ રમવાની આદત પર કટાક્ષ કર્યો છે. તેમણે શુક્રવારે કહ્યું કે ભારતીય બેટર્સ NRI બનતા જઈ રહ્યા છે.
માંજરેકરે ટીમ ઈન્ડિયાની ખરાબ બેટિંગ પર કહ્યું- ‘ફૂટવર્ક, ડિફેન્સ અને સ્ટ્રાઈક રોટેશન જેવી સ્કિલ્સ સુધારવી જરૂરી છે. આગામી ટેસ્ટ સિરીઝ પહેલા ઘરેલું મેચો પર ધ્યાન આપવું ખૂબ જ મહત્વપૂર્ણ રહેશે.’
સાઉથ આફ્રિકા સામે ભારતીય બેટિંગ નિષ્ફળ રહી છે. ટીમ બે ટેસ્ટ મેચમાં એક જ વાર 200નો આંકડો પાર કરી શકી છે. એટલું જ નહીં, ટીમમાંથી માત્ર બે બેટ્સમેન ફિફ્ટી લગાવી શક્યા છે.
ખરાબ બેટિંગના કારણે સાઉથ આફ્રિકાએ ટીમ ઈન્ડિયાને 25 વર્ષ પછી ભારતીય ધરતી પર ક્લીન સ્વીપ કરી દીધું.
માંજરેકરે કહ્યું-
ભારતીય ખેલાડીઓનો ઘરેલું ક્રિકેટમાં અનુભવ મર્યાદિત થઈ ગયો છે. ટીમમાં પસંદ થયા પછી તેઓ ઘરેલું મેચ અને ફર્સ્ટ ક્લાસ ક્રિકેટ નહિવત્ રમે છે. મોટાભાગનો સમય તેઓ વિદેશી પ્રવાસોમાં રહે છે. આનાથી તેમને ઘરેલું પિચો અને સ્પિન બોલિંગના અનુભવની કમી થાય છે.
માંજરેકરે ઉદાહરણ આપતા કહ્યું-
યશસ્વી જયસ્વાલ, શુભમન ગિલ, કેએલ રાહુલ અને રિષભ પંત જેવા ખેલાડીઓ છેલ્લા બે વર્ષમાં મોટાભાગની મેચો વિદેશમાં રમતા રહ્યા છે. જ્યારે ભારતમાં તેમને એટલી તકો મળી નથી.
માંજરેકરે કહ્યું- તૈયારીના અભાવને કારણે બેટિંગ નિષ્ફળ રહી માંજરેકરનું કહેવું છે કે ભારતની બેટિંગ નિષ્ફળ થવાનું સૌથી મોટું કારણ તૈયારીનો અભાવ છે. તેમણે કહ્યું કે ભારતીય ખેલાડીઓ ઘરેલું ફર્સ્ટ-ક્લાસ ક્રિકેટમાં સારું રમે છે, પરંતુ ટીમમાં પસંદ થયા પછી ઘરેલું મેચો છોડી દે છે. આ જ કારણ છે કે જ્યારે તેઓ ભારતમાં રમે છે, ત્યારે પિચ અને પરિસ્થિતિઓથી અજાણ દેખાય છે.
બેટિંગ ટેકનિકમાં સુધારાની જરૂર- માંજરેકર માંજરેકરે ટેકનિક પર પણ પોતાનો અભિપ્રાય આપ્યો. તેમણે કહ્યું કે વિદેશી પિચો પર ફાસ્ટ બોલરો સામે આક્રમક રમત કામ કરી જાય છે. પરંતુ ધીમી અને સ્પિનવાળી પિચો પર સ્ટેન્ડ એન્ડ ડિલિવર જેવી રમતથી કામ ચાલતું નથી.
માંજરેકરના મતે ટર્નિંગ ટ્રેક પર સફળતા મેળવવા માટે ફૂટવર્ક, ડિફેન્સ અને સ્ટ્રાઈક રોટેશન જેવી સ્કિલ જરૂરી છે. ફક્ત આક્રમક રમતથી બેટ્સમેન સફળતા મેળવી શકતા નથી.
